Part 9
صلُ على رسول اللهﷺ
( رغد )
بعد شهرين صباح يوم جديد قامت رغد وهي مالها خلق تقوم لها كم يوم تحس جسمها مكسر ولا تقدر تسوي شي من الكسل و الخمول طلع فهد من الحمام ( يكرم القارئ)
فهد : صح النوم
رغد وهي تتمطط : صح بدنك
فهد : ترا نقلت اوراقك و السنه الجايه رح تبدين
رغد بصدمه : احح سنه ليه !
فهد : لعلها خيره
رغد وهي رايحه الحمام ( يكرم القارئ) : الحمدلله
في هاذي الأثناء دق ابو رغد على فهد
ابو رغد : سلام عليكم ورحمة الله وبركاته
فهد ابتسم : وعليكم السلام ورحمة الله وبركاته
ابو رغد : شخبارك عساك طيب
فهد : الحمدلله بخير وانت طمني عنك يابوي شخبارك
ابو رغد : الحمدلله بخير دامكم بخير
فهد : دوم ان شاءالله ، امرني وش بغيت
ابو رغد : ما يأمر عليك ظالم ابيك تجيب رغد عندي تو زوج خالتها و يكلمني و مسوين عزيمه ويبغون رغد كان زوج خالتها بيكلمك لكن ماعنده رقمك وترا عطيته رقمك
فهد كان يسمع بصمت : مافيه مشكله ابشر بس هي متى العزيمه
ابو رغد : 22 فبراير اذا الله احيانا
فهد : ايه تمام بيكون عندي اجازة عشانه يوم تاسيس
ابو رغد : تمام اذا مانك فاضي بلغني عشان اجي انا اخذها
فهد : لا مايحتاج ماتقصر فاضي وماعندي شي ومنها اجي واسلم عليك عاد ما اشتقت لي
ابو رغد بكذب : انت لا ما اشتقتلك اشتقت لبنتي
فهد : افا وين انا رحت
ابو رغد ضحك : انت الغالي وماغير امزح معك و انتبه لرغد
فهد ابتسم : خلاص تطمنت بعيوني لا تشيل هم
ابو رغد : توصي شي
فهد : لا سلامتك
ابو رغد : فمان لله
فهد : مع سلامه
طلعت رغد من الحمام ( يكرم القارئ ) ولا اعطيت مكالمته اهميه كانت تسمعه يضحك و يقول اجازة فكرته يكلم واحد من اخوياه
فهد طالع فيها بصمت ودق جواله برقم غريب رد
فهد : سلام عليكم
سلطان : وعليكم السلام ورحمة الله وبركاته معي فهد خالد
فهد : وصلت خير
سلطان : انا سلطان زوج خالة رغد
فهد : ايه عرفتك امرني
سلطان : ما يأمر عليك عدو اتوقع كلمك ابو رغد
فهد : ايه توني مقفل منه
سلطان : اجل وش شورك تراك معزوم ولا تقول ماني بجاي
( ابو رغد ما عزم فهد لنه ماهو صاحب العزيمه عشان كذا سلطان عزم فهد احترام وتقدير لفهد )
فهد تنهد : ان شاءالله و بيض الله وجهك وكثر الله خيرك
سلطان : هاذي ساعة المباركه يلا و لا اطول عليك سلم لي على رغد مع سلامه
فهد : يوصل مع سلامه
رغد وهي تحط كريم : اشوف كثرت المكالمات
فهد 🤨: وش حارق رزك
رغد بهدوء : ولا شي
فهد : ابوك دق علي ثم دق علي سلطان زوج خالتك يعزمونا في 22 فبراير
رغد : اي كلمتني بنت خالتي
فهد وهو طالع : زين تجهزي وجهزي اغراضي بنحرك بعد بكره
رغد ردت بطيب وهي مقهوره من اسلوبه البارد معد صارت تعرف له مره طيب مره بارد مره عصبي ماغير تسلك وتمشي وتفكر تكلمه ثم تكلم ابوها لن الموضوع زاد حده لهم شهرين على هاذا الحال وهي صبوره بس حست الموضوع ما ينسكت عنه ( الموضوع ان فهد كل يوم له اسلوب وللان ما صار بينهم شي )
أنت تقرأ
روايتي الثانيه انتِ ترياقِ
General Fictionلكل بطل حكايه و كل حكايه بتكون غير وش مصير فهد و رغد صلُ على النبي ﷺ وقراءه ممتعه ولا تنسون تدعموني و تقدرون تضيفوني انستا lxsa_81
