رواية ويكفيني من هذا العُمر انك مررت عُمري

البارت العاشر

منيره : امييه لحقي تدرين منو مع ابووي الحين؟
ام مايد : خيير منو عنده؟
منيره : نايله
ام مايد : نايله؟ منو نايله هذي؟؟
منيره : نايلووه زوجة ولدج سهيل
ام مايله : زوجة سهيل اهني !!
منيره : هيه كانت معانا في السياره سهيل نزلني انا اول والحين اشوفها نازله
نوف : ليش انتي ماكنتي طالعه بسيارتج؟
منيره : سويت حادث واللي دعمتها طلعت هي نايلوه حرمة سهيل
نوف : اوووف يالصدفه بروح اسلم عليها من فتره ماشفتها
مايد : انتي داعمه من صدقج؟
منيره : لا امزح شو يالسه اقول انا من الصبح
ام مايد : صارلج شي فييج شي؟
منيره : لا ماصار لنا شي اتصلت لسهيل ايي يشلني وهي بعد كانت متصله لسهيل
ام مايد : ليش يايه بيتي شو عندها؟
منيره : مادري والله اشوفها قاعده مع ابوي
ام مايد : وابوج شعنده مدخلنها عنده
منيره : هذا سهيل مدخلنها
ام مايد : سهيل راح يرفع ضغطي ويموتني هالولد
منيره : بعد عمر طوويل ان شاء الله
نوف : بشل دلة القهوه تشرب
منيره : مايحتاي تسوين عمرج سنعه تونا شاربين قهوه
نوف : ضيفه اول مره تدخل بيتكم ماتشرب شي؟ مب حلوووه عمووه ماتبين القهوه صح بشلها عنج
ام مايد : خليها ماخلصت فنياني
نوف : بزيدج وبشل عنج الدله
ام مايد : ما تشلينها تبين قهوه دشي المطبخ وسويلها
نوف : فنيان واحد بس بروح بصبلها وبييج