Part 2
ان شاءالله نالت اعجابكم البداية طبعا انا ما احب اطول ب الاحداث بس حبيت اول بارت كذا اوصل لكم شعور رغد
صلو على النبي ويلا قراءه ممتعه 🫶🏻
بعد فترة من تحرك فهد وقف عند محطه يشتري له اكل ويصلي العصر ( لا تنسون صلاة حبايبي ) بعد ما صلى واخذ من البقاله سم بالله وحرك وصل لمكان عمله نزل دايم بهيبته دق الباب
ابو رغد / ادخل
فهد / سلام عليكم ورحمة الله
ابو رغد ابتسم / وعليكم السلام ورحمة الله ارحب
فهد ابتسم / تبقى كيف الحال يابو رغد عساك طيب
ابو رغد/ نحمد الله ونشكره بخير عساك طيب انت
فهد / الحمدلله بخير بس واضح فيك شي يابوي
ابو رغد ابتسم يحب فهد وبذات اذا ناده يابوي : كانك حاس فيني ياولدي
فهد ابتسم من كلام ابو رغد : كيف ما احس فيك وانت ابوي قولي وش بلاك
ابو رغد تنهد : ابد ياولدي تطور مرض القلب عندي وخايف على رغد وكيف اقولها الموضوع
فهد : إن شاءلله تتعافى لا تيئس يابوي و الله يكون بعونك والله انه صعب الموضوع بس لازم تعلمها لن رح تزعل اكثر انك ما علمتها
ابو رغد : والله اني خايف عليها يافهد انا يمكن ربي ياخذ أمانتي بآي لحظة خايف يافهد عليها من صدمتها لكن ماهو بيدي و برجع اقول لها ابي منك غير الدعاء
فهد سكت شوي : يابو رغد
ابو رغد رفع حاجبه : من كلمة ابو رغد وراك بلا
ضحك فهد : والله نيتي زينه ابد ماوراي اي بلا
ابو رغد ابتسم : غرد وش عندك
اخذ نفس عميق مايدري وش بعد ذا الكلام بيصير بس حس انه الحل الوحيد الي رح يريح نفسه و ابو رغد :تدري ان جدي يبغاني اتزوج
ابو رغد رفع حاجبه 🤨: ايه وبعدين
تنهد فهد : وقبل اجيك قال لي يا تختار ونخطب لك يا انا اخطب لك
ضحك ابو رغد : ههههه قول من اول تبغاني اقنعه ما يزوجك صح ؟
فهد وقف قلبه حس انه عرف لكن لما سمع كلام ابو رغد تنهد وابتسم : لا لا انا يابوي
ابو رغد بعصبيه مزيفه : لك ساعه تسكت هو لغز او ايش ياولد
فهد تكلم بسرعه من توتر : ابغى اطلب يد بنتك على سنه الله و رسوله
ابو رغد انصدم سكت وهو يفكر بنفسه ( هاذا ليكون يفكرني اعرض عليه بنتي لا لا فهد مايفكر كذا اجل ليه خطب )
فهد حس انه جاب العيد وجلس يبرر ل ابو رغد : لا تفكر ب اي شي والله اني نيتي زينه وانا مفكر من زمان اخطب بنتك على سنه الله و رسوله انت مربيني جيت و توظفت عندك بعمر 17 انت معلمني و ساعدتني بكثير اشياء لولا الله ثم انت كان الحين انا ماني هنا اعرف تربيتك زين وحبك لبنتك وانا ابغى اناسبك يابوي لن نسبكم ما يتعوض ويشرف لي ..
قاطعه ابو رغد : نعم اش تقول
انصدم فهد قلب وجهه ألوان : ها والله ..
