رواية ويكفيني من هذا العُمر انك مررت عُمري

البارت الخامس

هديل : مابا اتم عندك ماباك مابا اعيييش معاك

بو نايله وقف رايح لهديل هديل انخشت ف امها

بو نايله بنفعال : روووحي لغرفتج بسرعه
هديل : مابا اتم معاك انا اكرهك

بو نايله حس بقهر وشعور غريب لما سمعها من هديل كانه انجرح سكت عنها وقعد

عاشه : يلا شلي بنتج وربيها عدل في بنت تقول لابوها اكرهك؟ صدق قليلة ادب
ام نايله : يلا هديل امشي

ام نايله وهديل طلعوا .. نايله قعدت تطالع عاشه بنظرات كرهه واشمئزاز

عاشه : انتي بلاج جي تطالعيني سيري اشووف غرفتج مابا اشوفج هني

نايله سارت غرفتها شلت الايباد ودخلت فييه سنابها شافت سهيل يكلمها فتحت محادثة

سهيل : طمنيني عنج انتي بخيير؟؟؟ ردي علي لو بكلمه اذا انتي بخيير !
نايله : كان المفروض ما اطلع معاك من البدايه

نايله احذفت سهيل من السناب .. سهيل انتبه انه نايله قرات المحادثه كتب لها شاف ما يوصلها عرف انها حذفته دق لها شاف تلفونها مغلق

سهيل : واضح اللي صار لها شي مب هيين بس كييف بقدر اتواصل معاها الحين

سهيل كلم هديل وكتب لها

سهيل : شو اللي صار مع نايله؟ ليش حذفتني وتلفونها مغلق؟؟
هديل شافت كلامه وردت عليه : كل اللي صار منك انت لو انك ريال جان خطبتها من ابوي وعقب خليتها تطلع معاك
سهيل : نايله بخيير؟ طمنيني عنها لو هي بخير؟؟
هديل : مادري عنها
سهيل : كيف ما تدرين عنها انتو مب نفس البيت !!
هديل : انا سرت بيت امي وهي ما رضت اتي معاي تمت عند ابوي