ريم
خوف بداخلي ...خاف مايكمل سعادتي ....صح مااحب سامان ...بس احس هو الوحيد راح يكدر ينجيني من الماضي ...ويخلصني من سالم ويكون حبل النجاة الي راح يخليني اعيش الحاظر والمستقبل وانسى عقدة الذكريات والماضي ...هوايه بعد سالم تقدمولي ...بس قبل الخطوبة يختفون اويردولنا خبر تراجعو ...جنت احس مرات سالم ورا هالموضوع ...بس بعدين اتذكر هو العافني واتزوج مريم ...هو الرفضني...صح بعدين رجع خطبني بس بعد شنو ...بعد ماعرف وانفضح هو ميخلف...
رفضت لان مو اني الي اكون احتياط مو اني الي اكون هامش وعلى شنو احرم نفسي من الخلفة على واحد جلب ميستاهل ...لو ماغدرني وخاني جنت مستعدة احرم روحي من الدنيا كله مو بس الخلفة ...بس ميستاهل ...الحمدلله الخطوبة صارت حقيقي ..والصار ويه ياران خلاني اجبر احجيلها عن علاقة صخر ورانيا بدون مااتطرق لكل الكلام فقط علاقة حب حقيقي من طرف صخر وخيانة وغدر من رانيا ...وهالشي كافي يخليها تتقبل المنظر الشافته واله جان مستحيل احجيلها لان صخر امني بس هم مااكدر اشوف حياته ترجع تدمر بعد ما كل الكرايب رفضو يناسبوه خوفا على مشاعر بناتهم اني ماشايفه حركه شي جبير صح جسمه بي اثار بس لازم الواحد يفكر لكدام يعني مثلا اذا متزوج وحده من بناتهم وراها صار الحرك هم جانو راح يرفضون يكمل ويه بنتهم معقولة صرنا هيج انانيين وسطحين لو هاي رانيا شلون كدرت تخدع اخ وتتزوج الثاني لو وائل عنده علم ادري يكره صخر بس معقولة تزوج رانيا حتى يحرك كلبه هوايه اسئله ببالي بس مااريد اسئله خاف اجرحه او خاف اني انصدم بالناس العايشه وياهم زين اخويه شلون كدر يعيش.ويه وحده مجرمه حرك ابنه وكتل مرته معقولة الحب خلاه غبي لو بلاغيره ماادري ماادري انسي ريم انسي وادعي الله يهني صخر وينسيه كل جرح شافه ولو صعبه....
اليوم العقد كلبي يدك سريع عبالك بسباق ويريد يطلع الاول ....عقدولي واني احس كلبي يدك مثل الطبل ...من فات سامان ...احس كلبي زاد دكاته ....واحس الحرارة بخدودي وصخنت ....اتقرب مني ...وبارك لياران ...ولبسنا الحلقات والذهب واخذنا صور من طلع كلي جملة خلاني بخوف وقلق وارتباك. ...
اتقرب من ركبتي عود ديودعني ...
سامان _صرتي الي غصبا عن ابن عمج الناقص غيرة ...
فتحت عيوني عالاخير واني ماادري شيقصد ...باوعلي وانطاني غمزةوطلع ...
صح غمزلي عود يطمني بس اني خوفني اكثر هذا الحقير شمسوي ...وليش هيج سامان غلط عليه...
طلعو بيت سامان وياران راحت ...واني انتضرت اشزف ابويه واخواني ...
ابويه اول مافتت عيونه دمعت ...وفتحلي ايديه ....
اتقربت واني العبرة خنكتني شلون راح اعوفهم شلون راح اكعد الصبح وهمه مو وياي ...ذبيت روحي بحضنه واشهك. ..
ابومحمد_اميرتي مدللتي لتبجين وتشهكين ميصلح اليوم جان عقدج...حبيبة ابوها اريد ترفعيلي راسي عند الناس اريد اليكوم ويكعد يدعلينا انا وامج على تربايتج ....
أنت تقرأ
الصخر المشوه
Storie d'amoreقصة عن صخر انظلم واتأذى من شخص ولم يستطع ان ياخذ حقه لان لم يكن هناك من يصدقه... قصة عن فتاة جميلة حاولت وحاولت مرارا وتكرار ان تتجنب الزواج من اجل حب من طرف واحد و شاءالقدر ان تقع بين يدا صخر لطالما كره النساء قصة عن شاب فنى شبابه ليربي اخته واخ...
