عدنا من جديد بقصة حصرية على مملكتنا و ممنوعة من النشر إلا بإدن وحدة منا🚨🚨..
و هاد المرة غاتكون قصة سپيسيال حيت تجمعنا فيها بجوجنا ، انا و دوجا 🤭
كيفما والفتونا ديما بالجديد و البنوتات لي ديجا قراو قصصنا عارفين أسلوبنا و أفكارنا أنا و دوجا .. هاد...
سلسلة العلاقات🍁 بقلم_نسرين أبدوني & خديجة بوقدير بــــــــارت 5
وصلو السطح حلات ودخلات حطات الشبكة وهو مشا تكوانا فواحد القنت كيكمي وهي كاتنشر في الحوايج وتلعب بشعرها كيف بغات هو بعيد عليها يعني حوايجها متقاسوش بدخان سجارتو لكن عينيه كلاوها ماكلة وهي حاسة بنظراتو للي غايخرجو من بلاصتهوم وخا كلشي عاجبينها شوفاتو سالات النشير وتوجهات لباب السطح باش تهبط لدارها تاناض عندها بالزربة ورمى السيجارة وشدها من إيديها عبد الرحمان::غاتهبطي بلا ماتعرفيني عليك شهرزاد::ههه أنا شهرزاد جارتكوم في العمارة عبد الرحمان::مرحبا بيك وتشرفت بمعرفتك شعرزاد::ليا الشرف ماكلتيش ليا شنو سميتك عبد الرحمان::سميتي عبد الرحمان لكن تقدري تعيطي لي عبدو ماعنديش إشكال شهرزاد::ااه عبدو اش خبار سكينة لباس عليها عبد الرحمان::ونتي فين كتعرفي سكينة كتهدر وتلعب بشعرها وإيديها وتعوج لهدرة شهرزاد::لا غي سمعت البنات كيهدرو عليها لتحت حيث تعرفات عليهوم عبد الرحمان::وي ونتي ماتعرفتيش عليها شهرزاد::لا حيث ماتاحتش ليا الفرصة المهم أنا غانمشي بحالي عبد الرحمان::كلسي مازال الحال شهرزاد::لا كيخصني نمشي قبل ماتسد البنكة عندي فيها واحد الغراض عبد الرحمان:: أشمن غرض ماشي إجباري تجاوبي غير لبغيتي شهرزاد::لا غير بغيت نسد واحد الحساب ديالي من شحال هذا وهو تما عبد الرحمان:: أنا خدام في البنكة الى بغيتي تقدري تعطيني نمرتك وانا نحل ليك المشكيل بلا ماتعذبي تمشي برجليك 😉 شهرزاد::امم هه وخا عطيني نقيدها لك جبد تلفونو وعطاها قيدات نمرتها ومشات بالزربة هابطة في الدروج وابتسامة انتصار فوجها شهرزاد::اوا ها واحد لعقبة لشي لاخر تبعها تاهو متاجه لدارو أما هي مع وصلات الباب القات بنتها شهرزاد::نعمة شكاديري هنا دخلي يالله خنزرات نعمة في عبد الرحمان هو نزل وهيا دخلات بنتها وسدات الباب نعمة::ماما شكاتحاولي تصنعي غي قولي ليا شهرزاد::حيدي قدامي قالت ليك شكنحاول نصنع ماتاتحشميش تهدري معايا هكا نعمة::ماقلت ليك تا حاجة دالعيب غي سولتك اش كنتي كاديري في السطح وبالشبكة ديال نشير شهرزاد:: ماتزيديش فيه راني غير نشرت الحوايج لي كانو تما في الحمام نعمة::علاش هاد الكذوب اماما الحوايج قبيلا نشرتهوم وكون راه نشفو سكتات شهرزاد وسهات تتفكر
