Part 13
قبل تقرون صلو الوتر و اقرو وادعو لي معكم🫶🏻
صلُ على رسول الله ﷺ
( عوض) جده
طلع من شركه بعد ماخذ اجازة لمدة سنه يبغى يرتاح و اليوم كلمه الفيصل عنده خبر مره حلو ركب سيارته وحرك لفندق الي فيه الفيصل عشان يمره و يتجهون للمطار ... وصل لمكان الفندق واتصل على الفيصل
عوض : يلا انا تحت
الفيصل: جايك يلا
نزل الفيصل وركب
الفيصل: سلام عليكم
عوض : وعليكم السلام ورحمة الله وبركاته
الفيصل: مستعد
عوض ابتسم: مدري وين ربي حاطني بس دامك فرحان ومستعد انا زيك
الفيصل ابتسامه شاقه وجهه : وش فرحان الا طاير فرحه
عوض شغل سياره: احسني عرفت الموضوع
الفيصل: تعرفني ما اخبي عليك واكيد عرفت بس سوي نفسك غبي وتفاجئ
عوض ضحك : ابشر
حركو للمطار و ركبو وبعد مده ما تقارب ثلاث ساعات تقريبا نزلو من الطياره الفيصل مو شايلته الارض من كثر الوناسه ( إيمان : اكتبو تخمينكم وش فيه الفيصل فرحان ؟)
عوض ضحك على حماس الفيصل: اركد خلك ثقيل
الفيصل: ياخي بطير من الفرحه و انت تقول خلك ثقيل
ركبو سيارة الفيصل الي في مواقف المطار
عوض: لا نروح كذا وقف عند الغسال خذلك شي مرتب ليقول ذا جاينا كذا
الفيصل: كل شي موجود حاطه بسياره
عوض لف وجهه للمرتبه الخلفيه وضحك : مو من جدك حتى البخور جايبه
الفيصل : افا عليك مزبط كل شي آول بأول
عوض : اقول حرك خن نلحق نصلي معهم العشاء
حرك الفيصل وطبعا وقفو عند اكثر من محطه و اخر محطه كانت لصلاة المغرب صلو و حركو معد باقي على الوصول الا بضع دقائق
عوض: احس اني فرحان اكثر منك
الفيصل ضحك بتوتر : يارب سهلها يارب
عوض ضحك من توتره
( إيمان: احس توترت معاهم انتم زيي ؟ )
دق ابو الفيصل
الفيصل: سم يبه
ابو الفيصل: وينك تاخرتو جدك يسئل
الفيصل: دقايق و نوصل وابيك بموضوع مهم انت وجدي
آبو الفيصل: تمام تعال ببيت عمك ابو فهد احنا فيه
الفيصل ابتسم بفرحه : عسى ما شر فيه شي
ابو الفيصل: خير خير لكن جاين عمك ضيوف و طلب مننا نجي نوقف معاه
الفيصل: تمام انا عند لفت البيت توصي شي
أبو الفيصل: سلامتك انتبه من الطريق
وقفل ابو الفيصل
عوض : وشبلاك تتبوسم
الفيصل : ابوي وجدي متجمعين عند ابو فهد
عوض ضحك : شفت كيف ربي مسخرها
بعد مده وقفو عند البيت ونزلو بدلو تعطرو ومتجهين لبيت ابو فهد شافو هزاع و ابوه و عمامه
عوض: وش عنده ذا هنا
الفيصل: الله اعلم
عوض: احس جيته مافيه خير
الفيصل: يسوي الي يبي اهم شي اخذها
عوض ابتسم: يلا سم بالله ومشينا
الفيصل سم بالله ومشى هو و عوض ودخلو للمجلس سلمو و جلسو عوض شاف هزاع يطالع بنظرات سخريه ويبتسم
عوض بتوتر من إبتسامة هزاع : ياولد ذا مو مريحني جيته
الفيصل بتوتر ماهو مع عوض : معليك منه اكيد..
