روايتي الثانيه انتِ ترياقِ

Part 12

Part 12
اليوم جمعه لا تنسون الصلاة على نبينا محمد صلى الله عليه وسلم ﷺ

( عوض ) تحديدًا في جده
دخل الشركه الي يشتغل سلم على اخوياه وفتح اللاب حقه وبدا يشتغل مر الوقت بدون يحس مسح على وجهه بتعب له من ساعه 9 وهو يشتغل استغفر ربه وقام يصلي ظهر راح المصلى وصلى ( إيمان : لا تنسون الصلاة لنه اول عمل رح نسئل عنه ) بعد ماخلص حس نفسه منسده عن الاكل اخذ مويه وقرر يكمل شغل بعد البريك رجع كل واحد على شغله
مهند : سلام عليكم
رفع راسه عوض: وعليكم السلام ورحمة الله وبركاته
مهند ناظر فيه : ولد ما قمت تاكل
عوض هز راسه بمعنى لا
ريان : لعد ترهق نفسك شف كيف وجهك شاحب
عوض رجع ظهره لورا وتنهد : مدري مالي نفس واحسني ضايق
مهند : غريبه رغم انك ما تترك فرض و سنه الا تصليها
طالعه عوض بضحكه: يعني الي مايصلي مايضيق
مهند ابتسم: شفت ضحكتك بعدين ماقصدي كذا يعني تضيق بس ضيقتك لها اسبوع
عوض : فاهمك تروح بس ترجع هو شي طبيعي لكن مالي بها ذي الضيقه
ريان : صل على النبي واستهدي بالله خلص شغلك وخذلك اجازه لاهلك اكيد مشتاق لفيصل
كلهم: عليه صلاة وسلام ( إيمان : اذا سمعتو او شفتو اسم النبي صلو عليه ﷺ)
عوض ابتسم : شورك و هدايه الله باقي لي كم شغله و اخلص
مهند بعباطه : ذكرنا اسم الحبيب وابتسم
عوض ضحك : طبيعي عاد الفيصل مافيه مثله
ريان: ياخي ماشاءالله صداقتكم يطرح فيها المثل
عوض: الفيصل مو صديق الا اخو ماشفت منه الا كل خير هو العوض من الله سبحانه عوضني ربي بعد فقدي لهلي رحمهم الله وجده الي اعتبره ابوي كانو لي سند و قدوة ومستحيل انسى فضلهم علي لولا الله ثم هم ما كان وصلت لهنا
كلهم : الله يرحمهم
مهند ابتسم: ياخي احبك قلبك طيب
ريان : اذا اهله حبوه كيف احنا ما نحبه
سيف : يا رجال ذا ماشاءالله ربي حاط فيه قبول حتى المدير يحبه
عوض ضحك : والله حتى انتم احبكم
ريان : كمل شغلك يلا عشان تشوف الحب فيصل
عوض 🤨: اسمه الفيصل وبعدين هو اخوي اما الحب لاحقين عليه
كلهم : هههههههههههههههههههههه
.
.
.
( الجازي ) ( إيمان: رح اكتب لكم جنب ولد الجازي عوض الصغير عشان تفرقون بينه وبين عوض حقنا )
الجازي: ياعوض حبيبي خلاص اجلس
عوض الصغير : بس ماما طفشان
الجازي: وش اسوي لك طيب تبغى نطلع الحديقة
عوض الصغير نط بفرحة : ايواا
الجازي: تعال نبدل
راحت الجازي بدلت لعوض و لبست عبايتها نزلو وركبو سياره وحركت ل اقرب حديقه ( الحديقه قدام شركة عوض )
في هاذا الاثناء الفيصل كان جاي لعند عوض يسوي له مفجاة دق عليه وقله انزل انا تحت ونزل عوض بعد ما استأذن
نزلت الجازي و عوض الصغير جرا لعند اللعاب
الجازي بصوت عالي : ياعوض انتبه لا تطيح
الفيصل لف على صوتها طالع فيها ورجع على صوت عوض
عوض: الله حيه
الفيصل تقدم وهو يضمه : الله يحيك
عوض: تو ما نور جده
الفيصل: بوجود اهلها
عوض : اشبك تطالع من قبل شوي بالمره
الفيصل: انصدمت تقول ياعوض انتبه لا تطيح قلت وش جاب  عوض عندها
عوض ضحك : ذول دايم اشوفهم وطلع الولد سمي
