رواية ويكفيني من هذا العُمر انك مررت عُمري

البارت 26 والاخير

سهيل مصدوم منها

ام مايد : يوم ماتبين ولدي ليش خلتيه يطلق حرمته
منيره : شفتي قلتلج بتهون وبيرد لج سهيل
مها : يعني سهيل بيرد لي الحين !!
سهيل : انتي شو قاعده تقولين نايله مب من صدقج بعد كل اللي سويته ما بتتزوجيني !
نايله : ما اثق فيييك ماباك
سهيل : وعدتج وشرطتي علي و وافقت ع كل شي شو تبين اكثر نايله انا ابيج انتي واخترتج انتي وخذت البيت عشانج و عشان ولدنا لا تضيعين كل اللي سويته لج انا ابيج
ام نايله : نايله شو قاعده تقولين انتي الريال وعدج و وفى بشروطه وخذالج بيت شو تبين بعد اكثر من جي !!
هديل : نايله لا تردينه خلاص دام نفذ كل شروطج لا تعاندينه وتضحكينهم علينا
بو مايد دخل : وينك سهيل شسالفتكم انتو يلا المليج بيروح مب فاضي لنا
ام مايد : قوله هونوا خلاص مابيعرسون
بو مايد : شو مابيعرسون !! سهيل نايله؟ شسالفتكم انتو !! يايبين المليج لين البيت والحين ماتبون تملجون !!
سهيل : ابووي انا اباها وابا املج عليها بس هي ماعرف شو ياها فجاه جلبت علي ماتبا تتزوج
بو مايد : نايله خيير ليش هونتي خبريني
نايله : ما اثق ف ولدك عمي وانت تعرف انه ولدك ولد امه مب بعيده يوم بيتزوجني بيدور رضى امه وبيرد مها له
بو مايد : سهيل انت ناوي ترد مها؟
سهيل : لا ابوي وانا اقول جدام الكل مابرد مها ولا باخذ غيرها انا شاري نايله واباها ترد حرمتي وطلباتها كلها اوامر عندي انا خسرتها مره ومتندم واباها ترد لي الحين وصححت كل اغلاطي بس هي معنده الحين وماتباني
بو مايد : نايله سهيل وعدج ونفذ كل شي تبينه ليش ماتبين للحين قاعد يقولج مابياخذ لا مها ولا غير مها وفوق ها لج بيت كامل روحج شو تبين اكثر من جي
نايله : بس انا مب واثقه فييه ماقدر ارد اثق فيه مره ثانيه ماقدر
بو مايد : نايله انا اشهد ع كل شي واذا سوى شي غييير اللي قاله لج الحين انا اعلمج فييه بس لا تخربين الليله علينا
نايله : عمي انت وعدتني قبل و ماسويت شي
بو مايد : بس انا اوعدج الحين وجدام الكل انا قد كلمتي دام الولد يباج ومنفذ كل شروطه واذا خلف دواه عندي يلا استهدي بالله و وقعي خ تعدي الليله ع خير اليوم لا تخلين الشيطان يدخل من بينكم يلا وقعي
هديل يابت لها الايباد : يلا وقعي خ نستانس الليله ونقهر العذال
ام نايله : يلا نايله قولي بسم الله و وقعي عمج وعدج جدام الكل وهو قد وعده
سهيل : انا غلطت غلطه وما بكررها ان شاء الله اتمنى انج تسامحيني وتردين تثقين فيني من اول ويديد اوعدج اني اكون قد الثقه اللي عطتيني اياها
ام مايد : انتو بلاكم تغصبونها خلاص يوم ماتبا برايها لا تغصبونها ولدي مليون بنت تباه ماوقفت ع نايلوه
منيره : خلاص بعد ماتبا لا تجبرونها لا توقعين حبيبتي اخوي ماله امان يتزوجج الحين وعقب كم شهر بيتزوج غيرج
ام نايله : نايله وقعي ماعليج منهم