سلسلة العلاقات ♡بالدارجة مكتملة♡

الجزء 18

سلسلة العلاقات🍁
بقلم_نسرين أبدوني & خديجة بوقدير
بــــــــارت 18

عند شهرزاد
كانت مع بنتها في الدار كيف العادة شادة التلفون وكتكونيكتا مع عبد الرحمان تا جات عندها نعمة
نعمة::ماما عطيني عفاك نهدر مع صاحبتي تقادا ليا الصولد فالتلفون
شهرزاد::اوا سيري شارجي
نعمة::وراه غي جوج دقايق نكول لدرية تسناني العشية للمدرسة ونقطع
عطاتها التلفون بالنفخة ومشات للدوش نعمة شدات التلفون دوزات النمرة ديال صاحبتها علماتها تسناها وقطعات معاها يالله بغات تحط التلفون هو اوصلها ميساج من عبد الرحمان بقات كتشوف داك المنكر والمسخ لي كيصيفط ليها وهي دخل دغيا الواطساب شافت البروفايل لقاتها ديال عبد الرحمان وهي تصدم ضرباتها الصعقة ماتلات عرفات شنو دير حطات التلفون وهي كترعد بالأعصاب خلاتها تا خرجات من الدوش
شهرزاد::ساليتي أري ليا تلفوني فيناهوا
نعمة::واش نتي مازال ماباغا تحشمي وتجمعي راسك
شهرزاد شيرات عليها بكأس كان غايجي ليها فعينيها
شهرزاد::نعلة الله اوا عليك ابنت الحرام مابقات فيك حشمة علاش كدوي معايا بهاد الطريقة غانهرس لمك شي نهار شي عضم
نعمة كتبكي بحرقة
نعمة::نتي باغا تصيفطينا للجهنم بفعايلك مازال تا ماسخنا بلاصتنا فهاد الموبل هانتي غادي اجريو علينا بسبابك
شهرزاد::ياويلي على ماخلات كرشي تي اش كتݣولي وضحي هدرتك لا نوض لمك نرفسك
نعمة::بقا ليك غا راجل سكينة ماتصاحبتيش معاه
شهرزاد::عاودي شنو ݣلتي ونتي مالك اشنو مشا ليك الى أنا تصاحبت هااا كاتساليني شي حاجة
نعمة::هاديك كتسمى قلة العراض
شهرزاد:: إوا أجي نوري لبنتي قلة العراض كيف كتكون
شداتها قتلاتها عصا ونعمة كتغوت وشهرزاد كتعض وضرب
شهرزاد::هااااكي لتاصيلت واليديك الكلب خرجتي عليا وعلى حياتي متزوجتش غير على قبلك أبنت الحرام ودبا كتوريني قلة العراض شناهيا هاكي لتاصيلتك تفووو
بقات كضربها ونعمة كتغوت
عند نجية
كانت صبنات شي حويجات ديال الدراري ملي سالات بغات طلع النشير  للسطاح جاتها الشبكة تقيلة عيطات على أسامة كان ناعس فالبيت
نجية:عفاك أولدي هز ليا النشير للفوق فااسطاح
أسامة::وخا الالة العيالات
هز الشبكة مطلعها ونجية وراه هوما طالعين وكيسمعو فالغوات خارج من دار شهرزاد
نجية::ويلي شواقع عند هاد المرأة ياربي السلامة
اسامة::مانعرف زيدي زيدي طلعي الواليدة
يالله باغين اتحركو هوما اسمعو لباب تحل خرجات نعمة مريشة كولها ولحمها معضوض ومقموش وكتبكي وتنوح وتغوت  غي بانت ليها نجية مشات تخبات وراها
نعمة::هئ هئ هئ 😭😭عفاك اخالتي نجية عتقيني راها غاتقتلني
نجية::تهدني أبنتي غي تهدني ويلي أشهرزاد رجوع الله مالك عليها
شهرزاد::طلقيني عليها اليوم نرفس مها
نجية::ويلي على ترفسيها مالها بالسلامة شدارت كاع
نعمة::اوا ݣولي ليهوم اش درت وشنو ݣلت يالله
شهرزاد::وباقي تتخرجي فعينيك يابنت الحرام أجي هنا
جراتها من شعرها بغات دخلها وهو إحبسها أسامة بإيديه
أسامة::نعلي الشيطان الالة شهرزاد باغا تقتليها
شهرزاد شافت أسامة وبدات كتحلون الله استر تا الولد قد بنتها ومادوزاتو
شهرزاد::هيهي راه بنتي هاديك وأنا عارفة مصلاحتها مرة مرة كنضربها
اسامة::لاباينة نيت واش مرة مرة هاد البنت راك هلكتيها عصا حشومة هادشي
نجية::شهرزاد نعلي الشيطان اختي وخلي الساعة دوز بيخير
شهرزاد:: إوا الله انعل الشيطان
كتشوف فبنتها وكتغدد عليها تا تقتلها وكتحلف عليها غير بعينيها
نجية:: أنا انديها عندي شوية للدار تاتولي بيخير وتجي صافي
شهرزاد::لا أختي غير خليها عندها الامتحانات خاصها تحفض
نعمة::ماعندي والو ومابغاش نبقى معاك مازال
نجية::وصافي أختي نعلي الشيطان خليها معايا غي اليوما
شهرزاد لقاتها من الجنة والناس بغات السبة فين تلاقا بعبد الرحمان ودبا ملي غاتبات بنتها عند الجيران غادخلو عندها لدار جاوبات نجية وبدات كتفرنس
شهرزاد::صافي غير خليها معاك اليوم
نجية::يالله سيري أبنتي هبطي للدار نسالي النشير ونجي عندك
هبطات نعمة للدار عند نجية وكمل أسامة المشية ديالو للسطاح حط ليها النشير وهبط للتحت فالدار
......يتبع