روايتي الثانيه انتِ ترياقِ

Part 14

Part 14
البارت 13 المفروض نازل لكم من ساعه 3 الصباح لكن ما نزل الا قبل شوي
صلُ على رسول اللهﷺ

( لولوه )
لولوه : اي سمعت
ام لولوة: وفرحانه انك سمعتي جالسه عندي عانس وهي تزوجت
لولوه : هي كبيره وشي طبيعي تنخطب و تتزوج
ام لولوة: لا تطلعيني من طوري اليوم نروح للعزيمه وتلبسين لبس ضيق و تطلعين قدام فهد
لولوة بتسليك: طيب
ام لولوه قامت : هاذي بنتي السنعه
طلعت ام لولوة تنهدت لولوه بضيق جلست فتره بعيده عنهم وغيرت بعض من حياتها والحين امها رجعت ومعد رح تتركها ( امها كانت عند اهلها و توها ترجع )
.
.
.
( الفيصل )
صحى متضايق هو اصلا ما نام شاف ساعه للان 4 صلى الوتر  مع عوض لما كانو بالجبل معرف وش يسوي تنهد وقام يتوضى واخذ القران وبدا يقراء لعل يرتاح في اثناء القراءة سمع صوت الشيخ ينادي على صلاة لبس ثوبه وطلع شاف جده صاحي ومتجهه للمسجد هو وعوض اتجهه لهم
الفيصل: سلام عليكم
الجد فهد ابتسم : وعليكم السلام ورحمة الله وبركاته
الفيصل باس راس جده : صبحكم الله بالخير
الجد فهد : صبحك الله بالخير والعافية
عوض : كيفك
الفيصل فهم : نحمده ونشكره
الجد فهد : ليه تسئل فيك شي يالفيصل
عوض ضحك : مافيه الا عافيه بس حبيت اشوف اخباره
الجد فهد وهو يدخل المسجد : بسم الله اللهم افتح لي أبواب رحمتك
رددو وراه عوض و الفيصل و دخلو
بدا الشيخ بالصلاة بعد مده انتهى وجلس فهد و عوض و الفيصل وناصر على جنب كل واحد ماسك قران ويقراء
عوض ختم القران: الحمدلله خلصته ياعيال
الكل التفت له : صادق ماشاءالله عليك اقوى شخص
الفيصل ابتسم : هاذا عضيدي فيه الخير ومنه الخير
الجد فهد كان يراقبهم : كلكم فيكم الخير بس عوض غير
عوض قام وساعد الجد فهد و لحقوه العيال
ابو الفيصل: افا يا ذا العلم تجرون لجدكم وسحبتو علينا
الجد فهد 😏: اكيد لني جدهم
ابو فهد : جحدتنا يابوي واحنا ابائهم
الجد فهد ابتسم: روحو لا يغارون الحين
ضحكو كلهم وكل واحد راح يساعد ابوه وناصر راح يساعد ابو سعد ( الي هو ابو لولوه )
ماشين للبيت والجد فهد و عوض والفيصل و ابوه جنب بعض
الجد فهد : الفيصل ابوك قال تبينا بموضوع عسى خير
الفيصل توهق : خير ان شاءالله
عوض بتدارك للوضع : ترا الموضوع يخصني بس مدري وش دخله يقول
الجد فهد : تبي تتزوج
عوض ضحك : لا وين
الفيصل: ذا وجه مو وجه زواج ياجدي
الجد فهد : كانك انت وجه زواج
ابو الفيصل ضحك : تستاهلون
الجد فهد : وانت شدخلك بيني وبين احفادي
الفيصل كتم ضحكته : يبه سامحني وخليني اضحك
ابو الفيصل ابتسم: اضحك وقفت عليك
الفيصل جلس يضحك وهو و عوض
الجد فهد : ها خلاص قولو وش عندكم
الفيصل: ابد والله عوض اخذ اجازه سنه وقررت اننا نروح للمزرعه
الجد فهد : ماشاءالله بعد قررت
عوض ضحك بخفيف : لا يبه هو قصده اننا نفكر
الجد فهد ابتسم: لا ترقع له عارفكم و حافظكم
الفيصل: طيب ياجدي يا حبيبي وش قلت
الجد فهد : نروح بعد ملكه بنت عمك
الفيصل نسى منها او بالأصح كان يتناسى وجده ذكره سكت ومشى مع ابوه
عوض طالع فيه بضيق ودخل البيت و الفيصل دخل بيتهم مع ابوه
.
.
.