الفيصل ابتسم: بيجيك ان شاءالله عوض الفيصل و يقولك ياعم وانت تقول لبيه
عوض خزه : هاذا الي ناقص اقول لورعك لبيه
الفيصل ابتسم: احمد ربك اسمي ولدي على اسمك
عوض 😏 : غصبًا عنك اصلا
الفيصل ضحك : سر مناك بس امش عازمك على الاكل
عوض : كانك حاس فيني والله جوعان
الفيصل: ليه ما تغديت
عوض وهو يمشي للسياره : كانت نفسيتي منسده بس شفتك جعت
الفيصل 😏 لحقه : الله يسعدني اجي واجيب سعاده معي
عوض طالع فيه : ودي اكذب بس صدقت
الفيصل: غصبًا عنك تقول صدق وترا مارح اسوق
عوض : ياخي ظهري متكسر سوق انتي
الفيصل وهو يجري عشان يركب مكان الراكب بصوت عالي: وانا جاي من السفر
عوض ضحك : بزر مو واحد عمره 28
الجازي الي جلست على كراسي ولاحظت عوض و الفيصل وشافتهم طالعو فيها بعدها رجعو يسولفون معها دعت من قلبها ان ربي ما يفرقهم ماتدري ليه دعت بس دعت لهم ( طلعت دعوه بسبب لما شافتهم  يضحكون و يسولفون حست انهم يعزون بعض )
ابتسمت لما شافت الفيصل يجري ورجعت انظارها لولدها وهو تشوفه يلعب
تنهدت الجازي: الله يرزقك اب حنون و يعوضك بابوك الله يرحمه ويخليني قد مسؤليتك ولا ازعلك بشي
جاء عوض الصغير بجري : ابغى مويا
الجازي ابتسمت : من عيوني
طلعت من شنطتها المويه و عطته
عوض الصغير حاول يفتحها ناظر امه ببراءة: ماترضى تفتح
الجازي ضحكت : الحين افتحها لك
فتحتها : قول بسم الله
عوض صغير : بسم الله
شرب مويه بعدها كمل لعب مع ولد صغير اسمه مسفر صديقه في الحديقه
.
.
.
.
( رغد ) تحديدًا الديره
رغد لبست عبايتها وطلعت لفهد وهي مستغربه افعاله من بعد ما ضمها تقلب ورجع يعصب
رغد: سلام عليكم
فهد شغل سياره : وعليكم السلام
رغد : مر البقالة بجيب منظفات
فهد بهدوء: طيب
وقف عند البقالة جت تبغى تنزل رغد مسك فهد يدها
فهد : على وين
رغد : البقالة
فهد : سمحت لك تنزلين
رجعت رغد وسكرت الباب بدون اي كلمه مرت خمس دقايق
فهد : ليه ما تنزلين
رغد طالعت فيه بصدمه : من جدك
فهد ببرود : وش قلت
رغد : فيك شي مو طبيعي تخاصم ليه انزل بعدها تسئل ليه ما انزل
فهد : تنزلين ولا احرك
رغد سكتت ونزلت اخذت الاغراض ورجعت
فهد : لما اكلمك تردين مو تنزلين ولا تتكلمين
رغد بصبر : طيب
وقف فهد عند بيت ابو رغد الجديد
فهد: بجيك ساعه 7
رغد : ان شاءالله
نزلت وسكرت باب السياره بقوه
فهد : جعل يدك الكسر ان شاءالله
رغد سمعت دعوته وناظرته من فوق لتحت ودخلت وسكرت باب الشارع بوجهه و بقوه
فهد : ماباقي غير تعطيني كف
فهد حرك لشغله و رغد دخلت تنظف
رغد بتعب خلصت نص البيت تقريبًا
وهي تمسك ظهرها : اخخ تكسر ظهري باقي بس ارفع الاغراض وانتهينا
شافت ساعه صارت ساعه 7 راحت جابت السلم وحطته قدام الدرج وطلعت عليه فتحت الدرج الي فوق وبدت تدخل ( دولاب نسميه درج )
فهد وصل بالوقت بضبط صارت ساعه 7:15 وهي للان ما طلعت دق على جوالها ولا فيه استجابه قرر يدخل دق الباب محد يرد تذكر المفتاح الي اعطاه ابو رغد فتح الباب ودخل صار ينادي باسم رغد
فهد بصوت عالي: رغد رغد.
رغد وهي تتألم: هناااا بسرعه تعا..
