وما كان ربك نسيا

الحلقة التاسعة

رجع سليم في وقت مبكر من المساء عكس اليومين السابقين .
ما ان وضع مفتاحه على الباب حتى عرفت امه بمجيئه ، فتحه بهدوء ليجد امه واقفة بتلهف منتظرة اياه .
دخل سليم ليقابله عتاب امه .

ام سليم بعتاب : كدة تعمل فيا يا سليم ؟؟؟ تخليني قلقانة عليك بالشكل ده .ماقلتش اكلمها ، اطمنها .تيجي نص الليل وتطلع على وش الفجر .حتى تليفونك ومارديتش عليا ولا على اخواتك .

سليم بضيق محاولا انهاء الحوار : آسف يا ماما حقك عليا، مش حعيدها تاني .

ام سليم : وشك مخطوف ليه يا بني .تعالى احطلك تاكل .

سليم : مش نفسي في حاجة ، عاوز انام بس .

ام سليم : مش عاوز تطمن امك عليك .تعالى اكلك لقمة وفضفض يا بني .ماتحملش همومك لوحدك .

سليم : حاضر .بس وربنا ارتاح شوية .بعدها هقوم واكليني زي ما نتي عايزة واسألي اللي نفسك فيه .بس خليني ارتاح الاول .مش قادر فعلا .

ام سليم بتفهم : حاضر .ربنا يهدي بالك .

توجه سليم الى غرفته بينما ظلت امه تراقب مروره حتى دخل الى غرفته .تعرف مابه .فصدمته بهذا العمر بماهية الشخص الظالم لامه قد انهكت رجولته فعلا .

دخلت للمطبخ ليتبعها صغيراها الاخرين .

سامي : ماما هو ماله سليم .

ام سليم : تعبان من شغله يا حبيبي .

سامي : بس ماله وكأنه متهرب من البيت .هو انتو زعلتوه في حاجة .

ثم قال ممازحا : هو انتو فرضتوا عليه عروسة ولا ايه .

ام سليم : انت بتخرف بايه .امشي اطلع من قدامي مش نقصاك .

توجه سامي بحنق الى رضوان وصفع باب الغرفة .

رضوان : مالك ؟؟

سامي : مرات أبويا الشريرة .

رضوان بضحك : ههههه مالك امك عملتلك ايه ؟؟

سامي : مخبية حاجة .في مشكلة بينها وبين آبيه .

رضوان بقلق : هو سليم جاه .

سامي بتفحص : ومالك انت تاني .ايووووة انت كمان عارف مالهم ؟؟ .

رضوان بنهوض : مافيش حاجة .وبلاش حشريتك في موضوع اكبر منك .

سامي : والله لكون عارف هو مالو ومالكم كلكم .

خرج رضوان من الغرفة متوجها الى غرفة سليم .يريد الاطمئنان عليه .

طفولتهم كانت رائعة فقد ولد وقد كان عمر سليم حوالي العشر سنوات .اعتنى به وحماه من كل شيء .وضع سليم نفسه مسؤولا عن سلامة اخيه رضوان .فقد انتظر اخا له بشوق وقد طال انتظاره .وحينما ولد كأنه سقط له من الجنة .احبه بصدق وما كان من رضوان الا مبادلته شعوره وامتنانه وتقديره واحترامه .