روايتي الثانيه انتِ ترياقِ

Part 15

Part 15
صلُ على رسول الله

( الفيصل )
ماقدر ينام و طول وقته بغرفة عوض لين دق عليه ابوه وقله لازم يجي لدفن عوض لبس الفيصل ثوب من اثواب عوض واخذ شماغه وغسل وجهها تلثم وطلع امه كانت واقفه عند الباب
ام الفيصل: كيفك يامي
الفيصل باس راسها : الحمدلله
وطلع بسرعه معد يبغى يتواجه مع احد راح الموقع الي ارسله له فهد و وصل شاف جده بحاله يرثى لها جلس جنب جده بعد ما القى سلام
الجد فهد بضيق ما يعلمه الا ربي : عساك طيب
الفيصل يلعب باظافره : الحمدلله
الجد فهد : يقولون انك قفلت على نفسك !
الفيصل: كنت احتاج وقت لحالي
الجد فهد تنهد : اصبر إن الله معانا
الفيصل تنهد : ونعم بالله بصبر لكن من يصبر قلبي ياجد
الجد فهد : ربك سبحانه وتعالى
الفيصل هز راسه : ونعم بالله
جاء رجال سئل اذا يبغى احد يغسله و قال الجد فهد انه هو يبغى كان الفيصل يبغى بس لما شاف جده رجع مكانه
ناصر جلس جنب الفيصل: اخوياء عوض يدقون على جواله
الفيصل  : وش يبغون
ناصر: مدري و الجوال مع فهد
الفيصل: ما رديتو
ناصر : الا رديت وسئلت من قال خويه وانه يبغاه ضروري بعدها قفل
الفيصل: ان شاءالله بشوفه بعد الدفن
ناصر تنهد : تمام
فهد كان متلثم ويطالع فيهم بضيق
اما عيال الجد فهد جالسين يردون على الناس
ابو الفيصل: الله يشغلهم بنفسهم بدال يعزون يسئلون من الي قتله
ابو فهد : اللهم امين
جاء ابو رغد : سلام عليكم ورحمة الله وبركاته
الكل : وعليكم السلام ورحمة الله وبركاته
ابو رغد : كيف عمي عساه بخير
ابو الفيصل: لا والله ماهو بخير وماغير يكابر
ابو رغد : لا اله الا الله الله يصبره
طالع ابو رغد في الفيصل الي كان يبكي على صامت ورجع ناظر في ابو الفيصل: وين بتحطون العزاء
ابو الفيصل: والله للان مدري طحت بين ابوي و ولدي و امي و فوقها الناس وكلامهم الي ما يرحم
ابو سعد قفل الجوال بعصبيه : الله ياخذه
ابو رغد: استهدي بالله
ابو سعد : اقول للمدير مقدر اداوم لن عندي عزاء قالي تمام ومن مات قلت اخوي قال وكيف مات قلت له واحد ما يخاف الله اطلق عليه ومسكني تحقيق بدال ما يعزي
ابو رغد : الله يهدي خلاص انتم وقفو مع عمي وانا بروح انا و فهد نبدا نحطه بمكان العزاء
ابو فهد : ماتقصر يابو رغد
ابو رغد ربت على كتف ابو فهد : حق و واجب
ابو رغد بصوت عالي : فهد
فهد انتبه : لبيه
ابو فهد : رح مع عمك وساعده
فهد : ابشر
جاء ناصر : عسى ما شر وين رايح
فهد : بروح مع ابو رغد نجهز للعزاء
ناصر : اذا احتجت شي دق علي بكون مع الفيصل
فهد ناظر الفيصل و ارجع نظره لناصر : انتبه له
ناصر ربت على كتف فهد : توكل على الله
راح فهد و ابو رغد و قررو يكون العزاء حق رجال في براحه (براحه بمعنى ارض فاضيه ) قريبه من بيت الجد فهد كلمو رجال و حطو فراش وكراسي
ابو رغد : فهد رح عند رغد معها مسجل خليها تعطيك
فهد : ابشر
راح فهد و كمل ابو رغد يساعد مع العمال و يحطون الخيم و الفراشات والكراسي واتفق مع مطعم يجيب العشاء و الغداء و كلم مجموعه من العمال يتصدقون عن عوض ( إيمان: الصدقه شي مره حلو تصدقو ولكم الآجر بإذن الله)
.
.
.
.
.
( رغد )
له يوم كامل ما شافت فهد وراحت وتركت الكل وجلست بالغرفه لحالها جتها نوره وسئلتها وش فيك وكان ردها بخير بس احس تعبانه شوي من بعد ما طلعت نوره رغد فرشت سجادتها و صارت تقراء قران وتستغفر ، دخل فهد وشافها تقراء
فهد بهدوء : سلام عليكم
