Part 10
صلُ على رسول اللهﷺ
( فهد )
انتهت الحفلة او العزومه وجلس فهد يدق على رغد ولا من مستجيب قرر يروح عند قسم الحريم وينادي بس وقفه ابو رغد
ابو رغد: يافهد
فهد : لبيه
ابو رغد : وين رايح ياولدي
فهد : كنت ابي ...
قاطعه عبدالله وهو يقول : ياعمي تعال شف حل مع رغد و جوري فقعو كبدي
ضحك ابو رغد ومشى داخل مع عبدالله
فهد ماكان يقدر يدخل فقرر يوقف لين يجي ابو رغد ويخليه ينادي له رغد
.
.
ابو رغد : اشبكم هبلتو ب عبدالله
رغد بضحك : تكفى يبه ما شفت شكله كان يضحك
جوري تبغى تشرح ل ابو رغد لكن ماهي قادره من الضحك : هو ههههههههه كان جاي ههههههههههه
ابو رغد ضحك من ضحكهم : يابنتي مافهمت شي من ضحكك وش تقولين
عبدالله وهو يوريه شعره : شوفت عينك
ابو رغد جلس يضحك على عبدالله
عبدالله : الله يسامحك ياعمي جبتك تعيني جلست تضحك معهم
ابو رغد بضحك : وشبه شعرك كذا من سوا بك
عبدالله: بنتك الله يسعدها جيت عندهم ..
——
نرجع شوي لورا
دخل عبدالله وهو يشوف جوري جالسه تقص شعر رغد
عبدالله: غبيه انتي مسلمه نفسك لها
جوري: خير وش تقصد ترا اعرف اقص
عبدالله: اقول سري مناك انفذي بجلدك يارغد قبل تجيب فيك العيد
رغد وقفت بفكره : عبود قول تم
عبدالله: عز الله لقينا خير وش تبغين
رغد : افا تقول لاختك كذا
عبدالله: من كلمه عبود وتم غاسل يدي منك
رغد بتمثيل: زعلت منك لا تكلمني
جوري صدقت رغد : ياحيوان ليه تزعل رغوده
رغد غمزت لجوري بدون يشوفها عبدالله: شفتي مايحب اخته
عبدالله قرب من رغد وحضنها : ولا تزعلين تمم
رغد بفرحه : بخفف من شعرك
جوري ضحكت : انت الي هل مره انفذ بجلدك
عبدالله: تخسين اختي و واثق فيها
جوري : حذرتك وانت بكيفك
جلس عبدالله على كرسي ورغد اخذت مكينة الحلاقه وبدت تخفف من شعر عبدالله و بلغلط شلت شعر عبدالله كله وصار نصه شعر ونصه محلوق
جوري بضحك : هاذا ربي هاذا شوف شكلك
عبدالله مافهم وش تقول فتح جواله يبغى يشوف بس رغد مسكته وهربت عبدالله لحقها
عبدالله: هاتي اشوف
رغد توترت : مايحتاج شكلك حلو
جوري للان تضحك : عس راسك تكفى
عبدالله لمس راسه : هيه شعري وينه شعريييي
رغد : والله ما اقصد يعني
عبدالله لحق رغد وجلسو يدورون بالغرفة و جوري تضحك
عبدالله: والله ما اتركك
رغد تجري بقوة وتضحك : اسفه اسفه
عبدالله يجري ورا رغد : بقص شعرك تعالي
رغد طاحت وهي تغطي شعرها : مايصلح انا متزوجه الحين فهد يطقطق علي انت عادي
جوري عطت عبدالله المقص بضحك : عليك فيها
عبدالله تنرفز : انن اضحكي اضحكي كلكم حيوانات
جلس عبدالله وهو ياخذ جواله و يشوف شكله
عبدالله بضيق : شوهتو شعري
جوري رفعت يدها : مالي دخل اختك
رغد : كذابه فكرتها حتى انها هي الي قالت
جوري صفقت رغد : يالكذابههه انتي الي غمزتي
رغد : استغفرالله استغفرالله لا تكذبين
جوري: من غمز لي ها ها
رغد: غمزت عشان تمثيلي معي اني زعلانه مو عشان احلق شعره كذا
جوري: وش دخلنييي
رغد : الا ...
عبدالله قاطع كلامهم وصاح : وجعع اسكتو ياكلبات
رغد نزلت راسها : ابشر
ورجعو يضحكون
.
.
