سلسلة العلاقات ♡بالدارجة مكتملة♡

الجزء 22

سلسلة العلاقات🍁
بقلم_نسرين أبدوني & خديجة بوقدير
بــــــــارت 22

سكينة بدات كتغوت في الموبل باش كولشي إتجمع عليهوم وراجلها كيطلب فيها ويزاوك توبة وسمر سمعو الغوات وخرجو ببيجامتهوم تلاقاو مع نجم الدين ومحمد وأسامة وكولشي هابط باغي إشوف شنو واقع شاف نجم الدين فتوبة حمر فيها عينيه باش دخل هي وسمر محمد تاهوا بقا شوية وينقز عليها تا قشعها شادة تيلي فإيديها ورسل لها ميساج عاد حسات براسها ودخلات جرات توبة لبسو عليهوم الكاب ولاو خرجو
نجم الدين::شواقع هنا لاش هاد الغوات ومال هادي فهاد الحالة
سكينة::جابكوم الله أعباد الله تشهدو على ولد الحرام وبنت الحرام بفعايلها
توبة::صافي تفرشات القضية
نجية::كيفاش أبنتي شكاتݣولي
سكينة::سكتي أتوبة أنا للي غانهدر ونشوه التاصيلة ديالهوم هاد الحيوان أعباد الله حاشة واش إكون بنادم لقيتو في الفراش مع هاد العاهرة الكلبة الحيوانة وسط الفراش كيديرو المنكروالفساد
نجية وأم الغيث والبقية تصدمو ولاو كيولولو قدام ولادهوم ورجالاتهوم شهرزاد ولات حانية راسها ببنوارها لاوياه عليها ومجلخة بالماكياج وكتبكي أما عبد الرحمان طار عليه نجم الدين عطاه كروشي طيحو الأرض جات سمر كتجري
سمر::ويلي ويلي نجم الدين حيد نوض عليه
توبة::نوض على الحيوان راك غاتقتلو نووووض
بداو كيفكو فيه باه وكاع رجال العمارة وتا محمد وأسامة لكن هاد الآخير دغيا طلع للدار باش مايخليش نعمة بوحدها إلى فاقت غاتسمع هادشي غاتنهار
نجم الدين::الله إنعلك الحمار إلى يوم الدين جيتي تال هاد العمارة وبغيتي تفسد فيها لي عمرو وقع فيها يالكيدار جيتي نتا وهاد الموسخة وحاشة واش تكون مراة وسختو الموبل بالوسخ ديالكوم تفوووو
دفل عليهوم وحمر فتوبة وسمر دار فيهوم ودخلو بالجرا جرو معاهوم سكينة لي مابغاتش تبكي قدامو تادخلوها للدار عاد بدات كتبكي وتنوح
سكينة::ولد الحرام كنت عارفاه تابع البنات كنت عارفاه كيهدر معاهوم ولكن حتى الخيانة ماطاحتش لي على البال
توبة::نتي ماحاساش بيه ݣاع نوضي على سلامتك السيد شبع معاها فساد وماسايقة للدنيا الخبار
سكينة::كيفاش 😭😢
سمر::تلاقيناه ما مرة ما جوج شادها مقنتها ورا الدرب كنكولو دبا احشم دبا احشم ساعة ولد الحرام عاد مازايد فيه
سكينة::😭😭😭😭هادشي كلو وماسايقاش الخبار وناعسة على وذني
سمر::براكة من البكا يالغبية ونوضي تحزمي كركبي مو من الدار وسيري جمعي حوايجك ماتخلي لجد بوه عود باش انقي سنانو وسيري عند باك
توبة::طلقي منو حيث لاكنتي  غاتعيشي معاه مازال قسمن بالله تانوض نعضك ونشتف عليك هاد الكلب مايستاهلكش
سكينة::😭😭الله ياخد فيه الحق درت كولشي على ودو تحديت واليديا على قبلو الهماجي لاخر ودبا وليت أنا فدار غفلون الخيانة أعباد الله الخيانة هي لي مانتقبلهاش
توبة::اوا نوضي تݣعدي عرفي كيفاش تصرفي واليديك مايسيقو الخبار تاتوقفي عليهوم بحوايجك سيري دبا دخلي لبيتك وسديها عليك وخليه تايخرج للخدمة وديري لي خاصو إدار
سكينة::وخا شكرا ليكوم بزااف البنات 😭😭
توبة::وبراكة من البكا أصاحبتي
سمعو الدقان وناضت توبة حلات لقاتو نجم الدين خرج فيها عينيه
نجم الدين::نتي ماحشمتيش داك اللباس لي راك دايرة قبيلا كون ماحشمت كنت غانهرس ليك كرواعك
توبة::أبشوية راه ماحسيناش سمعنا الغوات وخرجنا
نجم الدين::مرة خرى بقاي تردي البال الله ارضي عليك
توبة::وخا ودبا ݣوليا شنو درتو مع داك الحمار وديك الكلبة
نجم الدين::صلحي فمك ودخلي عيطي على السيدة غايهضرو معاها
توبة::وخا صبر بلاتي
مشات عيطات ليها وجات جاراها هي وسمر خرجوها لقاو شهرزاد غطاتها نجية بواحد الكسيوة وهي باقا كالسة فالدروج وهو حاني الراس صبنوه رجال دالعمارة مزيان ماخلاو ماكالو ليه
نجم الدين::ختي هاهو قدامك الحل ليبان ليك ديريه معاه حنا ماغاندخلوش لكن من هنا اليوماين خاصو إخوي هاد البلاصة لا هو لا هاد المسخة لي معاه

