Part 7
صلُ على رسول اللهﷺ
قراءة ممتعه حبايبي 🫶🏻
( فهد )
كان جالس مع العيال وجواله دق راح من عند العيال لن مافيه غيرها بتدق بس وش تبغى
فهد: هلا
رغد بخجل: امم صحيتك
فهد ابتسم لا ايراديا: لا سهران مع العيال
رغد : بكره تجي تاخذني
فهد باستغراب: ايه ليه!
رغد بصوت ناعم جاب راس فهد : ابي اجلس زياده وتجيني بعد بكره
فهد برفض : لا مافيه
رغد 😔: تكفى بس يوم
فهد: لا يارغد قلت لا
رغد : فهود تكفى بس يوم بس يوم
فهد ابتسم: بفكر
رغد عرفت انه وافق : ياخي والله انك كفو
فهد للان مبتسم: انا ماقلت اي قلت بفكر
رغد : تلعب على مين ياحلو اعرف اذا قلت افكر معناها اي
فهد ضحك : ماشاءالله و عارفتني بعد
رغد ضحكت : اكيد
فهد: خلاص بعد بكره جايك ولعد تقولين ابي اجلس زيادة لن مارح اوافق
رغد بحماس: تمام من عيوني يلا بروح انام
رغد قفلت الخط بدون لا تسمع رد فهد وراحت تنام
فهد نزل الجوال وهو يقول بينه وبين نفسه: شف قفلت الخط بوجهي والله انك خفيف يافهد بسرعه وافقت
رجع للعيال فهد وهو مروق لن سمع صوت رغد
——————
بعد يومين فهد راح جاب رغد
( نوره )
نوره: ماما
ام فهد : همم
نوره: فهد وينه
ام فهد: راح يجيب رغد
نوره انبسطت : كذابه
ام فهد🤨: تقولين ل أمك كذابه
نوره استوعبت انها جابت العيد: ها لا والله ما اقصد
ام فهد بعصبيه كذبيه : لا تكلمني وعقاب لك تنظفين الحوش
نوره راحت تضم امها : والله اسفه ما اقصد و ابشري من عيوني الحين انظف كل الي تبينه
ام فهد ابتسمت : شوفي شطافة المويه في المخزن
نورة: على خشمي ياحضرة القائدة
راحت نوره تاخذ شطافه و اخذت سماعتها و جوالها وشغلت المويه وحطت اغنيه وصارت تتمايل مع الغنيه و تنظف وصارت تغني مع الغنيه بصوتها العذب :
ياأرض أحفظِ ماعليكِ
حبيب قلبي حضر
اليوم طالع قمر
في ذي لحظه كان جاي الفيصل سمع صوت حلو مايعرف من صاحب الصوت وفكره من عند الجيران ولا اهتم دخل الحوش شاف نوره تتمايل وتردد ورا انغام الموسيقى بصوتها العذب قال بصوته الرجولي المبحوح دون ان تسمعه نوره :
لما رأيتُ جمالها
كالشمس لألأ ساطعا
حار اللسانُ فلم يُجب
نوره ما انتبهت له وطفت المويه ودخلت عند امها و الفيصل كمل وهو يقول :
ذهبت ولكن طيفها
مازال يطرُقُ موجعِا
والحسنُ أعذبُ موجع
كالحب ، وصفهما معا
الفيصل حط يده مكان قلبه : اخخ يالفيصل هو حلم و لا واقع جميله جميله ، استغفرالله وش جالس أقول حرام
صفق نفس كف بالخفيف عشان يستوعب ان الي يسويه غلط : ياغبي يالفيصل غلط الى تسويه
طلع الفيصل وجلس عند عتبت الباب ينتظر فهد وهو يردد : كان حلمي ذا اللقا واليوم بصدفه التقينا وياهلا بك يا الصدف
جاء عوض : وعع يا الصوت الخايس
الفيصل : مارح ارد عليك لني مروق على الآخر
عوض جلس جنبه : وش السبب
الفيصل حط يده على قلبه و راسه على كتف عوض وبحب : شفت من حبها قلبي
عوض ضرب راسه : يا وصخ وش تقول
الفيصل بتبرير : والله بلغلط
عوض: احمد الله ان محد شافك
الفيصل: الحمدلله بس والله ماكان قصدي
عوض: اعرف انه ماهو بقصدك بس انتبه مره ثانيه
الفيصل: على خشمي أوامر ثانيه
عوض ابتسم : لا بس امش مايصلح نوقف هنا
راحو يوقفون عند بيت الفيصل عشان اذا جاء فهد و رغد ما يزعجون رغد بجلستهم عند الباب
أنت تقرأ
روايتي الثانيه انتِ ترياقِ
General Fictionلكل بطل حكايه و كل حكايه بتكون غير وش مصير فهد و رغد صلُ على النبي ﷺ وقراءه ممتعه ولا تنسون تدعموني و تقدرون تضيفوني انستا lxsa_81
