عدنا من جديد بقصة حصرية على مملكتنا و ممنوعة من النشر إلا بإدن وحدة منا🚨🚨..
و هاد المرة غاتكون قصة سپيسيال حيت تجمعنا فيها بجوجنا ، انا و دوجا 🤭
كيفما والفتونا ديما بالجديد و البنوتات لي ديجا قراو قصصنا عارفين أسلوبنا و أفكارنا أنا و دوجا .. هاد...
سلسلة العلاقات🍁 بقلم_نسرين أبدوني & خديجة بوقدير بــــــــارت 6
أصبحنا وأصبح الملك لله 🍁❤️ اليوم الحد مكين حد ݣاع للي عندو شي دار جالس فيها اليوم يوم تخمال كالعادة نبداو بأول شقة ديال عائلة النجاري العشرة تاع صباح دبا وݣاع سدادر تيهزو فيهم وتا راجل فالدار متيضور وهادي عادة رقية غا تتبدا تخمال تتجري على راجلها وولدها رقية::هزي مزيان أديك زوج عضيمات وكاس الدم توبة::وامي راه ضهري تقسم وااه بزاف وخلص مزال نطلع نعاون سمر رقية(ميقات)::عاونتيني تانا بقالك غا هي توبة::ياء نتي متيعجبك والو باش نقربكم أكثر عادة ديال هاد العمارة هو كل حد تيتجمعو ديور ويتخملو بمعنى أدق الحد عند عيالات العمارة تاع شقا والمعاونة والبيبان تاع العمارة كلهم تيبقاو محلولين مر الوقت ووصلات الزوج ومزال واحلين في شقى توبة مزال عاقدة راسها بزيف حياتي وبيجامة طويلة جامعاها فكيلوطها وتترش البرودوي على الزاج دخلات سمر سمر::خالتي عطيني شوية ساني كروا عاد سالا ليا ونجم الدين فالدوش معندي كيف نسخرو رقية::واخا هاكي بعدل فين وصلتي أبنتي سمر::قربت نكمل ناقس غير نجفف دبا الدار رقية::رجعتي سدادر البلاصتهم اووف نسيت هزيتيهم بعدا باش ترجعيهم سمر::هه أه هزهم ليا نجم الدين وعاوني تا جففت تحتهم ومسحت الزاج وردهم ليا عاد دخل يدوش توبة::سعداتك أنا المك ظهري تقسم عاد رديناهم رقية::مزيناتك العوجة سربيني خلاص باش الطلعي تنزلي تجفيفة من دار سمر توبة::الله يامي الله خليها تنزلها هي سمر::ياك اعود الند رقية::اتي سربي راه تابعاك تابعاك بنتي سمر عيات ومغتقدرش تنزلها سمر(باستها)::يخليك ليا الزين تاع العمارة توبة::مالكم تتحسسوني بللي أنا خدامة تفو رقية(شيرات عليها بصندالة)::رضى وليتي تدفلي المسخوطة بقات سمر تضحك عاد طلعات تجفف الفوق عند عائلة اليغموري تاهما ريحة النقا تتشميها منين ومنين بطبعة الحال ماشي أم الغيث للي تجفف جابت خدامة ككل سيمانة وجلسات في القنت تتبرد والحاجة فاطنة مقابلة معاها أما تسنيم مخشية فبيتها تتلعب الحاجة فاطنة::إييه أليام كنت نجمع الخيمة كلها ومنقولش عيت أم الغيث::الخيمة سيكوا سا الحاجة فاطمة(ميقت)::دوي غا بالعربية ابنتي معندك مديري بالفرونسي عند عائلة الربيعي سكينة هي كدلك جابت خدامة هي للي جمعات الدار من غير بيت نعاسها جمعاتو الراسها عند عائلة المنصوري نجية من فاش فاقت وهي تتشقى وصلات الهزان سدادر وعيطات الولادها بزوج من الزنقة عاونوها وبقاو معاها تا رجعوهم عاد دوشو من العرق ونزلو وهي كملات شقاها ووصلات التجفيفة خرجاتها برا ولكن آش جا ميهبطها في آخر الشقق متواجدة شهرزاد للي عاد حلات بابها شمات ريحة نقاوة ومفهمات والو وهي تسول خدامة أم الغيث للي كانت تتنزل تجفيفة شهرزاد::آش كاين اليوم الخدامة::كل حد ناس ديال هاد العمارة كيخملو شهرزاد::همم دبا نتي جففتي حدا الباب وغتنزلي تجفيفة ودوزي حدا بابي الخدامة:: لا أوامر لالة أم الغيث نجفف غا قدامها مشات وخلات شهرزاد مفقصة دخلات سادة بابها هي للي من دونهم كلهم مخملات ما والو عند توبة وأخيرا بعد مشقة أنفس خرجات تجفيفتهم القدام بابها ناقص تنزل تجفيفة صحيبتها عاد تخرج كلشي الزنقة طلعات لقات سمر مخرجة الما وتتنشف الداخل ولقات تا الخدامة تاع أم الغيث منزلة الما تال عندهم وحبسات وطلعات يالله غتبدا تنضف تا خرجات نجية تاهي تجفيفتها توبة::خالتي نجية غا خليك أنا غنهبط تجفيفة نجية::ألا ابنتي عيب أنا خاص نزلها تال عندكم توبة::رجوع الله مبيناتناش وعادي أصلا منزلاها منزلاها نجية::واخا يرضي عليك دخلات وسدات بابها بما أنها سالات ونيشان دخلات الدوش تدوش تحيد العيا تاع اليوم باش في الليل كعادة العيالات تاع العمارة يمشيو الحمام أما توبة بدات تدندن وتجفف وناسية الهم مرداتش البال لنجم الدين للي خرج من الدوش ومقابل معاها ومرداتش البال لسمر للي وراها تتسلت .....يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
