نوف : عمي فييه موضوع صاير وانت شكلك ما تدري عنه
بو مايد : خير شو موضوعه؟
نوف : عمي انت تعرف انه سهيل الخميس بيملج
بو مايد بصدمه : سهيل بيملج !! على منو؟
نوف : عمتي خطبت له وحده من صوبها وهو وعدها يتزوج عقب شهر العسل ع نايله
بو مايد بعده مصدوم : يتزوج على نايله؟ ليش يتزوج عليها؟ وبنت الناس اللي ماخذنها بشو مقصره معاه؟ مب هاي نايله اللي حابنها ويباها وسحبني لبيت بيت يدور موافقه اهلها عشان يتزوجها؟؟ الحين بيروح بيملج ع غيرها !!!
نوف قالت له السالفه كلها بو مايد مصدوم من كلامها ومب مقتنع قام سار لعند ام مايد وهو معصب عاللي صاير ومب عايبنه
بو مايد : انتي كيف بتزوجيين الولد ع زوجته؟؟
ام مايد : ولدك وعدني ياخذ ع ذوقي وانا كلمت الناس و موافقين و بيملجون بالخميس
بو مايد : الملجه مابتم انا مب راضي اتصلي للناس مثل ما وعدتيهم وسويتي كل شي روحج قوليلهم ماشي نصيب
ام مايد : اسفه مابا ويهي ينقص قدامهم سهيل بيتزوج البنت اللي انا اخترتها له
بو مايد : واللي فوق شو وضعها؟؟ ليش تبين تخربين بيت ولدج !!
ام مايد : انت عارف انه انا مب عايبني هالزواج ومب راضيه فييه والبنت مب مريحه و ما دشت قلبي و ما اشوفها تناسب ولدك
أنت تقرأ
رواية ويكفيني من هذا العُمر انك مررت عُمري
Romanceنايله وهديل بين زوجه الاب و زوج الام و سهيل المعجب ..
