عدنا من جديد بقصة حصرية على مملكتنا و ممنوعة من النشر إلا بإدن وحدة منا🚨🚨..
و هاد المرة غاتكون قصة سپيسيال حيت تجمعنا فيها بجوجنا ، انا و دوجا 🤭
كيفما والفتونا ديما بالجديد و البنوتات لي ديجا قراو قصصنا عارفين أسلوبنا و أفكارنا أنا و دوجا .. هاد...
سلسلة العلاقات🍁 بقلم_نسرين أبدوني & خديجة بوقدير بــــــــارت 4
نمشيو عند توبة للي غير وصلات هبطات من الطاكسي ودموعها باقين في عينيها تفكيرها كولو مع الضربة لي عطاها نجم حسات بلي حݣرها وماعندوش الحق يحط عليها إيديه ، تحركات مسافة قصيرة باش وصلات العمارة تلاقات مع تسنيم بنت أم الغيث للي ساكنين في الطابق الفوقاني، وقفتها بصوتها البريئ. تسنيم::خالتي توبة !! دارت عندها توبة و بتاسمات ليها في عز حزنها وقلقها توبة::نعام أحبيبتي شكاديري هنا ؟ تسنيم::والو غير كنتسنى فريان إديني لحديقة دالألعاب كالتها ليا ماما توبة::ااه وخا الغزالة بغيتي دخلي تسنايه في الداخل تسنيم::اه وخا ،ولكن بلاتي ؟! وقفاتها بإيديها الصغار تسنيم::واش كنتي كتبكي أخالتي؟ توبة::لا أحبيبة غير عينيا ضروني بالعجاج على برا تسنيم::ولكن كاع مكاين العجاج على برا وهاديك القضية ديال شي حاجة دخلات لعيني كاع مانتيقها ،حيث كتكوليا جدة بلي داكشي غيييير ديال المسلسلات ولي كانو ليه دموع فعينو يعني كيبكي دموع حقيقين؛ ضحكات توبة على عفويتها وجراتها من إيديها توبة::زيدي زيدي ندخلو كثرات فيك الهدرة بزااف يا شنيولة دخلو لداخل لقات مها كتوجد أتاي وشي حلاوي حطاتهوم فوق الطابلة فالصالون وكالسة معاها لالة فاطنة الجدة ديال تسنيم فاطنة::أديك البرهوشة تي مازال كاع مشيتي لفين كنتي باغا ميقات فيها تسنيم وهي تكوليها تسنيم::شربي أتاي ديالك اجدة وسكتي فاطنة::شفتي أرقية المجدرة بنت المجدر اش سايرة تكول ياك أنا غير سولتها تسنيم::أجدة يهديك الله واش عارفاني غانمشي بوحدي للحديقة لا مامشاش معايا شي واحد كبير فاطنة::هايا توبة للي غادة تمشي معاك توبة::لا ألالة فاطنة غايمشي معاها ريان ومعندها مناش تخاف الحديقة غي هنا حدا الدار وريان معاها غايحضيها مزيان رقية::إييه حيث أصلان ديما تايمشي معاها تسنيم::ودبا سمعتي أجدة مزيان على وذنيك فاطنة::سمعت يالمجدرة القزمة مابقيتيش تحشمي توبة:: تسنيم حشومة تهدري مع جداك احبيبة بحال هكا ماتبقايش تعاوديها صافي حركات تسنيم راسها بآه وكلسات كتسنى فريان أما توبة دخلات لبيتها غير بدلات حوايجها وهي تفكر البلان لي طرا ليها مع نجم وبدات كتغبن وتفقص تفكرات الضربة وكتحلف بحلوفها يا ماغاتبقا فيه. خرج ريان عند تسنيم سلم على فاطنة من بعد ماوصات ريان عليها وخا كاتهدر معاها هكاك ولكن مقطرة لها من العين والصراحة عزيزة عند كولشي حيث برائتها وعفويتها كتخلي بيهوم بلاصة في القلب أي واحد سواءا في العمارة أو على برا شد ليها في يدها وخرجو بجوج تلاقاو مع سمر جايا بالزربة بحالا كانت كتجري شافت ريان ومشات عندو بالزربة سولاتو عل توبة