فهد سمع صوتها وطلع جري : وينك
رغد ببكي : هناا
فهد راح لمصدر الصوت فتح الباب شاف رغد طايحه والسلم طايح جنبها وماسكه يدها وتبكي جرا لها رفعها بحظنه
فهد : وش فيك
رغد طاحت بحظن فهد ببكي : يدي ااءاءا يدي توجعني
فهد : سمي بالله وعلمني وش صار
رغد صارت تشاهق : كنت .. ارفع الاغراض .. وطلعت . على السلم وطحت
فهد : غبيه تطلعين لحالك
رغد طالعت فيه و عيونها دموع : يدي توجعني
فهد ابعدها عن حظنه : وين عبايتك
رغد : بصالة
راح جري جاب عبايتها ورجع لبسها وشالها نزل سريع ركبها سياره وسكر الباب وراح يركب وحرك سريع لاقرب مستشفى ... وصل للمستشفى اخيرا نزل بسرعه جاب كرسي و نزل رغد وجلسها على الكرسي ودخلها للطوارئ استقبلوهم الممرضين وقال لهم فهد انها طاحت من على السلم دلوه على سرير راح فهد وساعدها تنسدح على سرير
رغد تبكي : يدي توجعني
فهد ابتسم: تستاهلين من قالك تسكرين الباب بقوه دعوتي استجابة
رغد طالعت فيه وكانها تقول ابدا مو وقتك: اكرهك
فهد كان بيرد بس قاطعه دخول الدكتورة فحصت رغد وطلع عندها رضه بسيطه برجلها و يدها مكسوره
الدكتورة : وش تقرب للمريضه ؟
فهد : زوجها
دكتوره: طيب انتبه لرغد زين ولا تخليها تشيل ثقيل على يدها و ترتاح لمده ثلاث اسابيع وتراجعنا كل اربع ايام لتاكيد على سلامه يدها
رغد : ورجلي
دكتوره : عندك رضه خفيفه مارح تأثر كلها كم يوم وترجع ان شاءالله احسن
فهد : تمام يعطيك العافية يادكتوره
دكتوره طالعت فيه فهد ابتسمت : من واجبنا يا
فهد ابتسم: فهد اسمي فهد
دكتوره: تقدر يافهد تاخذ العلاج و تطلع برغد
طلعت دكتوره وفهد ناظر رغد
رغد بغيره : لا بعد اسئلها متزوجه ولا لا
فهد ابتسم: شدخلك بس تراها اعجبتني
راح فهد وترك رغد تموت غيره .. رجع وساعدها وركبو سياره
رغد للان ميته غيره : ترا اذا تزوجتها تطلقني
فهد طالع فيها بصدمه: للحين متاثرة
رغد بضيق من يدها ومن الغيرة: ترا اتكلم جد اذا تزوجتها تطلقني
فهد ابتسم وطالع قدام : معليك اول الناس بيعرف انتي
رغد : حيوان مو شي جدي عليك
فهد ضحك : لسانك لازم له قص
رغد لفت وجهها لعند الدريشه : مر بيت بابا جوالي هناك
فهد طالع فيها بصدمه و بصوت خافت : ذي من جدها زعلت محد يمزح معها
رغد : ترا اسمع
فهد : اكيد تسمعين من كبر اذنك
طالعت فيه بصدمه رغد : كذاب اذني صغيره
فهد : خلاص انا اذني كبيره مو انتي
رغد : غصب ورجعت صدت عن فهد
وصل فهد لبيت ابو رغد وكان على وقت وصول ابو رغد نزل فهد سلم على ابو رغد وقاله انه رغد طاحت
ابو رغد انصدم : تقولها صادق
فهد : اي والله بس الحين احسن
ابو رغد راح لعند رغد بخطوات سريعه فتح الباب
ورغد امتلت عيونها دموع : بابا
ابو رغد ضم رغد بخوف : بسم الله عليك
رغد صارت تبكي : بابا يدي تعورني
ابو رغد ابعد عنها : وش صار لك
رغد صارت تشاهق من وجع يدها بس وجع قلبها اقوى
ابو رغد كشف نقاب رغد ومسح دموعها : بسم الله عليك استهدي بالله بسيطه
فهد كان يطالع فيهم بصمت
رغد : يدي توجعني بقوه
ابو رغد حط يده على راس رغد ورجع راسها للمرتبه
وبدا يقرأ عليها
بعد ما خلص : ها كذا احسن
رغد و عيونها دموع🥹 : قلبي يوجعني
ابو رغد : بسم الله على قلبك ياقلب ابوك تنزلين عندي
رغد مسحت دموعها بيدها السليمه : لا انتَ عندك دوام مانك فاضي برجع مع فهد وهناك اخته وامه مارح يقصرون
ابو رغد باس راس رغد : الي يريحك ياقلبي واذا تبغين بيت ابوك مفتوح لك بأي وقت
مرت سياره فيها شلة عيال و شافو رغد بدون نقاب وفهد مات غيره ( إيمان: كما تدين تدان من قالك تخلي بنتي تبكي يأخخ فهد احسن موت غيره )