#فلاش_باك سمعات صوت عبد الرحمان طالع في الدروج طلات وغير شافتو دخلات دغيا فزكات الحوايج ودارتهوم فالسلة وخرجات قدام بابها مع وصولو وكملات طريقها #العودة نعمة::ايهو فين مشيتي سولتك مزال مجاوبتيني شهرزاد(فاقت من تفكيرها وخنزرات فبنتها)::نتي وليتي غير كتخرفي ويكفي الشوهة لي درتي لي قبل مانتحولو هنا هاني كنوصيك انعمة ديها فشغالك نعمة::وخا الالة ماما غير هو أنا راه مغانبقاش ساكتة لهادشي حيث نتي السباب فأي مشكل كيوقع لينا مع مالين دار وتبعي تا هاد الموبل لي فيه ناس محتارمين وكيعرفو طريق الله عطاتها هاد الهدرة باش تنقي ودنها ودخلات لبيتها سدات عليها الباب وبكات بالفقصة هذا هو حالها البلاصة لي مشاو ليها كايخرجو منها بالشوهة بسباب ماماها من بعد ساعات قليلة وصل الليل عند سمر للي خلات توبة فدارها وطلعات لدارهوم هي مع الدخلة دالباب لقات نجم الدين وباباها كيتعشاو عبد الإله::بنتي الحبيبة أجي تعشاي سمر::لا ابابا غير بصاحتكوم خنزرات في نجم الدين ومشات لبيتها وهو للي فيه مامهنيه باغي اسول عليها ناض من فوق الطابلة وقفاتو هضرة باه عبد الإله::ݣلس أولدي تكمل عشاك نجم الدين::لا الوليد شبعت غير بصحتك ملي تسالي عشاك عيط على سمر تجمع لماعن عبد الإله::غير خليها أولدي أنا نحطهوم في الكوزينة كتبان ليا عيانة ومقلقة ياكما نتا لي قلقتيها نجم::لا أبابا مكاين والو غير تهنى مشا نجم وصلت حدا بيتها هو يدق عليها جوج دقات سمع دخل ودفع الباب هو يلقاها بدلات حوايجها وغاتخشا في فراشها نجم الدين::كيف بقات سمر::ومازال كاتسول واش نتا شوية لباس في عقلك راه صباعك تصورو لدرية في وجهها بغيت غي نفهم علاش ضربتيها نجم الدين::أولا ماتغوتيش وحدري صوتك ثانيا ماسمعتيش داك ولد الكلبة اش كان كيكول عصبني بهدرتو سمر::اوا ديك التصرفيقة للي خدات هو لمن غاتعطيها من الصباح والدرية كتبكي شوف ليا في عيني شاف فيها سمر::واش عمر شفتي عليا شي حاجة خايبة ولا سمعتي عليا شي هدرة طايحة نجم الدين::لا سمر::إذن خاصك تفهم بلي ديك البنت راها بحالي تماما نهار تشوفها خرجات الطريق ديك الساعات كنقسم ليك إلى انا اللولة غانعطيها التيساع وغانبعد عليها وهادشي ماعنديش فيه شك بتاتا لأنها التربية لي مربياها من عند واليديه أحسن بزااف من تربيتي ودبا غذا غاتعتاذر للبنت ولا نقولها لبابا نجم الدين::نتي اش كتخوري واش صافابا سمر::اه كيف كاتسمع نتا عارف إلى قلتها لبابا غايخليك تعتاذر منها بزز منك نجم الدين::افف منك اسمر افف مشا خرج زدح الباب دالبيت أما هي كالسة كتكركر وكاتضحك هزات تلفونها وصونات عليها كانت باقا ناعسة غير سمعات تلفون وهيا تقفز اسحابلها شي حاجة واقعة توبة::الو اش كاين ياك لباس سمر::هههههه تقدري تكولي احوبي نتاقمت ليك توبة::نتي اش كتخراي مافهمتش سمر:: نجم الدين شخصيا غايعتاذر ليك وغايحني الراس ههههه(عاودات ليها كولشي ) توبة::اممم اسحابلي كاع اش غاتكولي تفو مفيقاني من واحد الحلمة واعرة لكن لي عندو وجه الطارو بحالك مايحلمش تا على خاطرو سمر::ياك الكلبة المكجدر بنت المكجدرة خلاتها جدات تسنيم توبة::شوفي اسمر خوك ماغانخليهاش فيه وغانردها ليه بالدوبل وخا اعتاذر سمر::دبري راسك اختي لمهم بسلامة تال غذا فالصباح وندوز عندك توبة::باي نخليو هاد جوجات انعسو ...يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
