سلسلة العلاقات ♡بالدارجة مكتملة♡

الجزء 24

سلسلة العلاقات🍁
بقلم_نسرين أبدوني & خديجة بوقدير
بــــــــارت 24

أصبحنا وأصبح الملك لله 🍁
كولشي فاق مستاعد للنهار جديد بأحداثو كيف غايدوز نبداو فدار نجية فاقو كلهوم كيفطرو ومعاهوم تانعمة غير سالات فطوريها وهي تنوض
نعمة::بصحة فطوركوم أنا غانمشي دبا
نجية::فين غاذة أبنتي ياك تافقنا تݣلسي تا تلقا ماماك خدمة ودار لي تسكنو فيها
نعمة::غانمشي نطل عليها أخالتي نجية رغم لي دوزات عليا كتبقى ماما بغيت نشوفها كيف بقات
نجية::وخا أبنتي عندك الحق تسنايني أنا نجي معاك
خرجات معاها طلعو للدار حلات نعمة بالدوبل دالساروت لي عندها غير دخلات لقات الدار كتصفر خاوية مافيها تا حاجة ورقة محطوطة مطوية فوق واحد الحويط صغير ديال الصالون هزاتها والدموع سايلين فيعينها بصمت وكتقرا الرسالة كان مكتوب فيها كالتالي
✍️
€ بنتي نعمة انا عارفاك أبنتي غاتكوني كتقراي الرسالة ديالي ليك وكتبكي هالعار ابنتي ماسمحي ليا على هادشي لي وقع من نهار تزاديتي فهاد الدنيا ونتي عايشة العذاب انا مشيت ابنتي نقلب على شي سكنة وشي خدمة لي تليق بينا وتعيشنا مزيان ونرجع عندك تاصلات بيا خالتك نجية البارح بالليل وخبارتني وطلباتني تبقاي عندها تا نلقا فين نسكنو انا دبا ابنتي خرجت وديت الحوايج نخليهوم عند خالك فالعروبية تا لقا فين نحطهوم وتهلاي فراسك ماتبكيش احبيبة ديالي كنبغيك بزااف بزااف تهلاي فراسك دوك الناس مايخصك معاهوم تا خير انشاء الله ماماك شهرزاد€✍

من بعد ماقرات الرسالة نهارت بالبكا ونجية كتسكت فيها خرجاتها وسدات الباب وهبطاتها للدار من بعد ماهدناتها واعداتها غاترجع ليها مها تديها بقات كتنخصص تاغفات
عند نجم الدين
فاق تاهو مع الصباح وجد الفطور وكالس كيفطر تا سمع الدقان ناض حل الباب ولقاه محمد
نجم الدين::اه محمد دخل دخل اصاحبي ماتبقاش واقف فالباب
محمد::الله احفضك العشير
ݣلس محمد وماعارف منين ابدا ولا شنو إكول
محمد::عارف علاش جيت مبكر عندك ياك
نجم الدين::ݣلتي ليا البارح باغي دوي معايا فشي موضوع
مهم
محمد::اه ماعرفت منين غانبدا ليك لمهم أخويا جيت عندك طالب يد ختك سمر ليا
نجم الدين::كيفاش مافهمتش
محمد::كيف سمعتي اصاحبي ماديرش هكا راه كاطيح فيا النص
نجم الدين::وراك صدمتيتي واش نتا بغيتي سمر
محمد::اه أنا بغيت ختك للزواج ماشي تفلية
نجم الدين::ايه راه عرفتك بغيتيها للزواج ولكن متأكد باغي سمر
محمد::ايه بغيتها هي علاه مالها
نجم الدين:: إلى ماخرجتي بسروالك مقطع ياوليدي وبالليل وتخليك تعود طلب فالزنقة راني ماشي نجم الدين
محمد::هههه ياودي البنات كولهوم هكاك غير الصبر وصافي
نجم الدين::وشغانكوليك الرأي ديال باها أنا مانزيدكوم غير الخير إلى بغا جي خطبها من عندو
محمد::عرفت أصاحبي راه جيت عندك نتا اللول باش نعرف اش غاتكول
نجم الدين::اسيدي من عندي انا مبروك عليك الله اكمل بالخير
محمد ::امين اخويا الله إحفضك
بقا محمد مجمع مع نجم الدين وهو فرحان عاود ليه نجم الدين حتى هو على علاقتو بتوبة وقررو اتخطبو فنهار واحد لكن البنات طبعا مغايقبلوش حيث وحدة غاتبغي تحضر لخرى وهو مايمكنش امشي إخطب وإخلي ختو فالدار غايجيو فيها الخطاب
...يتبع