نقزات سمر مغددة عليها
سمر::نتي مادرتي تا بوجه بنتك يالجلاخة بنتك مسكينة معيشاها فالقهر وفتمارة وزايداها بالعصا
نجية::اه البنت راها مهلوكة ومريضة وراها معايا فالدار بزز باش نعسات كانت مخنوقة
شهرزاد::تاواحد ماشغلو فيا أنا حرة ندير لي بغيت
نجم الدين (صعر):باغا تفسدي خرجي من هاد البلاصة لي محتارمة وسيري راه الزنقة عطاها الله حيدي فيها حوايجك وطلعي تا رجليك ماكاين لي حاشيها ليك
العيالات كيسمعو ومزنكين والرجال تاهما عارفينو ماعندوش مع الحشمة وجهو مقزدر
شهرزاد::دبا غانمشي بحالي وغاندي بنتي ونتوما غادفعو الثمن على هادشي لي درتو
توبة::باقي عندك الوجه باش تهددي
نجية::غير بالعقل خلي البنت تا تقلبي فين تسكني وجي ديها راها مرتاحة فالدار
ناضت شهرزاد بلا ماتهدر طلعات لدارها وسدات عليها وتتفكر لهاد الموصيبة شنو غادير فيها وفين غاذية تمشي أما عبد الرحمان دخلات سكينة ودخل تابعها ݣلسات فبيتها فوق السرير وجا تكا على رجلها كيطلب وارغب فيها
عبد الرحمان ::عفاك اسكينة ماديريش معايا هكا عفاك كنترجاك نبوس ليك إديك ورجليك ماتشتتيش شملنا
سكينة::هههع شمن شمل كاتهدر عليه اعيفة الرجال تفووووو على كمارتك ومايجي منها يخخخ نوض تݣعد حدايا يالكيدار فالح غا فالتق***ن والفساد اما شي رجلة بحال سيادك مكايناش
عبد الرحمان::ياك اسكينة ولينا دبا فالمعيور
سكينة::شوف نكوليك كنقسم ليك بالعالي العضيم إلى ماشديتش براتي غذا توصلني لدار بابا حتى تبقى على الضس لا خدمة لا دار لا تا خرية هاني علمتك
ناضت خلاتو كايترجاها دخلات لبيت لاخر وسدات عليها وعطاتها للبكا
....يتبع