سمر::ريان فين ختك احبيبي واش جات لدار ريان::اه أختي سمر جات وراها لداخل تسنيم::خالتو سمر سلمتي عليه ونسيتيني انا ياكي سمر::ههه لا أحبيبتي بالعكس غير مشطونة شوية وصافي تسنيم::علاش مالكي ياكما تانتي أخالتي كنتي كتبكي بحال خالتو توبة تلاقا نجم نيشان مع هدرة تسنيم تحسر بزااف على البلان لي دار ماحملش راسو إضربها ولكن عصباتو بتصرفاتها وزائد نيرفاتو هدرة الولد سمر::علاش واش كانت كتبكي تسنيم::آه غير دبا شفتها وملي سولتها كاتليا غير العجاج على برا ولكن أخالتو كاع ماتيقتها أنا حيث باينين دموع حقيقين سمر ضحكات على الطريقة باش كتهدر وعلى عفويتها جبدات من بصطامها الفلوس وعطاتهوم ومشاو تلاقاو مع نجم باسهوم تاهو عاد مشاو سمر::شفتي دبا ها البنت بكات ماعمري غانسمح ليك حيث بسبابك دبا هيا كتبكي وبسباب الضربة لي عطيتيها بقا تجمع إديك شوية نجم::سيري شوفيها وطلعي لانتبعك ليها تانتي مشات كتبركم وتنكر دقات في الدار حلات ليها رقية سلمات عليها ولقات السلام حتى على فاطنة ومشات دقات عليها في البيت ولكن مجاوباتهاش وهي تحل الباب لقاتها دايرة ليكيت وطالقة فيهوم القرآن هذا هو حالها وقتما تكون مقلقة كادير القرآن فوذنها وكتنعس مشات حيدات بلغتها وتكات حداها حسات بيها توبة وهيا دور عندها ومعنقاها فكرشها سمر::راك زويتيني البقرة توبة::خليني معنقاك بلييز سمر::نوضي كلسي بغيت نهدر معاك توبة::مافيا لي إدوي عفاك أسمر سمر::نوضي تكعدي لا نوري لختي دبا مافيهاش للي إدوي كتليك توبة::هانا شنو سمر::شوفي مسحيها فيا عفاك اتوبة نتي راكي عارفة خويا كيف داير راه كابر معاك مغانجيش ونوريه ليك توبة::سمر لدرجة إضربني ماشي أنا للي إضربني شي حد ونسكت أسمر كان ممكن نتقبلها كون درت شي حاجة ولكن هو شك في وفتربيتي واش نتي كتعرفيني نقدر ندير شي حاجة بحال هاكاك سمر::ومال تاصيلتك كتفهمي عليا الوقت كولو وحنا مع بعضياتنا وأكيد هو مافهمش هكاك كيف فهمتي نتي حيث عارف تربيتنا بجوج وعارفنا اش كنسواو وبالخصوص نتي توبة::أه أسمر ولكن ماعندوش الحق إحط عليا إديه راه مغاتبقاش فيه غاصبري سمر::وبيناتكوم أختي غي هو أنا ماتكعايش عليا ومابغيتكش تقلقي عليا وصافي توبة::وأنا عارفاني الحمارة نديرها أجي هنا أجي تعانقو بجوج بيهوم وكلسو إتعاودو على الضرابي لي عطاو لحمزة وإكركرو حتى نساتها شوية في همها ندوزو شوية لبلاصة أخرى وماشي بعيد غير في العمارة نيت كان داخل للدار حيد صباطو حدا الباب وسلم على مراتو وكلس حداها فصالون عبد الرحمان::كي داز نهار سكينة:بيخير الحمد الله عبد الرحمان::شنو درتي اليوم أحبيبة سكينة::والو ضليت غي فدار كنتفرج واه قبيلا تلاقيت مع شي بنات جاراتنا غير هنا وتعرفت عليهوم عبد الرحمان::أه وخا مزيان مي وخا هكاك أبب ماضسريش عليك بنادم بزااف سكينة::ماضسرت عليا حد أعبدو راه غير تعارفنا صافي عبد الرحمان::وأنا غير كتليك وصافي لمهم أنا طالع لسطاح سكينة:وعلاش عبد الرحمان:: مقطوع أحبيبة باغي نكمي سكينة::وخا الله إهديك وصافي هادشي لي بغيت نكول وماتعطلش عليا عبد الرحمان::وخا أبب خرج طالع فالدروج تلاقا مع محمد وأسامة أبناء سي هشام لقا عليهوم السلام وزاد طالع في دروج وصل لطابق الأخير وهو إلمح شي وحدة خارجة بواحد البيجامة قصيرة تال حد الركبة وخفيفة وكتبين الصدر شوية من جهة الفرقة رادة شعرها جنب وهازة شبكة ديال الصابون فيها الحوايج مصبنيت بقا كايطلعها وإهبطها بعينيه مع طايتها باينة شافت فيه بتاسمات ليه وسبقاتو فدروج طالعة تاهيا للسطاح أما هو بقا مكوانسي شوية هو إستوعب فين كاين وزاد كمل في الدروج تاهو غادي وراها وهي غادة تعيوج وهو حال فمو فطايتها وكيفاش غادة كتمشى ......يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
