رواية ويكفيني من هذا العُمر انك مررت عُمري

البارت السادس

سهيل شل بخاطره ع امه وقام عنها طلع برع ويدوخ له مدواخ .. نوف راده البيت شافته روحه نزلت من السياره دخلت عيالها داخل وسارت لعند سهيل

نوف : انت ما تطلع هالمدواخ غيير يوم تكون متضايق عسى ما شر؟
سهيل : ولا شي
نوف : شكله عمتي مب راضيه بالعروس اليديده صح ولا انا غلطانه؟
سهيل : هيه
نوف : تبيني اساعدك؟
سهيل : تساعديني بشو؟
نوف : بامور العرس وجي
سهيل : والله ياليت وايد منحرج من نايله اليوم قالتلي ليش امك ما تكلم امي ماعرفت شو ارد عليها
نوف : انزين بوقف معاك بس بشرط مابا حد يعرف لا عمتي ولا منيره ومايد انا بخبره عقب عادي اكلم نايله؟ تعطيني رقمها
سهيل : انا مابيج تكلمينها هي ، اباج تكلمين امها وتحددين معاها يوم الملجه والعرس
نوف : اوك عيل عطني رقمهم هم الاثنين وبكلمهم ان شاء الله
سهيل : انزين ماعندي رقم امها باخذه منها وعقب بطرشه لج
نوف : اوك عيل اترياك

في بيت ام نايله .. بو نايله يا لعندهم استغربوا من ييته

بو نايله : ابا بناتي الحين يطلعون
عزيز : البنات ما يبون يتمون عندك يبون يتمون عند امهم
بو نايله : امهم لو تباهم جان شلتهم وهم صغار مب الحين لما كبروا شلتهم مني
عزيز : انا بزقر لك البنات و اتفاهموا مع بعض
عزيز دخل عندهم : ابوكم برع سيروا لعنده
نايله : شو يبا ليش ياي !!
عزيز : يبا ياخذكم البيت عنده
هديل : مابا اروح عنده ماباه
نايله : ولا انا مابا اروح عنده
ام نايله : انا بسير ارمسه