رجع قاطعه ابو رغد وهو يضحك : ابركها من ساعه يافهد بن خالد حياك الله انت واهلك
ضحك فهد وراح يضم ابو رغد : اقسم بالله صدمتني قلت الحين بيصفقني
ضحك ابو رغد : شكلك اشتقت لضربي يالله استاذن بروح اسئل بنتي عاد الشور لها
فهد : لا اكيد أذنك معك
طلع ابو رغد كان مبسوط بس متوتر كيف يبدا الموضوع معها وصل البيت فتح الباب جاء يبغى يدخل بس وقفته رغد الي تجري لعنده
رغد ( سمعت صوت السيارة ونزلت جري ولا هاذا ابوي يفتح الباب ) : هلا والله بابو رغد
ضحك ابو رغد وفتح يده يضمها : هلا والله برغد
رغد بعدت عنه : واضح وجهك يبشر بالخير غرد يابو رغد غرد بما لديك
ابو رغد ضرب جبهتها بخفه وضحك : اصبري خن اخذ نفس طيب
ابتسمت رغد ورجعت تضمه
ابو رغد بادلها الحظن : يلا جيبي القهوة والحلى تعالي صالة
رغد سوت سلام الضباط : ابشر يا لواء على خشمي
ضحك ابو رغد راح صالة ورغد راحت تجيب القهوة والحلى
جت رغد بعد فتره : حيالله من جانا
ضحك ابو رغد : ترحبين فيني ببيتي
رغد سوت انه حزينه : استغفرالله انا لا لا
ابو رغد عرف انها تلعب عليه : تعالي تعالي جنبي بقولك موضوع واحد زين واحد شين
جلست رغد وصبت قهوه و سولفو شوي
رغد : اي وش الموضوع اول شي الشين
ابو رغد تنهد بضيق : الشيننن يابنتي ربي كتب انه يجيني مرض القلب و اكتشفته قريب
رغد جتها غصه ضمت ابوها : ابوي هاذا ابتلاء من ربي "إن الله إذا أحب عبداً ابتلاه، ثم أطال عليه البلاء وأخر له إجابة الدعاء، حتى تتغير وجهة قلب العبد من الرغبة في مسألته إلى الرغبة فيه تعالى." مانقدر نعترض بس تذكر بنتك رغد الي رح توقف معك وتساعدك و اي شي تطلبه اسويه
ابو رغد ابتسم بضيق : نجي للخبر الزين
رغد مسحت دموعها وبعدت عن ابوها : اي وشهو
ضحك ابو رغد : والله يابنتي كبرتي وصار يجيك خطاب
رغد وجهها قلب ألوان: ها وش ⁉️⁉️
ابو رغد مسك يد رغد : اذا تذكرين فهد الي جاء توظف عندي وهو صغير
رغد : اي
ابو رغد : طلب يدك اليوم مني وقال اشوف رائيك اذا وافقتي يجيب اهله
رغد نزلت راسها وهي تفكر ( الولد مافيه خلاف بس انا كيف اترك ابوي وطلع تعبان مارح اوافق واتحجج بدراسه بس شفت لمعت الفرح في عينه) : معرف اش اقولك يابوي
ابو رغد : رغد ارفعي راسك وطالعي فيني مادام انا حي ماتنزلين راسك
رغد رفعت راسها بابتسامة
ابو رغد كمل : محد رح يغصبك وكثير جوني و خطبُك بس رفضت ولا علمتك بس فهد انا الي مربيه واعرفه زين ولما طبلني مارديته وقلت بشوف بنتي الشور شورك واي شي تبينه موافق عليه انا
رغد ابتسمت من كلام ابوها : مدري والله يابوي
ابو رغد : استخيري وردي لي خبر و هي نصيحه مني رجال ابن ناس و خابزه و عاجنه بيدي انا وعرف كل شي عنه
رغد : اعرف يابوي بستخير والله يكتب الي فيه خير بس شرطي انه لايمنعني منك ولا دراستي وظيفتي
ابو رغد : اذا خوفك على دراستك وعلي لا تخافين بنقل معك هناك وتكملين دراستك
رغد أبتسمت وضيعت الموضوع بسوالف
وجلسو يسولفون ويضحكون لين صارت ساعه 9 كل واحد طلع غرفته ينام
رغد ماقدرت تنام وجلست تفكر كلام ابوها ريحها بس ماتدري خايفه من وش استهدت بالله وقامت تصلي الوتر لعل وعسى يخف توتر صلت وخلصت رجعت تفكر قررت تصلي استخارة ( طريقه صلاة الاستخاره اخر البارت )
صلت وراحت تنام صحيت الصبح حست براحه طلعت تشوف ابوها وتصحيه لصلاة الفجر دخلت غرفته وصحته دخل ابوها يتوضى وهي راحت تتوضى لبست لبس صلاة و طلعت تشوف اذا ابوها يبغى شي قبل يروح المسجد دقت الباب وسمعت ابوها يقولي ادخلي دخلت الغرفه
رغد : تحتاج شي يابابا
ابو رغد : سلامتك يابنتي
رغد : الله يسلمك جت تبغى تطلع وقفها صوت ابوها
ابو رغد : رغد استخرتي
رغد تقشعر جسمها ماتدري ليه ولفت : اي
ابو رغد ابتسم : وش قولك ياقُرة عيني
ابتسمت رغد من كلمة قُرة عيني الي دايم ابوها يقولها لها نزلت عيونها باستحياء : شورك وهداية الله
قام ابو رغد وضم رغد : الله يوفقكم و يسر لكم اجل ببلغه باس راسها وطلع ابو للمسجد و رغد راحت تصلي
بعد صلاة الفجر ابو رغد علم فهد بموافقه رغد وقال له يجيب اهله فهد شكر ابو رغد وقاله بيرجع اليوم يكلم اهله بعدها راح كل واحد طريقة
ساعه 9 راحت رغد الجامعة و ابو رغد شغله و فهد راح يجيب اغراض امه و خواته لان بعد صلاة الظهر يمشي
أنت تقرأ
روايتي الثانيه انتِ ترياقِ
General Fictionلكل بطل حكايه و كل حكايه بتكون غير وش مصير فهد و رغد صلُ على النبي ﷺ وقراءه ممتعه ولا تنسون تدعموني و تقدرون تضيفوني انستا lxsa_81
