الصخر المشوه

الثالث والثلاثون

فزينا على صوت طلقة....ركضنا لجوه ....سارا واكفه يم باب غرفة ابوها ...

ياران_شكووو
سارا_ماادري ماادري...

الكل راحو للمستشفى حتى يستلمو جثتها ...بس ضلت حبوبه ...الكاعده ووجهها اصفر

فاتو رعد وسامان الجانو بالديوان

رعد_شكو ...

سارا_عفية رعد اكسرو الباب يمكن سماهر انتحرت...

عزا مااصدك لاربي دخيلك..

رعد وسامان كسرو الباب ...هنا جانت الصدمة سماهر منتحرة ضاربه روحها طلقة براسها ...غمضت عيوني واني ممصدكه ...صرخة سارا وريم ...بعدها باذني ...
حسيت بشخص ضمني لصدره ...عرفت من ريحته هذا اخوي ...سندي الماخاب ظني بيوم لان جنت اثق بيه ...طلعت راسي من صدره باوعتله واني ابجي ...

ياران_ليش ...ليش ماحاولت تصحح اغلاطها وتوب ...والله كلبي احترك عليها ...

رعد خابر اسعاف ...الورا شكد يلا اجو محمد دخل وهو مصدوم شصاير اني رحت لحبوبه ...تقربت وكعدت بصفها

ياران_بيبي ...باوعتلي وعيونها صاير احمر دم ...

ام محمد_يمه ...ابريلها الذمة ادري مراح يقلل من عقابها بالاخره ...بس ذنب اقل ...

حضنتها بقوة

ياران_والله مسامحتها ...وتمنيت لو مكفره عن اغلاطها ولاتشيل عقاب لاخ ...

بجت وهي تشهك ...

ام محمد_اخ وليدي سعد شنو من بلوة جبتها لينه ...اخ وليدي ...شون ضيعت بنتك وولدك ...

مخنوكة ...اخذو سماهر وهاي شابات ثنين ماتن ...من ورا حقد وشيطانه مثل عفاف ....الاجه دوريه واخذتها وهي من نزلها محمد مبين كايل الها السوته سماهر ...

تباوع بالوجوه يمكن تريد تتاكد ...استقر نضرها على بنتها سارا ...رادت تقترب منها ...رجعت سارا لورا وصاحت بيها

سارا_روحي من وجهي الله ياخذج انتي مو ام انتي غضب انتي مو بشر انتي بشر بهيئة ابليس ارتاحيتي ارتاحيتي من جريتي بنتج لطريقج النكس وهاي اختي صارت عقاب لاخطائج الله ياخذج لعنة الله علييج ..

رعد جرها وحضنها وهي زادت بنواحها ..

جرها محمد وطلعوها ....

ريم صعدت للجهال ....نزلت غاليه والموبايل بايدها ...اجت وكعدت بصفنا ...اني وبيبي وغاليه ...شويه وصلو بيت عمهم ابراهيم وعمتهم فضة وعمه عواطف جتي وهي خجلانه لان بنتها هم طرف ...
فات ابراهيم

ابراهيم_يمه واحد يفهمني ...ليش عفاف كتلت رانيا هي اصلا يمتى تشافت وسماهر ليش انتحرت ...

عواطف _انا اكولك خويه ...والله وجهي هالكدوته لان

حبوبه كاطعتها