روايتي الثانيه انتِ ترياقِ

Part 6

Part 6

ما نزلت لن كنت مشغوله وللان مشغوله لكن حاولة اكتب بوقت فراغي البارت اذا كان طويل نعتذر على الازعاج و اذا كان قصير ابشرو ب بارت اطول

بسم الله نبدا 🫶🏻
قبل صلُ على رسول اللهﷺ وقراءة ممتعه ❤️‍🔥

ابطالنا الحلوين راحو شهر عسل رغد & فهد ( بنسبه لي شهر عسلهم كان سخيف ولا حبيت اذكره بس كانو يطلعون يتمشون و يرجعون ما يصير احداث مهمه )

( عوض ) في الديرة تحديدًا
عوض : اش فيك خلاص قلت طيب
مجهول 2 : مافيه خلاص الان تجي عندي
عوض : يا ابن الناس افهمني مقدر بس بحاول
مجهول 2 ضحك باستهزاء: الي ودك اذا ما جيت ترحم على الي تسميه اخوك ( قفل المجهول 2 الخط )
عوض بعصبيه بعد الجوال عن اذنه  : الله ياخذك الله ياخذك ولا ياخذني بس ولد ابوي ما اخليك تمس شعره من الفيصل
.
.
( مقر سري )
دخل عوض وهو ما وده يدخل : سلام عليكم
المجهول 1 بلا وعي  : يسلم الورع
المجهول 2 بضحك ايضا بلا وعي  : تفكر بنرد عليك
عوض بقرف من شكلهم و اسلوبهم : السلام لله ولا ما كان سلمت عليك وعلى اشكالك
المجهول 1 قام وهو غير متوازن بمشيته قرب من عوض : اسمع يا ورع لا تغلط عشان ل ادفنك هنا
المجهول 2 وهو يشرب : اسمع كلام عمك وانا تاج راسك
عوض بعصبيه وقرف وهو يأشر على المجهولين : اقول على تبن من انت عشان تصير عمي وانت تصير تاج راسي تقلعو بس لا عباده  ولا صلاه ماغير بذا الشراب
المجهول 1 : هيه يا ورع تحترم نفسك لا ادعسك
عوض بهدوء وضحكه استهزاء: شف شف تعلم كلمه جديده وجلس يطبقها علي ياحبيب الماما من وين تعلمت كلمت ورع
المجهول 2 بضحك : تعلمها من مسلسل
عوض 🤨 : و مبسوط انت و خشتك ما فالحين غير تتابعون
المجهول 1 تنرفز : هيه انت والله ل اقوم ادعسك
عوض ابتسم بسخريه : تعال يلا وقبل لا تجي تشهد لعل وعسى ربي يغفر لك بعد المعاصي ذي لن مارح تسلم من يدي
المجهول 2 : اص بس و سوي الي نقوله لك
عوض ( مدري ليه كنت خايف منهم وانا عارف ربي بيحفظ الفيصل المفروض ما اجي ) : اقول على زق يا سربوت ولا رح اسوي الي تبيه
المجهول 1 : سوي الي تبيه لكن رح تندم
عوض وهو طالع بصوت عالي : اعلى مافي خيلك اركبه
.
.
.
اعرفكم على عوض ( كان وحيد امه و ابوه بس ربي راد انه يفقدهم وهو صغير كان الجد فهد جار اهل عوض فبعد موت اهل عوض الجد فهد اعتنى بـ عوض و كبره و اعتبره ولده و حفيده عوض صديق صدوق للفيصل لون بشرته حنطي بنيت جسمه عرضيه و كبيره راح يشتغل بجده و يرجع كل فتره الديره حافظ القران ودايم صلاته بالمسجد )

———————————————————————

( نوره ) في ديره تحديدًا
نوره بملل : ياربي طفششش
ام فهد : قومي نظفي
نوره بزعل : يا امي كل ما قلت طفش قلتي نظفي ترا والله زهقت كل يوم على نفس الموال و عبير ماتجي و فهد مسافر زهقت
الفيصل كان راجع من السفر وسمع كلام نوره : افا اخت فهد طفشانه و فهد موجود
نوره نطت بفرح تضم فهد : اشتقت لك وربي
فهد بادلها الحظن : اشتاقت لك العافيه
قرب فهد يسلم على امه : شحالك يا الغاليه
ام فهد : الحمدلله كيفك انت
فهد ابتسم : الحمدلله بما يرضي الله و يرضيك
ام فهد : الله يديم عليك
نوره : الحمدلله على سلامه بس وين رغد 🤔
فهد : أولًا الله يسلمك ثانيًا مالك دخل
نوره : الا دخلني الباب
ام فهد ضحكت : ها جاء من يسليك
نوره كشت على وجهه فهد : مالت عليه هاذا يسليني
فهد ابتسم ورفع حاجبه : ومن قبل شوي يقول اشتقت لك وتحلفين المشكله
نوره بتورط : من قال انا كله تمثيل
ام فهد : معليك منها وينها رغد صدق ليكون زعلتها
فهد : لا ما زعلتها ولا شي بس مشتاقه لابوها و وصلتها عند ابوها
ام فهد : اي زين ما سويت وبعدين اكيد بتشتاق لابوها 
فهد : انا بطلع انام لي شوي
ام فهد : نوم العافية
فهد ابتسم: الله يعافيك و يانوره صحيني قبل صلاة المغرب
نوره 😑 : زوجناك عشان افتك تجي تقول صحيني

