عدنا من جديد بقصة حصرية على مملكتنا و ممنوعة من النشر إلا بإدن وحدة منا🚨🚨..
و هاد المرة غاتكون قصة سپيسيال حيت تجمعنا فيها بجوجنا ، انا و دوجا 🤭
كيفما والفتونا ديما بالجديد و البنوتات لي ديجا قراو قصصنا عارفين أسلوبنا و أفكارنا أنا و دوجا .. هاد...
سلسلة العلاقات🍁 بقلم_نسرين أبدوني & خديجة بوقدير بــــــــارت 7
جات من وراها سمر قفزتها سمر::شنو تديري هنا ايوا آش نقول لكم الرجعة للي رجعات توبة اللور ضرباتها بزلقة عالمية مع غوتة تا كلشي للي في العمارة طل غا عرفوها توبة ورجعو دخلو عارفين عمايلها هي وسمر توبة::أييييمااا الحبيبة أخخخ ضهري الملعوقة قفرتيها ناضت توبة تتحك فجنابها وݣفضات وتبعات سمر للي هبطات ضروج مدردكة سمر::هااا العار البزيزيلة وااااع وخالتي خالتي فكيني ومييي توبة::حق ربي تغنوكلها لك غا وقفي مشات سمر تخبات ورا رقية سمر::وخالتي فكيني راه ميسحابليش مشافتنيش زعما راه عيطت ليها توبة::حيدي أمي اليوم نريش الحمار تاع بوها الملعوقة المجدامة عبد الإله كان دخل مع غواتهم وطلع الفوق باقي فدروج وسمعها وهو يطل عليهم من الفوق عبد الإله::إيييه أبنتي يرضي عليك توبة::العميم غا تعبير مزاجي ماشي نتا وحق مولانا تا تنعايرها هي الراسها رقية(حيدات صندالتها)::أديك عود الند غتكملي دوك دريجات وغدوزي تكمشي ولا نزوق والديك ونتي (شحطات سمر تا نقزات مبعدة عليها)قدك مزال يجريو نتي وهاد الجيفة(شيرات على توبة وخوات عليها)دوزو تكمشو ضربوها بزوج بجرية طلعو الفوق يدافعو كملو تجفيفة بزوج معاونات خرجوها تال برا توبة::ناري مك خاص نخرجوها برا العمارة مفياش سمر::سيري دخلي دوشي رتاخي باش الليل الحمام وأنا غنكمل هنا ونخرجها عنقاتها توبة توبة::يااي تانكس الحب نعوضها لك باي دخلات الدار وسمر كملات تجفيفة مخرجاها الزنقة محمد كان واقف برا شاد تيلي تيلعب رد ليها البال وحيد من الباب تا جففات محمد::إحم سمر عيطيلي الخوك قولو راه من صباح ونا نتسناه قولو ينزل نمشيو نتغداو سمر(شافت فيه ميقة)::وقولهالو نتا مالك معندكش فمك وطلعات وخلاتو غتيشوف وهي غادة تتبرݣم سمر::يخخ على مستوه ومكلخ خمس سنين يا جدك ونا نلمح لك بللي زوين وتال دبا مزال حول أتفو دخلات الدار لقات باها جاب الغدا تغداو وجمعات الطابلة أما نجم الدين عيطلو محمد علمو وجلس تغدا معاهم عاد ناض خرج لقا محمد واقف قدام العمارة محمد::على سلامة نجم الدين::الله يسلمك عند سكينة تضور فالدار وهازة تيلي تتعيط لراجلها للي من صباح أي بداية شقى لدبا مبانش ودبا راها الخمسة تاع العشية تعصبت وطارت ديك الشخصية الحنونة اللطيفة وبانت شخصيتها الأصلية سكينة::واخا اعبدو بديتي تلعب بديلك أنا غنقطعو المك ولكن تتجيني باغي تشوهني أبلاتي عند شهرزاد نعمة بقات فبيتها كعادتها أما هي غا وصلات هاد الوقيتة سمعات الهضرة وطلات بانولها دراري قدام الباب وهي تلبس ونزلات تعوج دقات على سمر حيت عارفة نجم الدين خوها قالت غيدوي معاهم بزوج على حسب دراستها الرجال سمر(حلات الباب)::السلام بغيتي شي حاجة شهرزاد::وعليكم السلام أه بغيت نعرف غا الحوانت مع أنا هنا عاد سكنت ياك معارفة والو ومحتاجة شي سخرة سمر(بإحراج)::واخا عطيني نتسخر لك شهرزاد::لا غير يالله معايا باش نيت نحفض البلاصة