عدنا من جديد بقصة حصرية على مملكتنا و ممنوعة من النشر إلا بإدن وحدة منا🚨🚨..
و هاد المرة غاتكون قصة سپيسيال حيت تجمعنا فيها بجوجنا ، انا و دوجا 🤭
كيفما والفتونا ديما بالجديد و البنوتات لي ديجا قراو قصصنا عارفين أسلوبنا و أفكارنا أنا و دوجا .. هاد...
سلسلة العلاقات🍁 بقلم_نسرين أبدوني & خديجة بوقدير بــــــــارت 30 والأخيـــــر
عند توبة وسمر خرجو للمراح والعيالات كيزغرتو واصليو على النبي تا جا أب سمر شد ليها فإيديها وأب توبة تاهيا خشات يديها فدارعو وهوما غادين فرحانين دخلو مع القاعة والكل كيشوف فيهوم الكل فرحان ليهوم تمشاو تال حداهوم وكل واحد سلم بنتو لراجلها والدراري عينيهوم غايخرجو محمد::حبيبة جيتي زوينة بزااف ولكن علاش هاد الكتاف معريين سمر::ههه واش تا اليوم أمحمد بلييز بلا شوهة محمد::صاغي صافي مانهسرش ليك اليوم فرحتك أحياتي سمر::فرحتنا بجوج باسها فراسها عند نجم الدين شد ليها إديها وݣلسو تاهما حدا سمر ومحمد نجم الدين::عمري جيتي زوينة بزااف توبة::ههه تانتا جيتي تيتيز نجم الدين::زعما مانوضوش نمشيو دبا ونخليوهوم يكملو العرس لراسهوم توبة::أويلي على السيد تسطيتي خلينا على الأقل تانقطعو الحلوة ونشطحو شوية نجم الدين::علاه نتي ناوية تشطحي توبة::مالها شفيها نجم الدين::داك التلواز ديالك راه ماعنديش معاه توبة::صافي صافي خلينا نفرحو بنهارنا انجمي نجم الدين::الله شحال حلوة من فمك اححح مكرهتش ناكل ديلمك هنا توبة::كون تحشم الناس تايشوفو هههه نجم الدين::ياك مراتي وحلالي كاين لي كاياسالني شي حاجة توبة::هههه الله استر نجم الدين:: أميييين بقات كضحك معاه والناس طالقين الشعبي وكيشطحو وهي لي فيها مامهنيها بغات تنوض تشطح وماخلاها داز شحال ديال الوقت وصلات وقت الماكلة حطو للناس أما هوما كلاو في طبلة خاصة كيتعشاو فيها مع بعض محمد::فين مسافرين أنجم الدين نجم الدين::حنا ماحد الصيف هدا غانمشيو نتبحرو فأݣادير توبة:ونتوما محمد::قراب ليكوم نيت غانمشيو لمراكش عاد نزلو عندكوم لأݣادير لا بغات سمر سمر::من طبيعة الحال بالفرحات عليا بقاو مجمعين ضاحكين كيتعشاو تا سالاو طلق ليهوم الديدجي موسيقى باش ارقصو كل واحد شد محبوبتو كيرقص معاها على انغام إليسا بقاو هكاك كيرقصو تا جا وقت تقطاع الحلوة قطعو قطعو الحلوة مع بعضياتهوم وفرقوها على الناس لي فالقاعة عاد سالا العرس بالشعبي محير ناض كولشي كيشطح تا من العرسان فرحانين وكيشطحو مع بعضيااهوم تا سالاو عاد بداو الناس كيمشوي وهوما تجمعو كاملين غير الجيران دالعمارة عائلة النجاري وعائلة الخاطي وعائلة المنصوري وعائلة اليغموري تجمعو كاملين عند أسامة لي جر نعمة وخرجها برا وقفها حدا الدروج نعمة::خليتينا تا بغينا نتصورو شنو اأسامة أسامة::نعمة أنا كنبغيك نعمة::ههههه صافي غير هادشي زيد زيد يالله زادت وعاود رجعات عندو نعمة::احم عاود شنو قلتي أسامة::سمعتي واش تقبلي تكوني ليا بغيت نخطبك ونكون معاك في الحلوة والمرة بغيتك ليا من نهار شفتك هابطة كتبكي ونتي مرسخة ليا فدماغي نعمة::واش نتا بصاح كدوي مغاديش تفلا عليا أسامة::كنهدر معاك بصاح عمري نتفلا عليك ودبا واش قابلة نعمة::اه قابلة هههه باسها فراسها وجبدها لعندو معنقها تا جات نجية شافتهوم وبدات كضحك وحمدات الله لي ولادها داو بنات ضريفات وزوينات بحال سمر ونعمة نجية::يالله أولادي راه باغيين يديرو تصويرة جماعية مشاو وأسامة شاد فيد نعمة وهو غايطير بالفرحة لقاوهوم مجموعسن كيشدو بلايصهوم ومشاو تاهما شدو بلاصتهوم باش اصورهوم المصور المصور::يالله كولشي يدير ضحيكة بعد مرور 9 سنين في الدخلة تاع عمارة سلسلة العلاقات معلقة صورة جماعية في عرس سمر وتوبة وبينا على ناسها فرحانين كانو أتات داخلين وناس تتجارا وݣيطون تيتبنى قدام العمارة من جديد تمات نازلة فدروج بشوية وكرشها الفمها ووراها تابعاها بنت تكون عندها سبع سنين البنت::مامي ومامي خالتو سمر قالتلك تسنايها التحت باش تمشيو مجموعين مع خالتو نعمة توبة::واخا أبنتي دبا أزمردة غتمشي عند بابي وغتبقاي معاه تنرجعو زمردة::واخا باي وقفات شوية تترد النفس تا وقفات عليها سمر تضحك وحداها نعمة للي الفرحة غتخرج من عينيها توبة::هاي هاي الناس غيطيرو بالفرحة نعمة::ههه وأخيرا غناخدو بعد هاد الوقت كللو ممصدقاش اليوم عرسنا سمر::هه حاسة بك نهار عرسي بمحمد مكنتش متيقة راسي وهانا دبا عندي زوج ولاد توأم وعندهم 9 سنين ههه 😂😂 مزݣلنيش نهار اللول حملت توبة(عنقتها)::شكون بحالك والدة زوج فخطرة ههه😂زيدو خلاص راه تابعنا شلا حوايج 🎉🎉🎉🎉🎉النـــــــــــــهاية🎉🎉🎉🎉🎉 ....يتبع
رأيكم في أول قصة مشتركة بيني وبين رفيقة دربي Khadija Boukdir كانت تجربة زوينة نتمنى تكون نالت إعجابكم ديجا قلنا بللي غتكون قصيرة لهذا مطولناش الأحداث❤️❤️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
