الصخر المشوه

بارت التاسع عشر

ياران ..

كال احبج ...باوعت بعيونه اريد اشوف الحب ...لاول مرة اشوف بنضراته حب تجاهي ...ابتسمت وماعرفت شنو اجاوبه راحت  من بالي كل كلمات الحب ...

صخر _احمم ماكو حواب لج ...

حجاها بضحكة...

ياران _هااا ...ها اي اي واني هم احبك ...صرت احجي واني متوترة مجنت متوقعة كلمة احبج من حلكه . ..

صخر _ههههه هدي هدي شبيج ...

ياران _باوعتله وبرطمت بصراحة ...متوترة لان مجنت متوقعة منك هالكلمة ...لو هالكلمة لابنك مدري بنتك...

جرني لصدره ..

صخر _حبيت الطفل لان منج...وداعتج مجنت مخلي ببالي بيوم احب واتزوج وانحب...

وخرت وابتسمت ...

ووخرت شعره عن وجهه

ياران_يمته راح توفي وعدك ..بسته بمكان الحرك...

ابتسم ...

صخر _قريب ان شاءالله محمد لاكالي دكتور ...يكول خوش دكتور ....على مود يلاكي حل لوجههي ...

ياران _فرحتني....

****★***""""""
غالية

من وصلت احس نااري تطلع من ايدي ...اون واستحي اصارخ ....وهاي رتاج ميته بجي بصفي احاول اسكت روحي حتى مااخوفها وتبطل بجي ...بس مااكدر الوجع مينحمل ...لحد ماانطوني ابره يهدي الوجع يلا شوي ...ارتاحيت ...
واتذكرت من محمد طلك زوجته بسببي ...نزلت دموعي ..لان صرت سبب بخراب بيت وحدة...شفرق عن الخاني زوجي وياها ...هي هم اكيد حست زوجها عينه مني من هاي تخبلت وسوت السوته وماارومها ..اني حقيرة جان لازم احس واطلع منهم من صارحني هو يريدني ...اتذكرت كبل الحادثة بجم يوم...

جنت انضف الغرفة الاحنا بيها ...انفتح وانقفل الباب عبالي وحدة من البنات ....سمعت صوت واحد يحمحم ...بسرعة فزيت ورجعت لورا من شفته محمد .....
انتبهت ملابسه حجاب ...بسرعة جريتها من عالجربايه ...

غالية _عفية شلون تدخل هيج. . اطلع قبل لااحد يشوفك ...

انتجى عالباب وهو يباوعلي بسكوت. 

غالية _عفية دااحجي وياك والله اذا احد يشوفك هنا ...انفضح ...

محمد_اريد اعرف شنو البيج وملكيته بغيرج ...

عكدت حواجبي واني ميته خوف ..

محمد_تخيلت روحي مستحيل احب بعد مرام الله يرحمها ...تزوجت رباب بالعقل ومااكدرت انطيها ولو نقطة صغيره بكلبي ..الا انتي من يوم التصادمت وياج وانا موكادر اطلعج من عقلي عطرج التغلغل بداخلي مااكدر اشم عطر حلو مثل عطرج  ..

غالية _عففففية شنو هالكلام ...الله يخليك ...لاتخليني احس روحي حقيرة ...الله يخليك انت متزوج وحرام عليك تكسر بكلب زوجتك بهالحجي ...