ابو رغد : ارجعي ارتاحي ودقي علي
رغد : طيب
سكر ابو رغد الباب وراح عند فهد
ابو رغد بخوف على رغد : انتبه لها يافهد واي شي يصير علمني آول بأول
فهد : ابشر
ابو رغد: ليه جيتو
فهد : رغد ناسيه جوالها
ابو رغد : تعال اجل خذه و توكل على الله
دخل فهد اخذ الجوال وطلع شاف سياره نفسها تمر طالع في سياره وطالع في رغد الي في العالم الموازي تبكي اسرع بخطواته وركب وسكر الباب بقوه
فهد بعصبيه مد جوال رغد : خذي وغطي وجهك
رغد بصوت مبحوح من البكي : النقاب طاح
فهد قرب منها وهو يغطي وجهها بشيله : فيه حلول غيرها اتوقع
رغد اخذت جوالها وعطت فهد ظهرها تطالع الدريشه
شغل فهد السياره وحرك .. وصل بعد مده لبيتهم نزل وساعد رغد ودخل البيت شافتهم نوره بصدمه
نوره : اش فيها رغد
فهد جلس رغد : طاحت
نوره راحت جلست جنب رغد : صار لك شي
رغد هزت راسها بمعنى اي
ام فهد قربت لها : بسم الله عليك يابنتي وجهك احمر
طالعت في فهد : وش صار لها
فهد : رضه بسيطه برجلها ويده مكسوره بالخفيف ومافيها الا العافية
نوره 🤨طالعت فهد : مافيها الا عافيه وجهها احمر
فهد : تاخذ لها حبه وتنتهي السالفة
طالعت فيه رغد وهي تقول بنفسها : وجع قلبي يفيده ذي الحبه يافهد
فهد طالع في رغد وحس بشعور غريب من نظراتها كانها تعاتبه على شي ابعد نظراته عنها وراح يجلس
ام فهد: معليه ياقلبي الحين تاكلين وتاخذين حبه ولا تضيقين ان شاءالله بيخف الوجع
رغد رجعت تبكي من حنيت ام فهد
ام فهد لفت على فهد : انت متاكد انها خفيفه شف كيف تصيح البنت
نوره ضمت رغد : عيونها نشفت من كثر البكي وذا يقول خفيفه
فهد تنهد : خلاص الحين تاكل وتخف بطلع
وقفه صوت رغد : بطلع معك
راح وساعدها وطلع فتح الباب
فهد: تبغين هنا ولا الغرفة
رغد بهدوء : الغرفه
هز راسه رغد و دخل الغرفه ساعد رغد تنسدح وراح هو يبدل طلع شافها مغمضه عيونها تنهد بضيق وقال بينه وبين نفسه : لهدرجة توجعك يدك ولا تدلعين
رغد مسحت دموعها الي للان تنزل وطالعت فهد
رغد : فهد
فهد كإن يتأمل ملامحها البريئة و عيونها الي صارت حمراء من كثر البكي
رغد : فهد
فهد حس على نفسه : هلا
رغد : ممكن تعطيني ملابس ببدل
هز راسه وراح فتح الدرج وطلع لها بجامه وشرابات
عطاها الملابس
فهد : اساعدك
رغد : لا شكرا ما يحتاج
جلس فهد على نهايه السرير واعطى ظهره لرغد
رغد قدرت تلبس يد بس ثانيه من الوجع ماقدرت استحت تقول لفهد بس مافيه غيره ولا تدري اذا بتجي نوره او لا
رغد بخجل شديد : فهد
لف عليها فهد وشافها بدون شي يسترها غير السنتيانة ( إيمان: اعتذر عل شفافيه بس ذي طريقه الوحيده الي اوصل المشهد ) لف بسرعه
رغد زاد خجلها من ردت فعله وقررت تقوله يدق على نوره : ممكن تدق على نوره عشان تجي تساعدني
فهد توتر : طيب
وطلع بدون يطالع فيها بسرعه و صادف دخول نوره
فهد: جيتي والله جابك
نوره ابتسمت: ليه
فهد : رغد تبيك تساعدينها
نوره : بايش؟
فهد استحى يقول لها : مدري تبغاك وطلع للصاله
نوره دخلت بعد ما دقت الباب
رغد استحت: ممكن تساعديني
نوره طالعت فيها وضحكت: وانا اقول اشبهه وجهه اخوي منقلب
رغد بخجل شديد : اءء وش جايبه
نوره ضحكت: جايبه شوربه عدس
راحت نوره وساعدت رغد بلبس البلوزه والباقي رغد لبسته بصعوبه
نوره: رغد اخلصي كلي عشان تاكلين علاجك
رغد : طيب شسوي ما احب الشوربه
نوره : خلاص كلي ذا الخيار
اكلته رغد بعدها طلعت نوره وهي تتحلطم ودخل فهد
فهد : اش فيها ذي تتحلطم
رغد : عشان ما شربت الشوربة
فهد : وليه ما تشربينه !
