روايتي الثانيه انتِ ترياقِ

Part 5

Part 5
صلُ على رسول اللهﷺ
قراءة ممتعه 🫶🏻

وقفو عند محطه ونزل كل واحد يجيب الاغراض الي يبغونها
نوره وهي تنادي فهد: فهد ولد فهددد
الفيصل انتبه لها : وش بغيتي
نوره انحرجت تطلب منه : ها لا ولا شي بس كنت ابي اكلم فهد
الفيصل عرف انها تستحي : لا تستحين وش بغيتي
نوره بتفكير : ابي كودرد و بطاطس و جالكسي
الفيصل ابتسم : اوامر ثانيه
نوره : اي اي جيب فطيره طبعا اذا سمحت
الفيصل: ابشري على خشمي
نوره تتكلم مع نفسها بصوت واطي ( ودي بكندر بس احس فشله )
الفيصل سمعها وراح اخد الاغراض و جاب لها ثنين كندر ورجع : تفضلي
نوره اخذت الكيس بحماس : زاد فضلك شكرا فصول
الفيصل ابتسم من الاسم الي نادته فيه معن يكره احد يقوله فصول : العفو
نوره استوعبت انها دلعته و عيونها بدموعها انحرجت هي ماتدلع فهد عشان تدلعه 
جت ام الفيصل: سلام عليكم
كلهم : وعليكم السلام
ام الفيصل: ابوك باقي ما جاء
الفيصل: لا راح يكلم عمي خالد
ام الفيصل: تمام ، طالعت بنوره : وش فيك ساكته
نوره مسرحه : ها قصدي هلا بغيتي شي خاله
ام الفيصل: سلامتك بس شفتك ساكته وهي مو من عوايدك
نوره استحت اكثر يعني تدلعه والحين يعرف انها تحب تسولف كثير : لا وشي
فتحت الكيس شافت الكندر طالعت بالمرايه شافت الفيصل ابتسم ونزل عيونه
نوره ( مدري وش حسيت فيه وقتها بس مره خجلت وحسيت وضعي غلط وانه حرام وعيب بس ربي عارف نيتي ماكان قصدي بعدين انا اعتبره اخوي بس ليه يعطيني نظارات ليكون يحبني لا لا وين اعرف امه تبيه لبنت خالته )
جاء ابو الفيصل و حركو ل ابها كلهم وصلو بعد مده و اخذ كل واحد له هو وعياله شقه يرتاحون بكره وراهم زواج

——————————————————————-
يوم جديد حياة جديده زواج رغد & فهد ساعه 9 صبح
رغد متوتره و تحس قلبها بيطلع من مكانه : ريما تكفين ليه تاخرتو
ريما : والله سواق مو بيدي انتي ادخلي واحنا قريب
رغد بغصه : لا مابي ابي ادخل معكم كلكم
ريما : وصلنا وصلنا ياقلبي
نزلت رغد و جوري و خالات رغد و بنات خالات رغد
دخلت رغد وقالت لهم انه حاجزه لها هي واهلها دخلو رغد للغرفه تبدل للبس عشان تصوير وكذا
طلعت رغد وهي لابسه زي الفستان البيض و مكتوب ورا العروسه و كل وحده من بنات خالات رغد لبسين وكل وحده مكتوب على حقها اسمها ( يارب وصلكم الفكره لن معرفت اشرح )
جوري صفرت : ايه القمال ده ايه الحلاوه دي دنتي حتت امر
ريما طاحت من الضحك : تكفين لعد تتكلمين مصري
جوري خزنها : على تبن
رغد : ياخي تسليك قوي مره و واضح
جوري : والله انك حلوه 🤨
صاحبه المشغل: يلا تفضلي ياعروس نبدا نسوي لك اظافرك
رغد : لا لا اول شي العنايه بعدها الميكب بعدها الشعر واخر شي الاظافر
صاحبه المشغل: تمام مافيه مشكله
بدو شغل ب رغد و كل وحده في المشغل مسكت احد عشان يخلصون بدري
وصلو اهل فهد للمشغل
ام فهد : سلام عليكم
الكل : وعليكم السلام
الجده : شخبارك ياعروسه
رغد باستحياء: الحمدلله وانتي وش اخبارك
الجده ابتسمت بحب : نحمده ونشكره
