عدنا من جديد بقصة حصرية على مملكتنا و ممنوعة من النشر إلا بإدن وحدة منا🚨🚨..
و هاد المرة غاتكون قصة سپيسيال حيت تجمعنا فيها بجوجنا ، انا و دوجا 🤭
كيفما والفتونا ديما بالجديد و البنوتات لي ديجا قراو قصصنا عارفين أسلوبنا و أفكارنا أنا و دوجا .. هاد...
سلسلة العلاقات🍁 بقلم_نسرين أبدوني & خديجة بوقدير بــــــــارت 8
كانو مجموعين حدا باب العمارة كاملين سمر وتوبة كانو غاذين تا لحقات عليهوم سكينة في الطريق غاذة وكتسمع لبنات كيهدرو بيناتهوم مامحاشينهاش ليها سمر::شوفي انحكو لماماك هي اللولة وعاد حكي ليا ونحك ليك توبة::والله لاكانت ليك أنا عاد نتي ماشي سوقي سمر:ياك ديك سيمانة سبقتي نتي اللولة ماشي سوقي أنا اللولة سكينة:: مدابزين على شكون تحك لخرى انا بعدا كانعطي فلوسي للطيابة هي كتكسلني وتحك ليا حكان دالغدايد سمر(ميقات فيها)::ياك المرضية نتي قاطعة يديك سكينة::لا ماشي هكاك غير هو أنا مكنقدرش توبة::شنو لي مكتقدريش عليه وسخك مثلا؟؟ حبسات سمر ضحكتها هي أما سكينة ميقات فيهوم وزادت سابقاهوم مع العيالات سمر::هاد خيتي كتجيني حاسة بترمتها توبة::اوا بالسيف ماتحس براسها باينة فيها ملعقة غير من خدمة راجلها تعطيك الخبار سمر:هداك حتى هو بانت ليا عينو زاغت توبة::ويلي بصاح ياكما دار ليك شي حاجة الزغبية غير كولي دبا نشوه طاسيلتو سمر::تي لا رصاي مالكي تترطاي غير بان ليا في الصباح فاش نضت للشقا خرجت الزبل وتلاقيت معاه خارج حط فيا عينو ماهبطهاش توبة::اوا الله اعطيه موصيبة المزيغ اللاخر مرة خرى ماتسكتيش ليه سمر::زيدي زيدي ونتي كتقلبي غير مع من طايفي جرات سمر توبة وتمو غاديين حتى وصلو العيلات للحمام كل وحدة فيهوم حيدات حوايجها ودخلات شدات بلاصتها سمر وتوبة ولالة رقية في جهة كالسين ونجية وأم الغيث لي خدات كسالة ليها وللحاجة فاطنة لكن ماقبلاتهاش الحاجة هي كتبغي تفرك وسخها بإيديها دوك الطيابات دالحمام غاكيفقصوها بحكانهوم إوا في جهة خرى ثاني كانت سكينة بوحدها حيث تاهيا شادة كسالة لراسها نمشيو نطلو على سمر وتوبة كيف ولابد خاصهوم اشدو الحتة واتنممو فعباد الله ها لي دخلات وها لي خرجات كيطلسو الصابون البلدي لأجسامهوم وابرككو توبة::شوفي شوفي أسمر سمر::شكاين فزعتيني أصكعة ليام توبة::هاديك ماشي نهيلة بنت دربنا لي ساكنة فلمووبل لي أونفاص معانا سمر::أه هي هاديك ياختي والله إلى وشوووووفي ليك صكعة قداش ولات تنفخات كي البيدوزة توبة::بيت غي نعرف اش كلات ولا اش شربات تاولات قد هكاك سمر::إوا سيري سوليها توبة::لهلا إحييك حتى نمشي نزل بكرامتي ونمشي نسولها باش تكول راها ضعيفة وتتقلب على الوصفة يالمبندرة سمر::بزاف عليك أعود السبسي أجغيمة دالدم خلاتها خالتي توبة::أنا يالمكجدرة إوا أجي نوري لمك ناضت سمر وتبعاتها توبة كتجري عليها باش تشدها إوا هوما إجيبو وااااحد لالة مولاتي زلقة فالحمام مع داك الصابون البلدي وحدة جات على ترمتها ولخرى طاحت عليها وكملات داكشي لي خاص ورقية كتولول رقية::ويلي ويلي على بنات الحرام ويلي على شوهة نتوما حلفت على جد بوكوم لاباقي تبعتوني لشي حمام نوضو نوضو كلسات تقررص فيهوم وضرب بالسندالة والعيالات مقشبين وكيضحكو بيناتهوم توبة::احححح أمي راه هي لي جبداتني هالعار ماتقرصيش أنا مزاوكة حميمتك سمر::علاش تكدبي يعود السبسي نتي لي جبدتي لولة توبة::ياك سمعتيها أمي اوا طلقوني عليها طلقوني رقية::توما باقي زايدين الله أحرق لجد بويا لعضام أنا لي درت فيكوم الراس كاتعيط نجية من لهيه نجية::واااا رقية وتي لاش سايرة تفقصي في راسك غي شوية تلقايهوم إتحتتو ونتي تحرقي أعصابك الحاجة فاطنة من جهة خرى تاهيا::واييه نجية عندها الصح راه غير كيلعبو بيناتهوم وصافي
