سلسلة العلاقات🍁
بقلم_نسرين أبدوني & خديجة بوقدير
بــــــــارت 2
كملات توبة الدروج وسمر جمعات سطح عاد تمو نازلين يالله وصلو الطبقة لي فيها عائلة اليغموري وشهرزاد هوما إلمحوها خارجة بكسيوة تال الركبة وشعرها طالقاه تال خصرها مع صباط طالون فالكحل وبوشيط لقات عليهوم السلام وتاهوما ردوه عليها لكن البنت بغات تعرف عليهوم كثر وهدرات
نعمة::السلام أنا نعمة جارتكوم الجديدة مرحبا بيا معاكوم في العمارة
توبة::اه مرحبا بيك
سمر::امم مرحبا توبة زيدي غانتعطلو
نعمة::نتمنى نعاود نشوفكوم في العشية البنات
توبة::لارجعنا بكري اختي نشاء الله
جراتها سمر وغادين فدروج حيث من الشوفة ديالها لنعمة مابغاتش تبين بلي ماداخلاش ليها الخاطر
سمر:: شفتك عاجباك الحتة معاها
توبة::من نيتك الزمرة البنت غا هدرات وجاوبناها ماتنسايش بلي من ترابينا لي رباونا واليدينا مكانخليوش الإنسان إهدر ونعطيوه بالظهر أسمورتي
سمر::ومتنسايش بللي حنا مكنكونو الصحبة مع تاحد كاينة نتي وأنا كتفهمي ودوك الخصايل راني حافضاهوم
توبة::إيه عارفة هادشي ياهاد الحمقة راه غير رديت عليها السلام وزايدون أنا عندي صحيبتي وحدة هيا نتي أحوبي
جراتها من حنيكاتها وبقاو على تكركير
سمر::يالله دغيا سيري بدلي عليك خلينا نخرجو قبل مايجي خويا ونصدقو ماخارجينش وغاضيعي عليا الشوفة ديال مول السناك اححح توحشتو
توبة::الله يغبرك سيري سيري متعطليش
هبطات توبة بدلات عليها لبسات جلابتها افازي فالكحل وطلقات شعرها ودارت فرجليها بلغتها وهزات بسطامها وطلات على مها فلكوزينة
توبة::هاني مشيت أماما
رقية::ماتعطليش تاني يجي باك يبدا يخاصم
توبة::تي فينو با مايجي تانكون أنا في الدار المهم هاني خرجت سلمات على مها وخرجات تسنات حدا الباب مع الدورة لقات جارتهوم الجديدة خارجة حاطة واحد البلاستيكة دالزبل حدا الباب وتوبة للي فيها مامهنيها
توبة::السلام أختي آش سماك الله إلى جات على خاطرك وسمحي ليا
سكينة::مرحبا أختي أنا سكينة بغيتي شي حاجة
توبة::لا غي بغيت نكوليك بلي مكنحطوش الزبل حدا البيبان حيث كيتسببو فالريحة لوسط الدار وفي العمارة كولها وكاين لي عندو حساسية كدخل ليه الريحة تال الدار وماديريهاش مني قلة الصواب
سكينة:: اه اختي راه كالتها ليا ماماك لالة رقية الله إعطيها الخير انا غي حطيتو تايجي راجلي دبا يتغذى وقلت إديه هو البركاصة مانقدرش نخرج وأنا مكنعرف تا بلاصة هنا
توبة:: أه ماشي مشكيل غي حطيه دبا نهزو أنا خارجة نديه معايا
سكينة::لهلا يخطيك أختي ماعرفتينيش عليك
تلاقات سمر نيشان مع هدرة سكينة سمر للي بدورها لابسة جلابة فالموڤ مع بليغة في الكحل وبصطامها وكتعوج في الدروج ولي شاف مشيتها اسحابليه تاديرها بلعاني مع لاطاي تبارك الله صافي كملات 😂😂 توبة شافتها وهدرات مع المرأة بالزربة
توبة::سميتي توبة احم سمر زيدي راه تعطلنا
زادت توبة جارة سمر وغادين في الطريق وقبل هزات توبة زبل
سمر::نتي شتك غاليدخل لديك لعمارة تشدي معاه الحتة ياك لباس
توبة::حق ررب تا عيقتي نتي زدتي فيه اواه
سمر::صافي صافي ماكلت والو ولكن شفتك اليوم نتي للي مخرجة زبل فين مشا البرهوش ديال خوك
توبة::راه ماشي ديالنا ديال ديك الجارة لي حدانا كتليك مكتعرفش هنايا وكتليها عطيني نديه معايا في الطريق
سمر::وليتي سخارة يالحمارة
توبة::باز والله تا باز مكاتعيايش سارطة كاسيطة ومافخباريش
سمر ::ايه ايه 😏 لمهم نسيت واحد لحاجة عند الخياط نطركوها عاد نزلو لعند حميد الحبان ديالي مول سناك
التوبة::هههه حمقة اه صافي زيدي
مشاو البنات مرة إضحكو مرة يتنمرو ومرة يتناكرو هدا هو حالهوم وخا يتناكرو كيبغيو بعضياتهوم بزااف حيث كبرو حدا بعضياتهوم وكلاو من نفس طعام وشربو من نفس الكاس هادشي علاش ديما مع بعضياتهوم و في وقت الشدة كايوقفو مع بعضياتهوم عطاو مثال للصداقة الحقيقية
وصلو لعند الخياط ولقاو عندو داك الباسل لي خدام عندو كيتعنب على الدريات ولحسن حضو بالنسبة ليه مكاينش المعلم ديالو يعني غايلقا راحتو وبالخصوص ملي شاف توبة وسمر جايين داخلين قاصدين المحل شافتو توبة وهيا تقندش
توبة::صبحنا على الله وملائكة الرحمان ناااااري كون عرفت هاد عنيبة هنا كاع ماندخل يخخخخ
سمر::غازيدي أنا للي تانعرف ليه والله يابوه تانعاود ليه الختانة ونجمع عليه القصارية كولها
.....يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
سلسلة العلاقات ♡بالدارجة مكتملة♡
Romanceعدنا من جديد بقصة حصرية على مملكتنا و ممنوعة من النشر إلا بإدن وحدة منا🚨🚨.. و هاد المرة غاتكون قصة سپيسيال حيت تجمعنا فيها بجوجنا ، انا و دوجا 🤭 كيفما والفتونا ديما بالجديد و البنوتات لي ديجا قراو قصصنا عارفين أسلوبنا و أفكارنا أنا و دوجا .. هاد...
