الصخر المشوه

بارت الثالث وعشرون

ياران

كمت لحيلي ماصدكت رجع صخر هو موعد رجوعه ...

تقربت منه والابتسامة راح تشك حلكي ..

ياران _الحمدلله على سلامتك ...حاجيتك مكلت راح ترجع ...

صخر _على كيفج حبي ...ردتها مفاجئة ...وبعد اكو خبر حلو

ياران_احلى مفاجئة ....شنو الخبر

صخر _بعد رجع دوامنا لهنا ...

كمزت ولزم ايدي

صخر _خبلة راح طيحين ابنج ..

لزمت ايده ...

ياران _ابني في الحفظ والصون ...

صخر _يولي وخري عيب البنيات خجلو وطلعو

ياران _موزين ماكمزت لحضنك وبستك ...

صخر _حبيبي صاير جريء ويعبر عن حبه ...قربت وجهي وبعد شراح تسويلي

صافنين بعيون بعض وناسين الحوالينا...

ام محمد_احححح

كمزنا اثنينا ...

ام محمد_مبين السالفة جايده جي ناسين رواحكم..

صخر _احم ...تقربت بست ايدها...شونج حبوبه

ام محمد_هلا يمه هلا الحمدلله على سلامتك ...

صخر_الله يحفظ يغاليه ...يلا يارا حضريلي الحمام..

ياران _تدلل ..من رخصتكم

ام محمد_شوف الخجل لما شفته من دقايق

رحت بسرعة واني ميته خجل ..شفت غاليه ورتاج كاعدين بالهول وخربو ضحك من شافوني عرفت هن الدزو بيبي ...سويتلهم حركة بسيطة ...وصعدت لغرفتي. ...بغرفة البنات سمعت صوت شي وكع ..ردت افتح الباب ...مقفول ...دكيت الباب ...

ياران _سماهر .. 

ماكو فزيت على صوت سماهر وراي ...

سماهر _محتاجة شي يارا

كمزت وانداريت عليها ..

ياران _انتي هنا ...سمعت صوت بالغرفة ...ليش قافلة الباب ...

سماهر _قفلتها لاالجهال يفوتون عد امي ....تعرفين مريضه مو مال جهال يزعجوها ...

ياران_زين افتحي الباب ...لان سمعت شي انكسر لاصاير لامج شي..

طلعت المفتاح ..

سماهر _سوده عليه ليش امي تكدر تتحرك حتى تكسر شي ...

فتحتها ..دخلت ودخلت وراها شفت عفاف متمدده ومغمضة ...ولفت نظري جم كزازه موجوده قريب الجربايه

ياران_شوفي اكو كزاز مكسور ...معقوله امج بدت تتحسن

سماهر _ لالا وين ...

باوعتلها بعدم فهم

سماهر _قصدي ياريت ...بس هاي كل شهر اوديها ويه ساهر الدكتور مايس .. وهاي الكزازه اني كسرتها ونسيت اشيله