بعد الفطور عوض كلم الفيصل وقال له يجي يقابله قدام بيت الجد فهد وبالفعل قابلو بعض
عوض: همم
الفيصل: وش اسوي غير اني ساكت
عوض : جلست طول الليل افكر ولا لقيت حل
الفيصل: امس بالليل فكرت بشي
عوض : وشهو
الفيصل: فكرت اروح اكلمها
عوض انصدم: تمزح صح
الفيصل بهدوء : بعترف لها واذا كانت تبادلني بروح عند جدي و اقول له
عوض : مشينا انك تكلمها بس عند جدي و تقول له مثلًا والله احبها ياجد و انا عرفت انها تحبني وخلاص ابيها
الفيصل: يعوض تكفى لا تزودها ذا اخر حل
عوض : سوها لكن لا تروح لجدي
الفيصل: اجل كيف نلغي الزواج
عوض بتفكير : اذا كانت تحبك خلها ترفض هزاع وانتهى الموضوع
الفيصل: اقسم بالله كفو جبتها
عوض ضحك : عندي وانا ابو هندي
الفيصل: يلا ورانا شغل جدي عازم القبيله كلها
عوض : عز الله فلحنا
الفيصل فرحان و واثق ان نوره تبادله وكان هاذا القرار نهائي و الوحيد الي يقدرون يوقفون الملكه بأسرع وقت دام باقي ما اعلن عند الجميع
.
.
.
.
.
( نوره ) بالليل وقت العزيمه
نوره: احسني متوتره
رغد : من وش
نوره : اني اقابل اهل هزاع
رغد وهي تاكل : طبيعي
عبير بتفكير : رغد
رغد : هلا
عبير ابتسمت: اشوفك تاكلين كثير ليكون
رغد : ليكون وش
عبير : يختي افهميها
رغد : قصدك سمنت معليه بنحف بسرعه
نوره فهمت ونطت : انتي حامل
فهد كان جاي : من الي حامل
نوره بحماس : زوجتك
فهد انصدم كيف تحمل وهو ما جاها
رغد غصت بـ لقمه
وعبير عطتها مويه : صحه صحه
رغد بتبرير : ماني حامل ولا شي بس عشان الحبوب الي اخذه تفتح شهيتي وصرت اكل كثير
فهد ناظر نوره بعصبيه : لعد تخرفين كلام من عقلك
طلع فهد نوره لفت لعبير : اش فيه هاذا
عبير بحسن نيه : حمسناه بدون فايده اكيد بيعصب
رغد اخذت البطاطس: تبغون شي
نوره: وش تلبسين
رغد : بطلع اشوف مدري
طلعت رغد واستقبلها فهد
فهد بعصبيه : وش الي سمعته
رغد خافت من نبرة صوته : والله مالي دخل
فهد : وش وصلكم للحمل
رغد : كنت اسولف مع نوره واكل فجاة عبير تسئلني اشوفك تاكلين كثير ليكون وسكتت انا ما فهمتها وقلت يمكن قصدها سمنت فجاة اشوف نوره تنط تقول اني حامل وانت دخلت على كلمتها
فهد بهدوء: طلعي ثيابي بدخل اتروش
راحت تغسل يدها وطلعت ثيابه وطلعت فستانها ( فستان رغد وردي على لحمي مكشوف من عند الصدر طوله لتحت الركبه مزخرف بورود بسيطه بلون الفضي من ورا زي الربطه تربط )
طلع فهد ولبس تعطر و رغد توها راجعه من عند نوره سوت لها ميكب و شعرها اخذت فستانها ودخلت غرفة الملابس و بدلت لكن ماقدرت تسكر السحاب و تربط الربطه الي ورا قررت تلبس كعبها وتخلي فهد يربط الحبل الي من ورا بعد ما لبست الكعب طلعت
رغد تمشي و صوت الكعب و ريحة عطرها سابقها : فهد
فهد رفع راسه بهدوء طالع بذهول من الملاك الي قدامه ابتداء من شعرها الحريري الاسود لملامح وجها الفاتنه و عيونها الكحيله و خلخالها الي يرن بمسامعه مع كل خطوه تخطيها
رغد استحت من نظراته لها : اءء ابيك تساعدني
قام فهد وقرب منها بخطوات بطيئه وصل لعندها ومسك خصرها وابعد شعرها الاسود الحرير رغم انها مسويته كيرلي لكن واضح نعومته
رغد بتوتر من قربه : فهد
فهد يسمع صوتها كانه صدا بإذنه وده تناديه دايم
فهد لا شعوريًا: عيون فهد
رغد بدلع جاب راس فهد : ممكن بس تربط حبل فستاني مقدرت اربطه
فهد : ابشري ...