سمر::إحم واخا يالله خرجات وسدات الباب كانت لابسة بيجامتها سروال والفوقاني تاعو وشعرها إسفنجة في التحت تاع العمارة واقف محمد ونجم الدين وشادين السيݣار وتيتحتو ويكميو ممسوقين الحد محمد::فخبارك الفقصة ولات تتركبني فديك الجامعة نجم الدين::كون تشوف أنا كثر منك تيجيوني غا الكوارت في المقر تم داخل عبد الرحمان عبد الرحمان::السلام محمد::وعليكم السلام دخل بحالو ودار محمد عند نجم للي لقاه لاح السيݣار وخاشي يدو فجيبو مخنزر محمد::أمالك عقدتيهم نجم الدين::متنرتاحش لهاد خينا عينو غتيضورو محمد::معرت تيبانلي عادي مزال داوين تا تمات خارجة من الباب شهرزاد بشي لبس لا حول ولا قوة إلا بالله يعني صغار ومتيلبسوهش وخارجة جنبها سمر نجم الدين (مخنزر)::سممر فيين غادة سمر غا شافت تخنزيرو البولة كانت غتطلقها أما شهرزاد تحلات وبدات تعوج وترد شعرها اللور سمر::خويا غير غير غنوريها أه غنوري لشهرزاد الحوانت نجم الدين (طلع ونزل فشهرزاد عاد شاف فختو مخنزر)::طلعي الدار مكين خروج ونتي لبغيتي الحوانت أنا غنوريهم لك شهرزاد::أه علاش لا يالله وريني سمر ميقات في شهرزاد فاش بانتلها تحلات أما نجم الدين ممساليش لهاد تبرهيش لمح توبة تطل من الشرجم كعادتها مغمضة عينيها وجالسة فالشرجم تتشم الهوا قدر الإمكان هاكا تتصفي دهنها تا سمعات الوصف للي تيوصفها بيه نجم عاد حلات عينيها فيه نجم الدين::ديك الجنية توبة::أنعام أزمر قفزتيني
نجم الدين::كلمي ليا خوك دبا نجي نقطع لك داك لسان توبة(ميقات فيه)::يييه على بنادم(لمحات سمر)تي فين خارجة أديك العوجة ومعيطتيش تا ليا نجم الدين(تيمسح على وجهو بفقصة)::وكلللمي خوك أزبل قفزها خنزرات فيه ودارت تتغوت توبة::رياااان ووااارااايان أداااك البرهوش تكلم لخو سمر ريان::بشوية الهيشة سمعتك هانا خارج لبس صندالتو وخرج عند نجم أما توبة دخلات بحالها البيتها نجم الدين::ريان وصل خالتك شهرزاد الحانوت ووريها تا فين كين الحمام شهرزاد::أويلي على خالتو وأنا عاد وصلت 30 شرفتيني بزاف وكيفاش الحمام محمد(نقز ليمشي صاحبو يزبلها كثر)::مقصد والو غا حيت نتوما جداد ضروري أتبغيو تمشيو الحمام وبغاك تعرفيه فين جا باش متبقايش تقلبي شهرزاد(ميقات)::واخا ماشي مشكل ضربات بشعرها وخرجات وريان جا قدامها باش يوريها محمد دار شاف في سمر للي باقا واقفة تتعض على شفايفها وبقا مطول الشوفة تا دارت طلعات بحالها مفقوصة حيت خوها غوت عليها قدام كلشي سمر::هوووف تفو علاش يغوت عليا وأنا بغيت ندير الخير في منزل الربيعي دخل عبد الرحمان تيحيد في الفيست تاعو قربات مرتو تتشمشم خدات الفيست تتقلب بدفيها وتشمشم فيها ريحة مهياش حطاتها في الوسخ وجات حطات لو مياكل سكينة::عبد الرحمان حاول تبعد على نسا راه مغنبقاش ندرق وسخك تبت شويا بلاما تخليني نعيط الوليد يشوف معاك ومتشوهنيش تا هنا ناضت وخلاتو معصب غا مع راسو سكينة الأب تاعها هو مدير البنك للي خدام فيه راجلها وهي حافضة راجلها وعارفاه تيضور بالبنات وهي للي تتفك حريرتو معاهم هذا لاش حدراتو وصل وقت الحمام الكل في العمارة تجهز وتقابلو التحت بسطولاتهم من غير شهرزاد وبنتها للي عاد بداو يتعرفو على عادات هاد العمارة .....يتبع
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