قاطع كلام الفيصل ابو هزاع وهو يقول
ابو هزاع : انت عارف جيتنا لليوم عن ايش يافهد
الجد فهد : هالله هالله
هزاع بصوت عالي : كلمناكم من قبل وقلنا خذو شور البنت
الفيصل انقبض قلبه فكر ان هزاع خطب اخته وهو اخر من يعلم بس وش جابه لبيت ابو فهد
اكمل ابو هزاع: جاين اليوم ناخذ موافقه بنتكم على ولدنا هزاع
الفيصل تغمضت عيونه كان بيوقف بس مسكه عوض
عوض بصوت خفيف لفيصل: ولد اهجد خن نشوف وش يبي
الفيصل هجد وهو قلبه ماهو مرتاح ابد راح يومين رجع والدنيا فيها زواج
الجد فهد : هاذي والله ساعه المباركه و الشور ورائي عند ابو فهد وبنته
الفيصل تظلمت الدنيا فيه كيف الرد عند ابو فهد كيف فهد باقي عنده غير نوره كيف
رد هزاع بابتسامة نصر وهو يناظر الفيصل : اي شي تطلبه نوره تامر امر ولا لا يبه
الفيصل خلاص دوخ كيف نوره كيف نوره الي جاي اليوم يخطبها يطلع هزاع الي اعز اخوياه بعد عوض يخطبها ولا بعد جاين ياخذون الموافقه اليوم مسك بيد عوض وهو يرجف بشكل كبير
عوض خاف على الفيصل وكان حاس جيت هزاع مافيها خير
رد ابو فهد : ما تقصر يا هزاع و ابو هزاع خيركم سابق
ابو هزاع : جينا نخطب بنتكم نوره ل ولدنا هزاع على سنه الله و رسوله
فهد بصوته الجهوري : خذينا رائي البنت وهاذا انا اقول لك ياهزاع لو زعلت اختي ما يصير لك خير
الفيصل كان بيقوم و بيحرق المجلس والي فيه من الغيره والقهر الي يحبها تنخطب من خويه و لا بعد معطين موافقه و لا حتى اخذو شوره
عوض همس للفيصل : لا تسوي شي شف جدي يطالعنا امش برا
الفيصل قام بخطوات سريعه وهزاع ما شال عيونه عن الفيصل و طول الوقت مبتسم بانتصار كانه فاز على الفيصل
عوض لحق الفيصل الي يمشي بسرعه
عوض ورا الفيصل : ولد استنى
الفيصل يسرع بخطواته :...
عوض جرا وراه ومسك يده ولفه انصدم من وجهه الفيصل الي قلب احمر و عيونه تنزل دموع بغزاره
عوض بخوف: الفيصل لا تختنق ولد
الفيصل فك الازرار الي عند رقبته بخنقه
عوض بخوف شديد من صمت الفيصل : ولد تكفى رد علي
الفيصل صاح باعلى صوت : ليههههههههههههه
الفيصل اكمل و العبره خانقته بقوه عيونه حمراء و دموعه اربع اربع تظلمت الدنيا بعيونه : ليه ليه وش سويت وش سويت له كنت اظنه صديق كنت اقول ذا اخوي يغدر فيني وياخذ الي احبها ليهه
طاح على الارض الفيصل معد قدر يتحمل
عوض نزل لمستوى الفيصل وضمه وهو يبكي معاه : تكفى طلبتك ياولد عبدالرحمن استهدي بالله
الفيصل بحظن عوض يبكي : كيف كيف اهدي وراحت من يدي كيف
الفيصل انهار يضرب ويصفق في نفسه ويكرر كلمه وحده بس " راحت مني "
عوض ما اعجبه وضع الفيصل و حاول يقومه وخلاه يوقف وعطاه كف قوي
عوض بصياح : اصحى ياكلب اصحى مارح تروح منك وانا حي اصحى والله ما تروح منك وانا حي اصحى
الفيصل 😔: طلبتك ياخوي انك تساعدني
عوض رفع راس الفيصل : طالع فيني طالععع
رفع راسه الفيصل بخذلان شديد
عوض بهدوء: الان تدخل وتكسر عينه و سوي نفسك فرحان
الفيصل : كيف كيف وهو اخذها
اكمل عوض: انت الحين تخليه ينبسط بس مارح ينبسط فاهم تدخل و تبتسم وتبارك له ولك مني وعد انه مارح ياخذها لا تخليه يتشمت علينا ياولد عبدالرحمن
الفيصل ضم عوض بقوهه : وعدتني وعد رجال يعوض لا تخذلني
عوض بادله الحظن : وانا اخو الفيصل ان ما اخذلك بإذن الله ان نوره لك
دخل الفيصل بعد ربع ساعه بعد ما ارتاح و غسل وجهه دخل شاف جده يقول
الجد فهد : يلا معد باقي على صلاة العشاء شي قومو صلاة وبعد صلاة نتفق
الكل قام و الفيصل وقف عند الباب ينتظرهم يطلعون عشان يبغى يسئل فهد
مر من عنده هزاع بضحكة سخريه
الفيصل بقهر الارض : ضحك بلا ضروس يارب
