سلسلة العلاقات ♡بالدارجة مكتملة♡

الجزء 14

سلسلة العلاقات🍁
بقلم_نسرين أبدوني & خديجة بوقدير
بــــــــارت 14

هبطات مع الدروج بان ليها محمد ݣالس تما وكيبقشش في التلفون ستاعدات ودارت تيلي في وذنها وبدات كتهدر وكتمشى بشوية
سمر::شوف نݣوليك أخويا راني ماباغاش نتزوج واش مكتفهمش باقي ماكنفكرش فزواج..........شنو كيفاش باغي تجي طلبني من عند خويا .........لا لا ماتجيش راه مابغيتش نتزوجك نتا وزايدون أنا باقا صغيرة........بسلامة
هادشي داز على مسامع محمد عينيه حمارو وإيديه كيرجفو بالتوتر مجرد التفكير أنه  واحد آخر غايجي إخطبها وغاتكون ليه غايحماق هي كتشوف فيه كيخنزر فيها
سمر::السلام محمد صافا
محمد::بيخير الحمد الله
سمر::كاتسنى فخويا نجم الدين
محمد::أه سيري طلعي لداركوم
سمر:؛كنتسنى ريان سخرتو للحانوت(ويييلي شهاد الحصلة حصلت أناري دبا فينو ريان إعتقني )
محمد::إوا حيدي دخلي من الباب الناس تايدوزو ونتي لابسة داك اللباس
سمر::مالها بيجامة
نخليو هادو مناقشين ونطلعو عند توبة كانت كالسة متوجعة بصاح فرجليها تقصحات تا خرج بسروال كيطمة والفوق عريان شافها هو إتفاجئ أما هيا ترعات فمها تال وذنيها
نجم الدين::مالكي نتي فرجليك أش واقع ليك
جا محني على ركبتو كيقيس ليها فجرحة
توبة::اححح رسا راها كاضرني
نجم الدين ::فينها سمر ولاش ماداويتيش الجرحة غاتعفن ليك
توبة::مشات تجيب لي الدواء الحمر فالدار حيث مابقاش عندها
نجم الدين::وكيفاش درتي تاتجرحتي بلاتي بلاتي نمشي نجيب شي معقم وشي حاجة نمسحها ليك بعدا
مشا جاب داكشي باش غايعقم ليها الجرحة ورجع
نجم الدين::ݣولي كيفاش تجرحتي
توبة::كنت طالعة عندكم و طحت في الدروج ماشفتش واحد الدرجة وطحت عليها
نجم الدين::معلوم الطيحي حيث عاورة مكتشوفيش
دمعو عينيها ديما حاݣرها ودبا بأشمن صيفة كيعقم ليها الجرحة
توبة::صافي غير حيد إيديك
نجم الدين::غاترساي ولا نلسق المك راسك مع الحيط ݣلسي
ݣلسات توبة في صمت حتى سمعها كتنخصص هز راسو دغيا
نجم الدين::ودبا البكا لااش مالكي
توبة::ديما حاݣر عليا وتتغوت من الفوق
نجم الدين::وحيث مكترديش البال لراسك مزيان وديما غادة بلا فرانات وكنغوت عليك لمصلاحتك وأنا عارف وخا ندير بوق ماغاتبدليش وغايبقى راسك قاصح وغاديري لي في دماغك يالله دبا نوضي نزلك لتحت
توبة::لا لا غي خليني تاتجي سمر
نجم الدين::وراها تعطلات ومحمد كيتسناني لتحت
توبة:: وخا وخا ولكن بلاتي نمشي لطواليط دغيا
نجم الدين::وخا سيري
يالله ناضت هو يضربها الضوء فرجليها غوتات غوتة بالجهد وناض قافز
نجم الدين::غي بشوية عليك أجي أجي
هزها كي الريشة وحطها حدا الحمام أما هي ديك الجغيمة دالدم لي بقات فيها خلاتها رقية ذااااااابت وحلات فمها على الجهد تمشات دخلات دغيا للحمام صيفطات ميساج للسمر تا عرفاتها قرات الميساج وهي تخرج
نجم الدين::صافي نمشيو
توبة::اه وخا
يالله غايهزها وهي تغوت
توبة::حبس بلاتي بلاتي مالكي
نجم الدين::مالكي ياهاد المصعورة خلعتيني
توبة::غاتهبط هكا
نجم الدين::كيفاش هكا علاه مالني
توبة::غاتهبط عريان
نجم الدين::علاه لي ݣلس معاك جوج ثواني غاتخليه بعقلو تسنايني هاني جاي
دخل لبس تيشورتو وعاود خرج عندها هزها وغادي هابط بيها في الدروج تاتلاقات محمد وسمر حدا باب الدار ديال توبة توبة وسمر هنا جمد ليهوم الما في الركابي سمر كانت غاتبول في سروالها أما توبة كون راه بالت خافو لايفرشهوم محمد
نجم الدين::نتي فين تعطلتي صيفطوك ناس تجيبي الزبل وݣالسة واقفة على بررا
محمد::توبة مالكي اختي فرجليك
توبة::غي طحت في الدروج
نجم الدين::حيث عاورة مكتشوفش
توبة بدات كتخنزر فيه هو كيشوف فيها كتحمقو تخنزيرتها وغضبها
توبة::صافي نزلني غانكمل بوحدي
محمد::علاه فين كنتي غادية أسمر ياك كلتي سخرتي ريان
سمر::هاا اه هههه اييه دبا كي شتي دبا قبيلا ملي جا بلا سخرة راه دوا الحمر لي مالقاش فالفرماسيان داكشي لاش جا خاوي
فلاش باك
محمد::نقدر نسولك وماديريهاش مني قلة الصواب
سمر::وي تفضل سول مرحبا
محمد::ماكنتش قاصد نتصنت ليك لكن تارني الفضول وبغيت نعرف علاش ماقابلاش الزواج وماكاتفكريش فيه
سمر::ماشي مكنفكرش فيه غير مابغيتش نتزوج شي واحد مكنعرفوش وماعارفاش عائلتو وبغيت نعيش معاه قصة حب فهمتي
محمد كيسمع ليها وكيبتاسم فخاطرو وإحمد الله أنها مازال ماكاين تاحد فحياتها وماقبلاتش بداك الزواج
محمد::أه وخا مزيان اوا الله اجيب ليك شي ولد ناس لي تتمنايه فحياتك
سمر سمعاتو وبانو ملامح القلق فوجهها
سمر::اه أمين شكرا
جا ريان كان كيلعب الكرة فالزنقة وهي توحل  ماعرفاتش كيفاش دير دغيا زربات عليه
سمر::ههه ريان حبيبي مالقيتيش السخرة امكن ياك صافي بلاش غي زيد تكلم لماماك
ريان مابقا فاهم مسكين والو بقا غي كيشوف وزاد دخل للدار أما محمد تعجب من هاد الزربة لي دارت ماخلات الدرري تايتنفس
سمر:: أنا غادة ندخل عند توبة
محمد::أه انا غانمشي نشوف خوك راه تعطل بزااف
عاد كانو غايتفرقو هوما إلمحو نجم الدين هاز توبة ونازل بيها فالدروج
#العودة
توبة::يالله زيدي ندخلو شدي فيا
شدات فيها وتمو داخلين ومحمد ونجم الدين خرجو على برا
.....يتبع