سلسلة العلاقات ♡بالدارجة مكتملة♡

الجزء 19

سلسلة العلاقات🍁
بقلم_نسرين أبدوني & خديجة بوقدير
بــــــــارت 19

داز نهار عادي شهناز ومها باقين عند سمر رغم أن العشية وصلات نجم الدين مبقاش رجع الدار من صباح تيعيط الختو تتقولو مزالين عندهم تيرجع يقلب الدرة يمشي لشي قرينة نعمة نهار كامل وهي تبكي عطاتها نجية بيت أسامة تبقى فيه اليوم تكمشات على بعضها تتبكي أسامة بقات فيه لكن معندو ميدير وتوبة نهار كللو وهي فبيتها مها وخوها وباها خرجو مشاو عند عمها مريض ولكن هي حلفات متمشي وقالتلهم سمر غتبات عندها عاد خلاوها ومشاو حيت تاهما ناوين يباتو
سمر(تتعيط من الشرجم تاع الكوزينة حيت تيطل على اللاكور تاع توبة)::توووبة وااا توبة
خرجات توبة طلات عليها تتاكل فإندومي
توبة::آش بغيتي غتجي تباتي عندي ياك مكين حد
سمر::عاد شفت ميساجك وأصلا عارفاني غنقولك واخا لكن دوي مع نجم الدين حيت دبا عيطتلو قلتلو غنبات عندك قالي لا ومخلانيش تنقولو راك الراسك
توبة(ميقات)::إيوا بلاش
سمر::مال طاسيلة جدك تتعوجي عليا راك عارفاه دبا معصب بسباب ديك خيتي للي باقا لاسقة فترمتي مها مشات وهي حلفات لبغات تمشي وهو مفقوص وبرد فيا أنا
توبة(هزات كتافها)::مسوقيش تندخل نكمل شنو فيدي باي
دخلات معصبة وسمر تتنݣر من الشرجم
سمر::الله يخليها فيك قاعيدة العوجة أوجه الملعقة الله يلݣيها لك نتي وداك الحتروف بزوجكم معكسين أتفو
طلات عليها توبة
توبة::دخلي أوجه الشوهة يجي خوك ونتلقالو ندوي معاه ودخلي هنينا
سمر::وقوليها من البدية بنادم عزيز عليه المعيو ودعاوي أوجه البلاوي
دخلات وتا توبة دخلات تتكمل ماكلتها هاكا هي تتقلق تتخلط كلشي وسمر حافضاها وتتعرف تعامل معاها لو جات فشي وحدة أخرى تخاصم معاها هذا شحال
شهناز::شفتك تتجمعي حوايج نعاس غادة لشي بلاصة
سمر::أه غنبات عند صحيبتي فاش غتمشي نتي
شهناز::شنو تتجري عليا دبا
سمر::لا علاش غنجري علك ولكن نتي ضيفة يعني غتمشي غتمشي
شهناز فهمات راسها وهزات ساكها وخرجات تتنطر مسلماتش عليها لحݣت وخرجت بحالها وخبطات الباب
سمر::جهل يخخخ
شهناز هابطة ونجم الدين عاد دخل الباب العمارة يسحابلو مشات حيت عيط لسمر ومجوباتوش حيت تيلي تاعها كان في الكوزينة ولكن هو صرفها على أن ختو مع توبة حيت فاش تيكونو بزوج تينساو تيليفونات توبةللي كانت حاضية الشرجم غا بانلها داخل وهي تحل الباب عليه هو واقف وشهناز معنقاه بقات تتشوف مدة وتتحس بشي حاجة تهرسات الداخل
عند نجم الدين
داخل العمارة عاد حط رجلو معرف كي دارت تا نقزات آخر درجات وتلاحت عنقتو صدمتو بهاد الجرأة والوقاحة للي هي فيها لهاد الدرجة معندهاش كرامة يالله بغا يدفعها تا سمع باب توبة تحل دار بالعرض البطيء وتيتمنى متكونش شافتهم هكا ولكن تمنياتو باءت بالفشل لقاها مسمرة تتشوف فيهم بسرعة دفع شهناز مغدد توبة دارت بسرعة وخبطات باب دارهم تتنهج وشادة قلبها معارفة فين تصد وتا دموع حبسو مبغاوش ينزلو
شهناز::أويلي قفزت شكون سد هاد السدة جهل
نجم الدين (ضاغط على يدو ومخنزر وعينو غا على باب دار توبة)::سيري من قدامي قبل منوللي عادمك فأرضك
شهناز يالله بغات دوي وهو يشوف فيها شكلو خلعها رجعها لنهار عتارفات ليه بحبها قبل متقرر تسافر
#فلاش_باك
شداتلو يدو وقربات ليه حطاتها فوق قلبها
شهناز::كنبغيك بزاف أحبيبي نجم
نجم زوج يدو بالزربة مخنزر
نجم الدين::أنا منصلاحلكش أبنت خالتي عندي وحدة ميتعمرة كل قلبي
شهناز(بدات تتبكي)::لا ميمكنش انا كنبغيك كثر من كلشي أنا للي نستحقك
بعدها عليه وبعد منها مقادر يبغي تا وحدة من غير توبتو
شهناز(حيدات بينوارها بقات غا بشوميز وقربات تتحل ليه قميجتو)::أنا غنسلمك راسي صافي أنا حسن منها أنا متأكد غنكون حسن منها هي باينة عطاتك راسها متخافش انا بنت وعارفة غتكون هي مرا وبكن أنا غنعطك فرصة تقبني نتا اللول
تتحاول بأي طريقة تاخدو لكن هو صافي حس بيها طعنات شرف محبوبتو بلا شعور هز يدو ونزل عليها وبدا يغوت ويهرس وهي تكمشات عمرها شافتو معصب خلعها
نجم الدين::سميتها توبة وأشرف منك تتسمعييي توبتي أشرف منك ومن تريكتك كلها سمعتيني
نزل هزها من شعرها وهي تترعد ولات طالبة غا سلاكة
#عودة
نجم الدين::غبري من حدايا
مشات تتجري الزنقة كلها تترجف وخايفة تا قالت غيكون نساها ولكن دبا تبتلها العكس مشات بخيبة أمل كبيرة وبقلب مهرس كثر من نهار سافرات عيطات لمها
شهناز::جمعي ليا حويجي غنرجع بحالي نخدم تما
قطعات مع مها وهي مصممة تبدا حياتها برا وتحاول تنساه
.....يتبع