نوف كانت بتروح سهيل ناداها وكلمها بصوت خفيف بدون ماتسمع نايله
سهيل : امي مب ناويه اتي تسلم علي؟
نوف : سهوول امك وانت عارفها اكييد ما بتي تسلم علييك خلاص شل حرمتك و روح
نوف راحت عنهم .. سهيل راح لنايله مد ايده لها
سهيل : يلا بنروح
نايله : مب كانك مستعيل شووي !!
سهيل : مستعيل وايد يلا قوومي
نايله مسكت ايد سهيل و روحوا طلعوا من القاعه و دخلوا جناحهم .. نايله دخلت تبدل .. طلعت شافت سهيل قاعد وسرحان راحت تقعد حذاله
نايله : حبيبي؟ شوفييك؟ وين وصلت؟
سهيل : مب سرحان
نايله : عيل وين شارد؟
سهيل : وياج وياج انا
نايله : وين وياي حبيبي وانت سرحان من يينا هني
سهيل وقف : خلاص نايله شوفيج تحنين قلت لج مب سرحان
نايله : اوكييه حبيبي مب سرحان انزين ما بتاكل؟
سهيل : اوك ف خاطرج شي معين؟
نايله : عادي حبيبي اي شي
سهيل : اوك
سهيل طلب اكل وبعد نص ساعه وصل اكلهم وقعدو ياكلون .. بعد الاكل نايله قعدت ع السرير ، سهيل يا ينسدح حذالها
نايله : ليش اليوم احسك انت مب وياي ابدا وايد تسرح !
سهيل لف يطالع نايله : نايله لو اتزوجت علييج شو بتسوين؟
نايله استغربت من سؤاله : نعم حبيبي شقلت؟
سهيل : لو اتزوجت عليج شو بتسوين؟
نايله : من صدقك تسالني هذا السؤال الحين ! ف عقلك شي؟ ليكون ناوي تاخذ علي الثانيه من الحين؟ سهييييل بذبحك والله
سهيل : لا اسولف معاج بس اشوف ردت فعلج
نايله : ضايقتني الحين انت
سهيل تقرب من نايله ولمها وباسها : اسولف معاج حبيبتي لا تضايقين روحج
نايله : هذا سؤال تسالني فيه الحين؟
سهيل : عارف انا غلطان حقج علي رضيتي علي
أنت تقرأ
رواية ويكفيني من هذا العُمر انك مررت عُمري
Romantiekنايله وهديل بين زوجه الاب و زوج الام و سهيل المعجب ..
