رواية ويكفيني من هذا العُمر انك مررت عُمري

البارت الثاني

هديل ونايله راحو

عاشه: انت كيف جي تكلمني جدام بناتك وتصغرني جدامهم
بو نايله : ما صغرتج بس كيف تضربين بنتي قدامي البنت كبيره ترا مب صغيره عسب تضربينها
عاشه : وليش ماهزبتها يوم انها ضربت الصغير
بو نايله : ردت فعلها طبيعيه صح انها غلطانه بس مابقوم وبرد لها الضربه الولد طفس خ تضربه عسب يعرف انه غلط
عاشه : انا مابا اربي عيالي ع الضرب
بو نايله : بس انتي ربيتي بناتي ع الضرب

عاشه سكتت ماردت له .. صوب هديل ونايله

نايله:والله عجبني ابووي يوم سكتها تستاهل
هديل: مادري اليوم كيف برقد من فرحتي
نايله: ههههههه رقدي رقدي ورانا روحت بيت امي باجر
هديل: صح نسيت يلا تصبحين ع خير

ع الظهر تغدو وخلصوا وقاموا يجهزون لروحت بيت الام ع العصر قاعدين في الصاله يتريون السايق يوصل عاشه مرت شافتهم

عاشه: ع ويين ان شاء الله ريا وسكينه؟
نايله: هاي بلاها دووم تدخل عمرها بشي ما يخصها
هديل: شكلها فاضيه الحين ماعندها شي ويايه عندنا تفرغ طاقتها السلبيه علينا
نايله: صح كلامج
عاشه: شو تتهامسون انتي وياها قاعده اكلمكم وين سايرات

تلفون نايله رن وكانت امها المتصله

نايله: هلا بامي حبيبتي وينه برع؟ يلا الحين طالعات