نرجع للوقت الحاضر
ابو رغد مسك شعر عبدالله وهو يضحك : وانت غبي تسلم راسك لهم
عبدالله: قلت اختي مارح تسوي شي
رغد : اقسم بالله بلغلط ولا النيه كنت اخفف شعرك
ابو رغد: خلاص أجلس اعدله لك
جلس عبدالله: واثق فيك ياعمي
ابو رغد: ابشر معليك ازهلني
جلس عبدالله و ابو رغد شغل مكينة الحلاقه وبدا يحلق لعبدالله
رغد : يبه وش سويت فيه
ابو رغد يغمز لرغد بمعنى اسكتي
جوري: جيبتك يا عبد المعين تعينى لقيتك يا عبد المعين عايز تتعان
عبدالله فتح جواله: وش سويت ياعمم
ابو رغد ابتسم : مالي دخل مكينتهم خربانه
رغد بدفاع عن ابوها : صح مكينة جوري خربانه
دخل سلطان ( ابو جوري )
سلطان ضحك : علام شعرك ياولد
عبدالله: طالبك ياعم تنقذني
ابو رغد: افا يا ذا العلم ذي جزاتي
عبدالله طالع في ابو رغد : شف شف شعري ياعم
جوري : يبه قلت له لا تسلم نفسك بس الحمار حمار
عبدالله ويشوف شعره : اي والله حمار
سلطان ضحك : الاعتراف بالحق فضيله ، تعال اعدله لك
جلس عبدالله خلاص استسلم للامر الواقع سلطان شغل المكية وبدا يعدل
جوري: تعلمو من ابوي شوفو كيف تكنيك بالحلاقه
ابو رغد: اصلا انا الي معلم ابوك اصلا
سلطان ابتسم: افا تكذب مابي افشلك قدام عيالنا
ابو رغد ضحك : معليك عارفيني
رغد: صح ابوي كان يبي يساعد بس عبدالله حمار
عبدالله: اص انتي اص
سلطان ضحك : وليه ياجوري ما علمتيهم
جوري: يستاهل يرضيك يابوي يضحك علي و يقول معرف اقص
سلطان: افا تضحك على بنتي وانا الي معلمها
عبدالله: اسفين اسفين
خلص سلطان وعبدالله سلم على راس سلطان
عبدالله: ياخي احبك ياعمي شكرا شكرا
سلطان: عفوا عفوا وانا احبك
ابو رغد : جحدنا
رغد : مايستحي
طلع سلطان و جوري و عبدالله وبقى رغد و ابوها
ابو رغد : ترا فهد برا
رغد 😄: اءء شسمه يمكن يبغى يشوف اذا ابغى شي لن جوالي مقفل
ابو رغد : اجل البسي لا تتركينه كذا برا
رغد باستعجال: لا اصلا مابروح معه
ابو رغد استغرب : ليه !
رغد : اقصد كلمته وقلت بنام عند جوري وهو وافق
آبو رغد: ها تمام بقول له جوالك مقفل
.
.
( فهد )
طفش وهو ينتظر جلس كل خمس دقايق يشوف الساعه واخيرا جاء احد
فهد: بسم الله
عبدالله: خايس صح
فهد ضحك : تو شعرك وش زينه وش صار لك
عبدالله وهو يلمس صلعته : زوجتك المصونه و ابوها الله يسعدهم
فهد ضحك : زين علمتني عشان ما اسلم شعري لهم
عبدالله: اصلا عادي بطلع تبي شي
فهد : لا سلامتك
سلطان جاء : علامك واقف هنا يا ولدي حياك
فهد: انتظر عمي
سلطان: تمام
واخيرا جاء ابو رغد
ابو رغد ابتسم : تاخرنا عليك
فهد : حصل خير
ابو رغد : معليه اعذرني انشغلنا ب كشت عبدالله
فهد ابتسم : اي شفته مسكين طار شعره
ابو رغد ضحك : من قاله يجي عندي انا وبنتي و على سيرة رغد قالت لي انك وافقت تنام عند بنت خالتها و ان جوالها طافي اذا شحنته بتكلمك
فهد انصدم وبكذب: ايوا وانا اقول ليه ماترد
ابو رغد: شكل ما في غيرنا نجلس نسهر شرايك
فهد ابتسم: تتحداني يابوي بلوت
ابو رغد: قدام والي يخسر يسوي لنا شاي
فهد: تمتم
راحو ابو رغد وفهد للبيت وفهد متحلف في رغد و بقوه ولا رح يسكت على كذبتها ذي
.
.
رغد طفت جوالها ولا ردت على اتصالات فهد وهي مبسوطه اكيد الحين تفشل مايقدر يكذبها عند ابوها وراحت تسهر مع البنات
أنت تقرأ
روايتي الثانيه انتِ ترياقِ
Genel Kurguلكل بطل حكايه و كل حكايه بتكون غير وش مصير فهد و رغد صلُ على النبي ﷺ وقراءه ممتعه ولا تنسون تدعموني و تقدرون تضيفوني انستا lxsa_81