وقف ابو الفيصل بضحكه : افا وانا ابوك تعرف اعز اخوياك بيخطب مننا و مسوي نفسك غبي
الفيصل سكت بضيق
رد عوض بداله بضحكه تسليك : لو نقول لك ياعم اننا ما ندري بس قالنا تكشخو وتعالو
ابو الفيصل ضحك : كلنا ما درينا الا الحين
ومشى فهد كان بيمشي بس وقفه صوت الفيصل المخنوق
الفيصل: ليه يافهد
فهد لف بصدمه من صوته : على وش ليه
الفيصل بغصه : ليه ماقلت لنا ان هزاع جاي
فهد ابتسم بصدمه : مو توك تقول لابوك انك تعرف انه بيجي
الفيصل بصعبيه : لا تستهبل على راسي اقول ليه ما علمتنا بخطبه هزاع لنوره
ناصر ضحك : شكله مصدع ذا اشبلاك
عوض بتدارك للموضوع: ياخي اكيد بيزعل اعز اخوياه بيخطب ولا عنده علم ولا بعد بيخطب بنت عمه اكيد زعلان انه اخر واحد يدري
فهد ضحك : ياخي ذا حساس خلاص ابشر اذا حددو زواج انت اول واحد اعلمك
الفيصل كأن جته سكينه بقلبه زواج كيف زواج
عوض بتسليك : صلاة صلاة الحين جدي بيخاصم
مشى فهد و ناصر
عوض: تبغى تفضحنا
الفيصل بهدوء : خن نروح نصلي
.
.
راحو صلو جميعا ورجعو اجتمعو وبدو يتفقون على موعد الملكه وزواج وبعد ما انتهو اعلن الجد فهد
الجد فهد: الله يوفقكم ويسر لكم امركم ياهزاع
الكل صار يبارك لهزاع جاء دور عوض و الفيصل تقدم عوض اول واحد وبارك لهزاع بعدها الفيصل تقدم يبارك وكإن البنت الي اخذها هزاع ما تهمه ولا تعني له شي بالمره : مبروك منك المال ومنها العيال
ابتسم هزاع ابتسامة انتصار بصوت عالي : الله يبارك فيك ي اخوي وصديقي
هزاع حظن الفيصل وهمس بإذنه بضحكه : الي يشوفك يقول مو جالس تبارك لشخص الي اخذ البنت الي تحبها وتتمنى تكون ام عيالك
ابتسم الفيصل وهو يشد على هزاع ماوده الباقين يلاحظون كلامهم : عليك بالعافيه ماهي اخر بنت بنات حواء وش كثرهم ، واحلى منها بعد
الفيصل شدد على اخر كلمه وابعد عن هزاع وابتسم ابتسامة تنرفز هزاع بصوته الجهوري : هالله هالله في بنت عمي ياهزاع ما عطيناك تزعلها
ابتعد الفيصل وجلس جنب عوض
هزاع مات من الغيره كيف يقول احلى منها شافه كيف شافها
عوض حب يلطف الجو : ولد وش قلت له شف وجهه انقلب
الفيصل طالع في هزاع وابتسم : قلت ان بنات حواء احلى منها
عوض طالع في الفيصل بصدمه ضحك : عز الله تكنسل الزواج
الفيصل: هاذا المطلوب
عوض : اقسم بالله مانك هين ياولد عبدالرحمن
مشى اليوم وتعشو واخيرا ذلف هزاع واهله ( العزومه او الخطبه كانت رجاليه فقط )
الفيصل اخذ عوض وراحو عند الجبل يغيرون جو
.
.
.
( نوره )
نوره : يمه ما اتخيل نفسي متزوجه
رغد ضحكت : قلتها وصارت
نوره طالعت في امها : مايصلح اكنسل
عبير بصدمه : تمزحين خلاص الحين يجي ابوي ويقول لنا وش اتفقو
دخل فهد و ابوه وسلمو
ام فهد: وعليكم السلام ورحمة الله وبركاته بشر يابو فهد
ابو فهد ابتسم وطالع نوره : والله كبرو عيالنا يا اثير ( اثير الي هي ام فهد اذا ناسين )
ام فهد : اي والله صادق معد باقي لنا غير بنتنا رغد و فهد
نوره: ليه انا وين رحت
فهد : انا قلت لكم مايصلح نزوج نوره بزر
عبير ضحكة : وانا قلت لكن ما يسمعون
أثير الصغيره جرت لحظن جدها : جدي خاله نوره تتزوج
ابو فهد شلها : اي رح تذلف من عندنا
نوره : افا بعتني بسرعه
فهد ضحك : احسن من قالك تتزوجين
نوره بزعل: خلاص اذا كذا من بدايتها مارح اتزوج
ابو فهد مد يده لنوره بمعنى تعالي راحت له نوره و حضنها بيد و يده ثانيه حاضن اثير الصغيره
ابو فهد بهدوء: الحين كبرتي يانوره و تتزوجين وغلاتك مارح تتغير وبيت ابوك مفتوح ولا تهتمين لكلام اخوانك بس يبغون يضحكونك عشان لا توترين والنصيب جاك و هزاع ونعم الرجال وعطيناه كلمه وحددنا الملكه بعد اسبوع
نوره بصدمه: كيف بعد اسبوع !
