الصخر المشوه

البارت الثاني

مو كل اليحب ايعيش فرحان ..
اكو واحد يحب بس هو يائس
واكو لمن يحب ايصارع الموت ..
ميهمه يصارع الف فارس
ينشدونه اعله قيس وليلى كل يوم ..
اشو محد ذكر بالعشك عابس
******★*★***********

ياران

وصلونا للبيت المأجرينه النا شفتها حلوة يعني مو جبيرة ومو كولش صغيرة بيها غرفتين نوم وهول وغرفة ضيوف ومطبخ وبيها مطبخ حار صغير يكفي بس مكان للطباخ ...

افتريت بالبيت عجبني ..صاحني سامان

سامان_تعالي ياران مسلمتي عالشباب ..

يبوووو هو اني بالكوة متحملة مااباوع عليه النوبة سامان صاحني اسلم عليه ...اتقدمت بثكل عود زعلانة من كلامه تقرب وشفت  عمو محمد ويصير عم قالب الثلج

ياران _السلام عليكم ...

محمد _يولي يارا كبرانة وصايرة مرة ...

عزا اني كال هيج اريد الكاع تنشك وتبلعني هذا ماعده سيطرة على لسانه جريء
سامان_ولك لاتحجي ويه اختي هيج هسه تموع ...

عزاا هذا اخوية لو عدو عزه دمعت من الفشلة وخصوصا باوعت بطرف عيني على صخر يباوع وضام ضحكته بالكوه

ياران _والله صوجي احجي وياكم..

طلعت بسرعة وصعدت بالسيارة وهمه يضحكون ورايه ...كعدت بالسيارة ...بدون وعي عيوني تصد عليه وهمه يحجون ويه صاحب البيت ...اخر شي التهيت بالموبايل ..من صديت عيني عليه شفته يدخن وصافن عليه ورافع حاجبه ...عجبني اباوع عليه خليت عيني بعينه ...اخر شي خزرني ودار وجهه ...هزيت ايدي الحمدلله والشكر
صعد سامان بعد ماتسالم وياهم

سامان _ها يارو نروح نتغده ببيت خاله وبعدين نروح نشتري النواقص...

ماجاوبته
سامان _عيني سالمين ..مو وياج

ياران _بعد ولااحاجيك صاحبك يخجلني وانت توكف وياه ما ...ماا بعد مااحاجيك
سامان_عهههههه يولي هذولة اخواني مو اصدقائي

ياران _امم وشعجب مدتحجي كوردي وباي شوكالبها عربي...

سامان _عادي ..

رجع يحجي بالكوردي وياي احب نسولف بيناتنا كوردي لان كل اصدقائنا عرب واهل امي هم فمااريد انسى الكوردي بيها عادة اذا لغة مااستمر عليها انساها من جنت صغيرة لان فترة اندمجت ويه اهل ابوي ونحجي كوردي و كتها مجان عندي صديقات فبديت انسى العربي لحد ماتعرفت على صديقات عربيات يلا كدرت احافظ على لغتي العربية واحجي ويه سامان كوردي فالحمدلله ضبطت الاثنين  وصلنا لبيت خاله..

استقبلتنا خاله سماح

ام علي _يااهلا توه نور البيت يبعد كلبي

حضنت سامان بقوة ..

سامان _شونج خالة شخبارج ...مشتاكلج والله