بدو يشتغلون اهل فهد وكل وحده تسوي شي
نوره جت عند رغد : هلا والله بزوجة اخوي الحلوه
رغد ابتسمت: هلا فيك انتي الحلوه والله
عبير : نوره اتركي رغد بحالها واذا خلصتي تعالي شيلي اثير
نوره : وليه ان شاءالله انا امها وانا مدري خلفتها ونسيتها
ريما ( تحب الاطفال): مسكينه واضح مقدرت تسوي شي هاتيها انا باخذها
عبير : شكرا ياقلبي مابي اتعبك بخلي نوره تمسكها
نوره : لا حبيبتي مافيه محد فاضي حطيها عند جدتي احسن
عبير : افف منك خلاص طيب
الجده : هاتيها هاتيها
اثير : ابي اثير ( ابي عصير )
الجدة وهي تطلع عصير من شنطتها : ابشري يابنت ناصر
اثير : ثكرا ( شكرا)
كملو شغل وجاء وقت انهم يروحون للقاعه
خلصو اكثرهم و راحو للقاعه صارت ساعه 5 المغرب
رغد : خاله عبدالله برا
غدير : اي ياقلبي
رغد : ريما
ريما : هلا
رغد : وش صار مع جوري شافت القاعه صح ما ناقصها شي
ريما : لا كامله والكامل الله
رغد وهي شوي وتصيح : لا تكذبين علي اكيد في شي ناقص
ريما حضنتها : والله مافيه شي ناقص لا تبكين ياقلبي
رغد مسحت دموعها : خلاص طيب بطلع لعبدالله
ريما هزت راسها وطلعت لعبدالله
عبدالله وهو يفتح باب سياره : هلا والله بعروستنا عاد اليوم بدلعك
رغد ابتسمت بحب : ابي عصير بارد
عبدالله وهو ياشر لعيونه : من عيوني كم عندي رغد
رغد بدلع : وحده بس
عبدالله وهو يضحك : ياشين دلع عليك
رغد 🙄 : من عساس يدلعني
عبدالله: هاذا جزء اساسي من الدلع
رغد : اي ان شاءالله انت حرك بس
راح اخذ لها موهيتو واخذ له قهوه من كيان وراحو القاعه هو راح يشوف وش صار بقاعه رجال وهي نزلت واستقبلتها جوري وريما
جوري: يعني وقت تمشيتكم
رغد : ما تمشينا بس اخذ لي عصير وجينا
جوري : يلا طيب المصوره داخل قد خلصت تصوير اغراضك باقي انتي
رغد هزت راسها ودخلت و المصوره صورتها بجميع الاشكال و الحركات صارت ساعه 8 اذن العشاء كلهم صلو و رجعو لن باقي ساعه على وصول المعازيم
المصوره : رح يدخل العريس
رغد : ها ليه يدخل
ريما وهي تلبس نقابها : وش الي ليه ترا فقعت كبد عبدالله عشان يدخله نبغى نصوركم مع بعض
رغد🥹: ليه حيوانه مابي
المصوره مسكت يد رغد : الواضح انه زواج تقليدي وماتعرفينه كثير بس انتي اهدي ياقلبي ولا تتوترين كلها كم صوره وصدقني رح تفرحين لما تشوفينها بالمستقبل و الشعور الي تحسين فيه طبيعي كثير مافيه شي يخوف ابدا انتي خذي نفس عميق 😮‍💨
رغد ارتاحت شوي : طيب بس لا تطولين
المصوره ابتسمت : معليك اصلا باقي ساعه و يوصلون المعازيم
دخل فهد وهو مغصوب كان رافض اتم ارفض بس اقنعوه العيال عشان تصوير ولازم دخل وهو يشوف رغد معطيته ظهرها
المصوره : ياعريس دور عشان نبدا تصوير
فهد باستغراب: كيف
المصوره : يعني عطينا ظهرك و لما اقول لك دور تدور وتعطينا وجهك
فهد : طيب