بقاو العيالات والبنات فالثقشاب ديالهوم ردو داك الحمام مجمع مابقاش حمام حتى ناضت سمر تعمر سطولة وهيا تلقا بنت المراكشية حدا الروبينيات يالله بغات تخشي سمر سطل تحت الروبيني وهي تجرو لها لاحتو بنت المراكشية::حيدي من الصباح كتشوفيني واقفة تا بغيت نعمر سطولا عاد بان ليك تعمريهوم سمر :اوا من الصباح ونتي مجمعة مع لي بحالك نيت وكيكي والضحك والمسكة فالفم علاش ماتعمريهومش نتي عام ساكنة حدا روبيني تكولي غاتسقي ليا أرض بنت المراكشية::أيوا إيوا جمعي راسك معايا ياكما إسحابلك غادة تغلبيني بهدرتك انا غانشدك لانتي لا ديك خيتي لي فاضحانا بيها في الدرب وغانجفف بيكوم هاد الحمام كاملو وسيري خليني نعمر سطولا ديالي بلا صداع وخلينا هانين البنت كتهدر لبنت المراكشية فوذنيها البنت::سكتي أ المسخوطة راه خوها بوليسي هو داك نجم الدين لي فارعة لنا بيه راسنا ديما وتكولي كيعجبك بنت المراكشية::ربي ربي هو ويلي ياختي كنت غانتف لوستي هادشي كولو داز من مساميع توبة لي جات تشوف سمر مالها تعطلات وكانت واقفة وراهوم راسها كيغلي بالعصاب وبالخصوص لي سمعاتو على نجم الدين توبة::شناهواااا دبا نتي حاطة لعين على الولد ومن الفوق باغا تنتفي ليه ختو للي هي صحيبتي أنا سمر:توبة لعار أخيتي البزيزيلة لما هني الوقت تشوفنا خالتي تصفيها لنا بنت المراكشية:هاي هاي على بنت رقية شفتك ضساريتي ومافخباريش ها (كتهدر وتعوج وطرطق فالمسكة ) توبة :هههههه حلفي بالله مافخباركش هههه كتليك أسمر مافخبارهاش اوا ملي مافخباركش هاهيا فخبارك ياكما تبغي تجربي حيث الضسارة أنواع فيها وفيها سمر::يالله نمشيو أتوبة زيدي تاتسالي سطولاتها ونجي نعمر توبة::تي بالرب العااااالي تعالى ماغايتقرقب شي سطل هنا تا اعمرو ودبا يالله تقيسهوم شي وحدة البنت همسات ثاني لبنت المراكشية فوذنها البنت::الصكعة أنا مشيت بعضامي صحاح جيت نرخيهوم فلحمام ماشي اعودو إتهرسو الله اعاونك خلاتها ومشات أما هيا ولات غي تبرقق بعينيها تخاف ماتحشم ماقرباتش لسطولا خلاتهوم تاعمرو أما توبة وسمر غير عمرو الما ومشاو مخنزرين وصلو حكو آخر تحكيكة وشللو وكلسو إغسلو فراسهوم وحدة كتغسل لخرى تا سالاو دارو الصابون شللو وجمعو قشاوشهوم وخرجو إتسناو لخرين فبيت التلباس كلسو استارحو نجية::الله ياختي على تحميمة دايزها الكلام سخفت رقية::أنا ماكاين لي سخفني قد هاد جوج مصايب عمري باقي نديرها علاه انا نعاود مازال نجركوم معايا لشي بلاصة لا لا أبدا سكينة::لا لا اخالتي رقية بالعكس راه غير كيضحكو بيناتهوم ومقشبين صافي توبة::سكتي أمي صافي براكة تال دار وارا ماتهدري رقية::الله اسكت لبوك الحس نوضي تكعدي لبسي نتي وياها باش نمشيو وهزو السطولا ناضو كايلبسو بيما خرجو اللاخرين تاهوما سالاو كولشي وهزو سطولاتهوم وصيكانهوم ومشاو بحالهوم كل وحدة دخلات لشقة ديالها ....يتبع
#نعمة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