رغد وهي تعدل سدحتها : ما احبه
فهد رمقها بنظره : كليتي علاجك
رغد هزت براسها بمعنى لا : العلاج معك نوره دورته وعساس تروح تسئلك وينه
فهد : في جيبي الحين اجيبه
راح فهد جاب العلاج و المويه وشرب رغد العلاج
رغد : ممكن اطلبك طلب
فهد : همم
رغد : رجولي بردانه ممكن تلبسني شراب مقدرت البسه
فهد : ليه ما قلتي لنوره
رغد : استحيت كفايه ساعدتني و اكلتني
هز راسه فهد واخذ الشراب ابعد البطانيه وحط رجول رغد على فخذه ولبسها
فهد : كذا زين
رغد ابتسمت: شكرا
فهد : عفوا
طفى النور وراح انسدح
دق جوال رغد وردت رغد
رغد : هلا ... الحمد لله احسن ..... لا شكرًا .... عبود بيجي .... خلاص تم .... يوصل .... مع سلامه
رغد : بابا يسلم عليك
فهد يتقلب : الله يسلمه
عم الهدوء في ارجاء الغرفه رغد نامت وفهد نام بعد مده ثلاث ساعات بضبط صحت رغد ويدها توجعها ماقدرت تكمل نوم اخذت جوالها شافت ساعه 3 اكيد نوره نايمه حاولة تنام بأشد الطرق ما قدرت وصارت تبكي على صامت من الوجع بعدها صار يطلع صوت بكائها على خفيف فهد حس بصوتها وحركتها قام بدون لا تحس وشغل النور الي جنبه ولف عليها
فهد بنوم : وش فيك
رغد تبكي : ......
فهد : علامك تصيحين
رغد تبكي : ....
فهد بصبر : وش فيك
رغد صامله تبكي بدون رد : .....
فهد : وش فيك الله لا يوفق عدوك
رغد : ....
قام فهد وشغل نور الغرفه وجلس مقابل رغد
فهد : تتكلمين وش فيك ولا
رغد ببكي : يدي .. يدي توجعني بقوه
فهد تنهد براحه: قلت صار لاحد شي في الاخير يدك
رغد انفجرت : انت مستهين بالكسر تراه والله يوجع كل محد قال شي قلت مافيها شي ترا والله توجعني لعد تستهين بوجعي ولعد تستهبل فوق راسي وتنكت لن مالي خلقك الي فيني كافيني وانتي تزيدها الوجع وجعين
فهد طالع بصدمه :...
كملت رغد بدموع اربع اربع : يكفي متحملتك و مزاجك الزفت الي كل خمس دقايق منقلب مره تحبني مره تكرهني مره تعصب مره تخليني ابكي تراني مو لعبه عندك ودايم بقول بيتعدل ما يحتاج اقول لابوي بس انت صامل على اسلوبك الزق ليه استحمل واحنا ما صار بينا شي اذا ما تبغاني فكني وطلقني ليه اصلا تتزوجني اذا اسلوبك كذا معاي كانك مغصوب علي  او أنفرضت عليك بالاجبار محد ضربك على يدك وقال خذ رغد انت جيت وكلمت ابوي و ابوي من حبه لك قال استخيري يارغد رجال زين واعرفه هاذا الزين والي عرفه هاذا الي يبكي بنته ويضيق فيه كل خمس دقايق ..
فهد ما  استحمل كلامها وقرب منها بسريع و شفشفها بعمق رغد كانت تحاول تبعد عنه لكن هو ماسكها من خصرها بقوه بعد مده قصيره متقارب دقيقتين ابعد عنها ولا يفصل بينهم اي شي
فهد بهدوء: خلصتي
رغد دفته بيدها السليمه بقهر من حركته : ابعد عني ابي انام
فهد قام وطفى نور وهو يفكر بكلامها اما رغد رجعت انسدحت تبكي 😞

وهنا يكون انتهينا اعتذر اذا كان ما يرضيكم شي بالبارت
صلُ على رسول اللهﷺ