رواية ويكفيني من هذا العُمر انك مررت عُمري

البارت الرابع

سهيل نزل يا لعندهم

مايد : هذوو ها ياكم يلا افتحوا الموضوع
سهيل : موضوع شو؟
مايد : اختك الحبيبه و امي مسوين شي من وراك شووف انا كلمتهم اكثر من مره يكلمونك مايبون والحين تم الموضوع بس باقي يخبرونك
سهيل : شو صاير؟ شو السالفه
ام مايد : شوف حبيبي انا الصراحه سويت جي لمصلحتك
سهيل توتر : مصلحتي ! شو سويتي؟ قوليلي لا تلعبين باعصابي
منيره بتوتر : بصراحه انا وامي خطبنا لك ربيعتي شيما وامي كلمتهم و ردو الموافقه بس باقي خطبه الريايل وبس "ابتسمت"

سهيل انصدم ومب مصدق اللي قالته وقف وهو بعده مصدوم ع اللي صار وكيف يسوون جي من وراه بدون ما يخبرونه

سهيل بعصبيه وانفعال : انتووو كيف تروحون وتخطبون لي وبدون ما تخبروني كيييف تسووون جي من وراي !! منو قالكم اني انا بتزوج عسب تسيرون وتدقون باب بيتهم
منيره بخوف وتوتر بنفس الوقت : نحن نبا نفرح فييك
سهيل بعصبيه اكثر : عساكم مافرحتوا فيني يوم انكم سويتوا جي
مايد : سهيل هد اعصابك بلاك جي واييد شاد
سهيل : انت عايبك اللي صار عايبك اللي سووه امك واختك؟
مايد : لا اكيد مب عايبني كلمتهم اكثر من مره ما ردو علي
سهيل يطالع امه الساكته : وانتي امييه ليش ما تتكلمين ماعندج رد بعد اللي سويتيه انتي وبنتج؟
ام مايد : سهيل ما بقى من العمر كثر ما راح ابا افرح فييك ابا اشوف عيالك ، كبرت انت مب صغير لين متى بتم ع لعبانك ما خطبت لك البنت الا اني اشوفها تناسبك
سهيل : عساها ما ناسبتني منو قالكم اني مستعد للزواج الحين انا !
مايد : عيل متى بتستعد للزواج !!
سهيل : امايه انا كم مره قلت لج اذا فكرت اتروج بي لعندج وبقولج خطبيلي الحين انا مب حاط في بالي اتزوج مابا اظلم بنت الناس معاي
نوف : في وحده بحياتك حابها وتبا تتزوجها؟
منيره: لا طبعا مافي حد بحياته
نوف : انا سالته هو مب انتي
منيره: اخوووي واعرفه عدل اكييد ما بياخذ من هالبنات اللي يعرفهم صح سهيل؟