قاطع كلامه نوره الي دخلت بهجوم : رغد تاخرتي
طالعت فيهم نوره بصدمه وصدت على طول : اسفه
رغد ابعدت عن فهد
فهد كان وده يقوم ويدعس نوره قطعت اجمل لاحظات حياته
طلع فهد و نوره بسرعه لفت : يمه المفروض ادق الباب
رغد الخجل كاسيها : حصل خير
نوره بإعجاب لشكل رغد : صاروخ ارض جو
رغد ضحكت: حسستيني اني ساندريلا
نوره ابتسمت: احلى منها ماشاءالله
رغد : اسمعي تعالي اربطي الحبل ما قدرت اربطه
نوره بابتسامة خبث 😉 : خربت عليك انتي و فهودي كان هو يبغى يربطه لك
رغد استحت : على زق وتعالي ساعديني
نوره ضحكت وراحت ساعدت رغد بالفستان والعبايه
طلعت نوره وشافت فهد بضحكه سخريه: سوري اخوي العزيز خربت عليك
فهد خزها وهي خافت وهربت
طلعت رغد وكالعاده ريحة عطرها و صوت كعبها مع الخلخال سابق ظلها : يلا نروح
فهد عض شفته من نبرة صوتها ودلعها وريحه عطرها
وهي تحاول تلف الحجاب : فهد اكلم من
قاطعها فهد لما قرب منها و لف لها الشيله ولبسها نقاب غطاء عيونها
رغد : كيف اشوف الحين
فهد : لين تدخلين بيت جدي شيليه
رغد : طيب شيله الحين لين نطلع
رفع الشيله عن عيونها و نزل لمستوى رجولها ونزع الخلخال من رجولها وارتفع وحطه الخلخال بشنطتها
فهد بغيره : ل اشوفك تلبسينه الا عند الحريم واذا رايحه لقسم رجال او راجعه البيت شيليه لن اذا شفته كسرت رجولك مع يدك
مشى وتركها مصدومه من افعاله الي كل يوم يزيد حبه وكرهه بسببها
تنهدت رغد بينها وبين نفسها ( رغد : اخخ معد عرفت اكرهك او احبك اطلب طلاق ولا اجلس )
مشت وراه و  نزلت شافت رسيل عندهم سلمت عليها
رسيل: عاد نبغى نشوف جمالك
رغد ابتسمت : ان شاءالله اذا رحنا هناك  بتشوفين
نوره ضحكت: تتغلى علينا الغزال
رغد ضحكت بصدمه: من يوم ما خطبها هزاع وهي لسانها ينقط عسل
نوره بدلع : لازم اتدرب
رسيل : وعع عليك الدلع ذا خلع مو دلع
فجر ابتسمت بضيق : يلا ل نتاخر امي بتاكلنا
طلعو كلهم ولما صارو بيطلعون من باب الشارع
نوره : بنات
لف عليها
نوره : نسيت حلقي
رسيل: اطلعي خذيه و الحقينا
هزت راسها نوره وطلعت والبنات راحو
.
.
.
.
( ام الفيصل) قبل نص ساعه
ام الفيصل: رح عند خواتك قول لهم لا يتاخرون يلا
الفيصل: وينهم فيه
ام الفيصل: عند بنت عمك نوره
الفيصل ابتسم وهز راسه بمعنى طيب وطلع
قابل فهد بطريق
فهد : وين رايح
الفيصل: امي تبي خواتي وهم عندكم
فهد : اي تلقاهم بالحوش الكبير
الفيصل: تمام
راح الفيصل وقبل يروح كلم عوض بعدها راح متجهه لبيت عمه جاء يبغى يدخل وقفته نوره وهي تدف الباب
نوره : شوي لا تدخل
الفيصل عرفها على طول : ابشري
نوره: بغيت شي
الفيصل: رسيل وفجر عندك قالت امي
نوره : اي راحو قبلي
الفيصل : ليه ما رحتي معهم
نوره : نسيت حلقي ورجعت اجيبه وهم سبقوني
الفيصل حس انه الوقت المناسب: نوره
نوره : هلا
الفيصل تنهد بهدوء: بعترف لك وان كان اجباتك اي سكري الباب بوجهي وان كان اجابتك لا خلي الباب نفس ماهو
نوره استغربت : طيب
الفيصل اخذ نفس و سم بالله : نوره انا احبك من احنا اصغار و يوم جيت ابغى اخطبك اتفاجئ بهزاع خاطبك اذا كنتي تبادليني الشعور يانوره ارفضيه و أبشري اخطبك اليوم وقدام الكل
نوره انصدمت: الفيصل
الفيصل: عيونه
نوره : ما ودي اكون سبب جرح قلبك ياولد عمي ولا ودي اترك الباب مفتوح واتركك مخذول انا اعتبرك مثل اخوي يا فيصل
الفيصل نزلت دمعه احرقت عيونه : لكن حبيتك يانوره
نوره : ما طلبتك تحبني
الفيصل مسح دموعه بقهر : معك حق لن قلوبنا تختار إلا من يشقيها
نوره : الحب ماهو بيدي وانت اخوي يا الفيصل
الفيصل كل كلمه تقوله له يتردد بإذنه نزلت دمعه اخرى و حرقت خده الخشن :
ودي أسألك عني قتلني الفضول
انت تحبني ولا ما تحبني بالامانة