سلسلة العلاقات ♡بالدارجة مكتملة♡

الجزء 16

سلسلة العلاقات🍁
بقلم_نسرين أبدوني & خديجة بوقدير
بــــــــارت 16

سمر::واش نتا مسطي علاش شديتيني وهزيتيني بديك الطريقة كون شافك نجم الدين فين غانوصلو
محمد::ماجريتك تاعرفت مكاين حد وراك
سمر::ودبا علاش جبتيني هنا
محمد::مانعستش البارح كنتسنى غير الصباح إمتى إوصل بغيت ندوي معاك
سمر::فاش بغيتي تدوي معايا
محمد::ماعرفتش اش غانكوليك صراحة ولكن مابقيتش قادر نصبر هادشي وقع من نهار العيد ميلاد دالواليدة
سمر::مافهماش علاياش كتهدر
جا كلس حداها وشد ليها فإيديها
محمد::شي حاجة وليت كنحس بيها تجاهك ماعرفتش شناهيا أسمر كنحاول ندخل لفكرة لدماغي بلي ماكاين والو وبلي غير كيتخايل ليا لكن راه بصاح ماقدرتش نعس البارح سمر انا كنبغيك بزااف
سمر تصعقات مابقات عارفات اشنو غادير ولات غير كتبيض فعينيها ورغمها إحساس فشكل لداخل ديالها غايطير بالفرحة
سمر::ولكن كيفاش هادشي
محمد::كيف سمعتي انا براسي مافهمتش اش كيوقع ليا لكان هادشي لي واقع ليا اسمو الحب فراه كنبغيك بزااف وبغيتك ليا بوحدي نهار سمعتك كتهدري مع داك الولد بغيت نتسطا كلت مايمكنش لشي حد آخر إديك ليا نتي وليتي ديالي بوحدي
سمر::صدمتيني فخبارك
محمد::علاش
سمر::حيث ماضنيتش تبغيني هكا بهاد السرعة محمد سمعني اقدر اكون هادشي لي كتكول غير اعجاب مؤقت وانا مابغيتش لي اتفلا عليا
محمد::حبيبة ديالي هادشي ماشي إعجاب كون كان إعجاب ماعمري نقدر نجي نعتارف ليك وانا ماغانديرش معاك علاقة غانهدر مع خوك باش نحددو نهار لي نجي فيه لداركوم انا والواليدة والواليد
سمر::وكضن خالتي نجية غاتبغيني بحال مرات ولدها
محمد::ماعنديش ݣرام دالشك فهادي حيث هدرت معاها قبل ماندوي معاك وهي لي كاتلي غير توكل على الله
سمر::هههه بصاح خالتي نجية لي كاتليك هاكا
محمد::وي حبيبة دبا رحميني دغيا وكولي لي قابلة تكوني مراتي وحلالي
سمر::ههههه أكيد تا انا كنبغيك بزااف
محمد قرب ليها وعنقها وكانو بجوج فرحانين وفي قلبهوم سعادة كبيرة بعد عليها محمد وبدا كيقرب منها شوية بشوية تا تلاصقو شفايفهوم مع بعض وسمر متوترة لأول مرة إقرب ليها شي واحد وبالخصوص الإنسان لي كتبغيه ومستاعدة تكمل معاه حياتها للأبد بعدات دغيا ملي حسات براسها غاتغلط لأنها رغم حبها الكبير ليه لكن كايبقى شرفها ودينها أهم حاجة محمد تاهوا حس براسو غايزيد اغلط هو ابعد وشد وجهها بإيديه
محمد::مابقيتش قادر نصبر احبيبة لعشية خاصني نهدر مع نجم الدين
سمر::وخا لي بغيتي ههههه
محمد::يالله نوضي سيري لدار وبقاي تستري قبل ماتحلي لشي حد
سمر::ههه وخا اصلان فقت مقلوبة وماعاقلاش
محمد::اوكي لمهم بقاي تلبسي حوايجك وتا خوك كيكون فدار اسمر
سمر::ويلي محمد تا من خويا غاتبقى تغير عليه
محمد::امكن اه واش كتفهمي شناهيا مابغيت تاحد اشوف ليا فلحمك من حقي انا بوحدي لي نشوف فيه وهادشي كاملو ديالي نتي كلك ديالي احبيبة
سمر::صافي صافي غي تهدن انا ديالك وماديال تاواحد هههه يالله خليني نوض قبل مايفيق خويا
محمد::وخا احبيبتي سيري 
باسها فحنكها ومشات كتلوا قدامو تاعيط ليها
محمد::ودخلي دغيا باركة ماتلواي
..يتبع