ام فهد : ملكه يابنتي ملكه وانتي تعرفين عادتنا وتقاليدنا الملكه تكون عائليه
نوره باعتراض : مابي خلوها بعد شهر
ابو فهد : ولا يضيق خاطرك لو تبغينها بعد سنه لكن يابنتي صادقه امك ماغير عائليه و زواج اصلا بعد شهر فكري ولا تستعجلين
نوره بضيق : طيب بشرط زواج بعد شهرين
فهد : ولا يهمك بعد شهرين بعد شهرين وبنسبه للمكلة لا تشيلين هم بس انتي دوري لك فستان و اغراضك والباقي علي
رغد ابتسمت : معليك بساعدك انا
ابو فهد : كيف يدك يابنتي
رغد: الحمدلله احسن من قبل
ابو فهد: الحمدلله
أستأذن ابو فهد وام فهد وطلعو غرفتهم بقى اثير الصغيره و نوره و عبير ورغد وفهد
اثير: خالو الحين معد بنشوف نوره
نوره بغيض : لا موتي قهر بجي كل يوم عند جد وجده
فهد : كذابه معليك منها بتروح بيت زوجها خلاص
عبير: اي ورح تاخذين غرفتها
نوره : هاذا الي ناقص تاخذها ترا تزوجت مو مت
اثير جرت لغرفة نوره : باخذها
نوره راحت وراها : والله ما تاخذينها
فهد : بزران اقسم بالله
رغد : تعشيت
فهد هز راسه بمعنى اي
عبير استحت : بروح اشوف نوره قبل تاكل بنتي
راحت عبير ورا نوره واثير
فهد : كيف يدك
رغد : احسن
فهد تنهد : امشي للغرفه
طلعو غرفتهم
بدل فهد وانسدح
رغد كانت تحاول تفتح المويه ماقدرت راحت عند فهد ومدت له الدبه بوجهه بريئ : ممكن تفتحها
فهد اخذ الدبه وفتحها : خذي
رغد شربت المويه
فهد 😒: على الاقل قولي شكرا
رغد : شكرا
فهد : عفوا
طفت النور رغد ونامت جنب فهد
.
.
.
( الفيصل)
عوض : بإذن الله هي لك
الفيصل بضيق يحاول يوصل شعوره : يعوض افهمني سلمت وباركت للي اخذ حبيبتي و فوق كذا الي اخذها هزاع تخيل معي انه هزاع
عوض: معرف وش شعورك بضبط لكن انا وعدتك ان تكون لك وعدت وعد رجال وعد اخو لاخره ولا ما تثق باخوك
الفيصل ابتسم بضيق: كيف ما اثق فيك وانت اخوي و عضيدي بعد الله انت يدي اليمنى يعوض
عوض بجديه : الفيصل
لف عليه الفيصل : لبيه
عوض تنهد : بطلبك طلب
الفيصل استغرب : ابشر به
عوض : انا وعدتك وبإذن الله قادر احقق الوعد لكن لو ربي ما كتب نصيب وما نفذت وعدي تكفى طلبتك لا تزعل مني و حاول تنساها
الفيصل: مارح ازعل منك لنه مو بيدك بس اني انساها صعب صعب
عوض : طلبتك طلبه ان راحت و النصيب خذاها انساها
الفيصل:
ما بنساه وهو يطري كل لحظه
يانصيب الغير ليتك من نصيبي
أنت تقرأ
روايتي الثانيه انتِ ترياقِ
General Fictionلكل بطل حكايه و كل حكايه بتكون غير وش مصير فهد و رغد صلُ على النبي ﷺ وقراءه ممتعه ولا تنسون تدعموني و تقدرون تضيفوني انستا lxsa_81