——————

( رغد ) في ابها تحديدًا
رغد مبسوطه : و اقولكم يابنات هناك الطبيعه تجنن قلبي انسرق من الطبيعه تجن
ريما 😉 : الطبيعه ولأ فهودي
رغد 🙄: انن سخيفه
جوري ماسكه الضحكه : معليك منها وريني الصور الي صورتيها
دق جوال رغد
ريما سحبت الجوال: انا بشوف اكيد فهودي اشتاق لك
رغد سرحت بتفكيرها ( ياحليلكم تفكرون انه يحبني وين واضح انه كان يمثل بزواج حتى انه ما لمسني كيف تبونه يشتاق لي ويحبني واحسه مغصوب علي )
ريما : الوو وين رحتي
رغد : ها وش
ريما : امسكي عبدالله يدق عليك
رغد سحبت الجوال وردت بسرعه : هلا والله بعبودي
عبدالله ابتسم: هلا في عروستنا
رغد : عبود ما ودك تجي تمشيني اشتقت لما تمشيني
جوري : هيه خير حبيبتي ترا احنا هنا
عبدالله: ابشري من عيوني الحين جايك و قولي للي جنبك تجي معانا لا يطق لها عرق
رغد بضحكه : يقول عبدالله نتمشى وتعالو معانا عشان لا يطق عرق ل جوري
جوري بفشيله : سمعني
ريما طاحت من الضحك : تستاهلين
رغد : يلا عبود بسكر
قفلت الخط رغد ولفت ل ريما بعصبيه مزيفه : ياخي تضحكين على اي شي
ريما باستغراب: يمه وش فيك خلاص اسفه
رغد ضحكت : على تبن امزح
جوري 🤣 : شفتي وجهها كيف صار
ريما : مايضحك بقوم اللبس

قامو لبسو و تجهزو وجاء عبدالله اخذهم لفو بسياره و اخذو قهوه و كيان و صورو و كل واحد رجع بيته

—————
( ابو رغد )
جالس بصالة ينتظر رغد توصل
بعد 10 دقايق دخلت رغد شافت ابوها وجرت تضمه
ابو رغد : حيا الله قُرة عيني
رغد : اشتقت لك مرهه
ابو رغد: اشتاقت لك العافية
ابو رغد جلس وجلست جنبه رغد : ايوا كيف السفره
رغد مبتسمه : تجنن اخخ يبه لو تشوف طبيعه و الخضار يجنن
ابو رغد: ان شاء الله انا وانتي وفهد نروح لها مع بعض
رغد: لا انا وانت بس بنت و ابوها
ابو رغد ضحك : وليه ماتبين فهد
رغد تفشلت : اي يعني لا
ابو رغد ضحك : خلاص ابشري انا وانتي
سولفو لين الفجر بعدها كل واحد راح يصلي وينام

—————
( فهد )
نوره : يافهد قوم وجعع
فهد : خلاص يا مزعجه بقوم
نوره نزلت عند امها وفهد راح يوضي عشان يروح يصلي بالمسجد كل واحد صلى نوره راحت عند بنات عمها و فهد راح عند عيال عمه
ناصر : حيا الله عضيدي
فهد : الله يحيك
الفيصل 😔: ايه من لقى احبابه نسى اصحابه
فهد 🤨: وش تهرج
الفيصل بصوت اعلى : اقول من لقى احبابه نسى أصحابه
فهد قرب يسلم على عوض : قلتها اصحابه مو اخوانه وانتم اخواني ما انساكم
ناصر : تعلم ياغشيم وعاد لك وجهه تزعل من فهد
الفيصل ضم فهد : اخسى ازعل من فهد
كملو سهرتهم بضحك و وناسه و مع اخوياهم

وهنا وصلنا ابي ارائكم
وش تتوقعون ورا عوض ؟
ليه فهد يكابر بحبه لرغد ؟
الفيصل وش دخله بسالفه عوض ؟
صلُ على رسول اللهﷺ
لا تنسون الصلاة صلو بوقتها مع سلامه❤️‍🔥