رواية ويكفيني من هذا العُمر انك مررت عُمري

البارت السابع

ام نايله : شخبارج طمنيني عنج شو مسويه ارتحتي في نومتج
نايله : هيه
هديل : انا بتم هني معاج ما بخليج روحج
نايله : وانتي امييه؟
ام نايله : انا معاكم اي وقت تبوني بييكم
نايله : بعدج مصره تفضلينه علينا
ام نايله : ما افضله عليكم حبايبي انتو كبرتوا و على ويه زواج وكل وحده بتروح بيت زوجها انا مابا اتم روحي بدون شريك بحياتي
نايله : بس انتي مع الشخص الغلط عزيز ما يستاهلج والله ما يستاهلج
ام نايله : يلا قوومي صحصحي عشان تاكلين لج كم لقمه ويهج مصفر
نايله : هذا انتي ما بتتغيرين من نطري لج طاري هالعزيز تغيرين الموضوع ع طول
ام نايله : يلا قومي اترياج في الصاله
نايله : قبل ما تطلعين حبيت اخبرج انا غيرت رايي مابا اتزوج
ام نايله : ليييش !!
نايله : مابا احس مب مقتنعه بهذا الزواج من بدايته مشاكل انا قررت امس اني خلاص مابا اتزوج
ام نايله : نايله ردي استخيري بعد مره وعقب قرري لا تتخذين موقف الحين وانتي كارهتنا كلنا ويلا قومي غسلي ويهج وتعالي اكلي

ام نايله طلعت هديل قعدت حذال نايله

هديل : مب من صدقج ماتبين تتزوجين وانا اخترت فستان العرس من الحين
نايله : والله انتي متفيجه انا احس من دخل سهيل حياتنا زادت مشاكلنا اكثر وشوفي وين وصلنا الحين
هديل : نايله ترا سهيل ماله علاقه بكل اللي صاير نحن مشاكلنا بدت من يوم ابوي طلق امي من نحن وصغار هذي مشاكلنا اليوميه ومتعودين عليها لا تربطين سهيل فيها هو ماله دخل بكل اللي صاير
نايله : انا مابا اتزوج مابا
هديل : ليش ماتبين !! نايله ترا سهيل شارنج لا تضيعينه من ايدج
نايله : احس وايد امور براسي وبعدين ابوي ما راح يرضى علي اذا تزوجته
هديل : بيزعل يوم ويومين وعقبها بيرضى ويوم بييج مولود سميه عليه بيرضى ع طوول
نايله : مابا اسبق الاحداث
هديل : ودري عنج التفكير الزايد والسلبي يلا قوومي دخلي الحمام غسلي ويهج نترياج في الصاله لا تطولين