متمردة في يد ديكتاتور ( مكتمله )

الفصل الثاني

وقفنا عند ...

جاسر بغضب مرعب : دا انا هربيك من اول و جديد يا مازن ... علشان ترجعلي بشكلك دة ! ....

كان مازن يقف امام جاسر و وجهه مليئ بالدماء
ياسر يحاول تهدءه الجو : استني بس يا جاسر نفهم الاول ايه الحصل ! اتكلم يا مازن في ايه ؟!
مازن بهدوء : خلاص خلصتوا ... دي خناقه عاديه كبرت حاجه بسيطه بس ...
جاسر بغموض : ايه سبب الخناقه ؟!
مازن بتوتر : كنت بدافع عن بنت
ياسر بفخر : طب دي حاجه حلوة اوي يا جاسر
جاسر بهدوء ما قبل العاصفه : استني انت يا ياسر ... فهمني بقي يا مازن مين البنت دي و تخصك في ايه ؟!
مازن بتوتر : زميلتي ...
جاسر بصراخ : رد عليا بوضوح .. زميلتك بس !
مازن بعصبيه : لا مش بس بحبها يا اخي ... لقيتهم بيتنمروا عليها اتخانق معاهم ...
جاسر : علشان بتحب ترجعلي بالمنظر دة ؟!!
مازن : جاسر هتعمل ايه لو لقيت حد مد ايدو علي رهف ؟! بلاش مد ايدو دي علشان انت ممكن تقتلوا خليها حاول بس يمد ايدو علشان يضربها ... هتعمل ايه ؟!
جاسر : رهف تبقي اختك .. و اختي و بنتي من لحمي و دمي .. مش واحده غريبه لاعرف اصلها من فصلها !
مازن : انسانه ... انسااااانه يا جاسر و انا كمان انسان من حقي احب و اتحب و من حقي ادافع عن الانسانه دي .. علشان انسانه اولا و علشان بحبها ثانيا ...
جاسر بهدوء : طيب يا مازن انا هعدي الحوار دة علشان هدفك نبيل ... و حورا الحب دة هبنقي نشوفوا بعدين ... روح غير هدومك علشان اخوك يعالج جروحك .. و انتي يا رهف تعالي معايا علي اوضه المكتب ...

ذهب جاسر الي غرفه المكتب و رهف ورائه و عندما دخلوا ...
جاسر بهدوء : رهف تلفونك معاكي ؟!
رهف : اه يا ابيه معايا ...
جاسر : طب هاتيه كده عايز اشوف حاجه ...
رهف ببرائه : اتفضل يا ابيه ...
فتحت رهف هاتفها و مدته لجاسر ببرائتها .. ابتسم لها و فتح ذراعيه
جاسر بحب : تعالي يا رهف ...
ابتسمت و دخلت بصدرة
جاسر : رهف ... انتي عارفه اني بحبك صح
هزت رهف رأسها بالأجاب
جاسر : و عارفه كمان انك مش مجرد اخت .. انتي بنتي يا رهف
رهف : عارفه يا ابيه و انا كمان بحبك اوي ..
جاسر بحزن : يمكن انا مش شخص مثالي يا رهف انا عارف دة ... لو كان علي اخواتك فا انا راجل زيهم و فاهم الي هما فيه .. بس انتي .. طول الوقت حاسس اني مقصر معاكي ... كأنك بنتي و مش عارف اجيبلك ام تكلميها و تحكي معاها .. و انا عارف انك وحيدة ملكيش اصحاب ...
رهف بمرح : خلاص اتجوز يا ابيه هههههه
جاسر بأبتسامه : ليه علشان تجنني الي هتجوزها يا شقيه انتي هههههه .. انا بتكلم بجد يا رهف .. انا عايز اجيبلك حد تتكلمي معاه .. تكون بنت زيك
رهف بعدم فهم : حد زي مين طيب .. زمايلي ؟!
جاسر بغموض : لا حد يكون بيفهم شويه ..
رهف بمرح : ليكون دكتور نفسي هههههه .....
جاسر : .....
رهف بخضه : عايز تجبلي دكتورة نفسيه يا ابيه ؟!
جاسر : رهف انا بس عايزك تتصاحبي علي حد كويس
رهف بدموع : و الحد ده انت هتدفعلوا فلوس علشان يسمعني .. لا طبعا لا يا ابيه لا لا لا
و خرجت رهف بسرعه علي غرفتها ف رأها مازن و ياسر بعدما عالج ياسر اخاه ...
مازن : رهف ... مالها ؟!
ياسر : تلقي جاسر قلها حاجه زعلتها ..
مازن بدهشه : مستحيل !! دا الي بيضايقها فينا بيكون يومه اسود يزعلها هو ؟!!
ياسر بحيرة : طب بص ادخلها انت و انا هروح اشوفه
&&&&&&&&&&&&&&&&&&&&&&&
عند أيلا ....