رغد قفلت القران بعد ما قالت صدق الله عظيم ولفت على فهد : وعليكم السلام
فهد : من متى وانتي هنا
رغد : من لما الجده طاحت
فهد عقد حواجبه : ليه !
رغد تنهدت : ما قدرت استحمل اشوفهم يبكون يرجعني لموت امي الله يرحمها
فهد : الله يرحمها
فهد شل الثمه الي على وجهه ونسدح على فخذ رغد
رغد صارت تقراء عليه كل ما تيسر من القران الكريم
فهد 😔: تعبت يارغد
رغد : سلامتك ليه
فهد : تعبت امثل اني قوي عوض غالي وعزيز على قلبي اشوفهم يبكون وجدي حالته صعبه ناصر بكاء عندي بعدها رجع سكت اعمامي يبكون بالخفي الفيصل ضايق و دموعه تنزل لا إيرادي الا انا مانزلت دمعه
رغد بهدوء : لعدم تصديق الي صار
فهد : كيف
رغد تلعب بشعر فهد : اذا صار شي فجاة مارح تصدقه ولا رح تبكي لن عقلك الباطني يخليك تفكر ان الي شفته او سمعته ماهو حقيقي
فهد نزلت دمعته : شعور اصعب
رغد كملت : بس بعدها الانسان يستوعب ويجيه حاله فجاة ويجلس يبكي وينسى الي حوله فانت حاول تستوعب ذا الشي عشان عقلك يستوعب اذا كتمت مارح يفيد لذلك طلع الي بخاطرك وابكي لن مارح يتعب الا انت
فهد صارت دموعه تنزل ورا بعض دفن راسه بحظن رغد وصار يبكي بصمت
رغد كانت مستغربه من فهد اول مره تشوفه كذا يبكي صارت تقراء عليه و تحصنه بعد مده تقريبا دق جوال فهد
فهد قام بسرعه و يمسح دموعه : ابوك يقول يبغى المسجل
رغد قامت : ابشر
عطته المسجل : تبغى شي تعال
فهد فهم وش تقصد : طيب ( مقصد رغد يعني اذا متضايق ويبغى يبكي يجي لعندها)
وطلع مسرع لعند ابو رغد
ابو رغد شاف فهد جاي كان رح يعاتبه على تاخير بس شاف عيونه حمرا سكت : يعطيك العافية
فهد : الله يعافيك
ابو رغد : خلصت الحين نروح نلحق على صلاة الميت
هز راسه فهد بمعنى طيب
.
.
.
.
( امس ) بعد حادث عوض بساعتين
دق جوال عوض رد فهد لان الجوال كان معه
فهد : وعليكم السلام ورحمة الله وبركاته
ريان : هاذا مو رقم عوض فلان بن فلان
فهد : الا وانا اخوه
ريان: انت الفيصل
فهد : لا فهد
ريان : ونعم والله
فهد : ونعم بحالك
ريان : ادق على عوض لي فتره
فهد تنهد : عطاك عمره
ريان انصدم : متى
فهد : قبل ساعه
ريان : لا اله الا الله احسن الله عزاكم
فهد : الله يجزاك خير
ريان : انتم في ديره
فهد : ايه
ريان : ولا اطول عليك الصباح واحنا عندكم مع سلامه
فهد : مع سلامه
قفل ريان وبلغ اخوياه و المدير وبسرعه طيران لديره
.
.
( اليوم ) وقت دفن عوض
نقلو جثت عوض للمقبره كلهم دخلو و قالو دعاء دخول المقبره ((السَّلاَمُ عَلَيْكُمْ أَهْلَ الدِّيَارِ، مِنَ الْمُؤْمِنِينَ وَالْمُسْلِمِينَ، وَإِنَّا إِنْ شَاءَ اللَّهُ بِكُمْ لاَحِقُونَ، [وَيَرْحَمُ اللَّهُ الْمُسْتَقدِمِينَ مِنَّا وَالْمُسْتأْخِرِينَ] أَسْاَلُ اللَّهَ لَنَا وَلَكُمُ الْعَافِيَةَ)).
بدو يدفنون جثت عوض الجد فهد كان ماسكينه عياله و  اخوياء العيال و اخوياء عوض و الفيصل و فهد و ناصر و ابو رغد بدو يدفنون عوض وانتهى من دفنه صلو عليه و راحو موقع العزاء بدا الناس يجيون و يعزون مر اول يوم عزاء ولله الحمد تمام
.
.
.
( الفيصل )
كان جالس بغرفه عوض حس انه يبغى اكسجين توضى وشل سجاده وراح للجبل الي كان يجلس فيه هو و عوض راح هناك صلى الوتر وجلس على الجبل ورجع له جميع ذكرياته هو و عوض فوق هاذا الجبل تذكر يوم كان وهو يجون هنا بعد ما الجد كان يخاصمهم كانو يجون يضحكون ويبكون فوق ذا الجبل
تنهد الفيصل بضيق :
حطوك بقبرك وانا عيني تحبك يا شلون
افارق روح مني وفيني