دار فهد ( درت على كلامها وانا ودي اصفقها بزر انا اجلس ادور بس بسوي وبخلص بسرعه سمعتها تبدا عد تصوير بعدها قالت ثلاثه دور ياعريس لفيت شفت رغد ابتسمت لا إيرادي شكلها كان حلو مره و الفستان بأرز تفاصيلها و طالع عليها حلوه من الصدمه قلت ياحظي وكنت متنح فيها بس سمعت المصوره تقول قرب ياعريس من العروسه مشيت لعندها وانا مدري وش اسوي بس سمعت كلام المصوره قالت لي ضمها ضميتها لما ضميت رغد ريحت عطرها دخلت في قلبي نفس ريحة عطرها وهي صغيره ماتغير العطر بعدت عن رغد شفت التوتر بعيونها بست راسها وقلت لها مبروك شفتها ترد علي بصوت ماينسمع غيري وغيرها مسكت يدها بدون مقدمات وبستها استغربت من نفسي لكن كانت يدها ناعمه رقيقه تجرحها شوكه )
رغد ( يوهه يالشعور يوتر لما قالت لي المصوره ادور درت شفت فهد تقشعر بدني لما لف لي حسيت بشعور غريب فيني فرح فيني حزن متوتره مدري كيف اوصف شعوري بس الي لما قرب وضمني حسيت اني جسد بس ريحت عطره حلوه مع عود بعد عني قال مبروك ضيعت الكلام ونسيت وش اقول بس بسرعه تذكرت وقلت بصوت خافضضض الله يبارك فيك لما مسك يدي تقشعر بدني اكثر  يوه يشعور يوتر )
المصوره: حلو الحين ياعريس امسك خصر العروسه
رغد 🤨 : ها
فهد عجبه الوضع ومسك خصر رغد والمصوره تعطيه وضعيات وهو يسويها ورغد ميته خجل بقوه و ريما تطقطق عليها من ورا و جوري تشجعها
المصوره : يلا الحين قرب منها و..
قطع عليهم غدير : المعازيم وصلو يلا يلا
رغد تنهدت براحه : الحمدلله
فهد طالع فيها رفع حاجبه وابتسم : تحمدي الله جت خالتك ولا تفكريني طاير ترا برجع اخذك
رغد استحت : هلا
فهد ابتسم وطلع برا عند العيال
رغد للحين بمكانها 🥹 : بنات تكفون ترا مابروح معه
المصوره : بعدين ياقلبي بعدين امشي يلا قبل يدخلون
ريما سحبت رغد ودخلوها داخل
جوري بضحك هستيري : شفت وجه رغد تكفين وش قالك
رغد 🥹 ببكي : مابي مابي اروح معه
ريما طاحت بالارض من الضحك كالعادة: شكله قلها الوعد بالليل
المصوره وهي ماسكه الضحكه : حرام عليكم اتركوها
رغد وهي تمسح دموعها : مافيه شي يضحك
جوري : تكفين قولي وش قالك
ريما : ايوا تكفين تكفين ليه انقلب وجهك حتى المصوره تبي تعرف
المصوره هزت راسها بمعنى ايه
رغد 🫣 : لما دخلت خالتي قلت الحمدلله قال
ريما : ايوا قال
المصوره: اي وش قال
رغد تكملت بسرعه : قال تحمدي الله جت خالتك ولا تفكريني طاير ترا برجع اخذك
المصوره بضحكه فهمت 😅 : والله صادق احمد ربك
جوري طاحت بالارض جنب ريما : اخخ يابطني اوجعني من الضحك اقسم بالله مو هين ذا الفهد
لولوة جت وبدلع ماصخ : وش فيه ولد عمي
ريما خزتها : ابد ياعمري بس كان فهد بيبوس رغد بس خالتي قاطعت عليه
رغد بفشله : ياكلبهههه
لولوة بتموت من الغيرة: وع مستحيل يسويها ولد عمي
المصوره: وليه مستحيل تراها زوجته وحلاله وبنهايه بتصير كل حياته وام عياله
لولوه : اي اي صح ومشت
جوري : فكوني عليها فكوني عليها
ريما : والله ما امسكك روحي عليها
المصوره : مره حبيتكم والله يوفقك ياقلبي واضح انه يحبك
رغد : ها يحبني
المصوره ابتسمت : انتي كنت متوتره بس انا شفت واضح من عيونه انه يحبك بس يكابر اكسري كبريائه
ريما : اي والله صادقه اكسري ابو ابو كبريائه بعد
نوره جت جري : معليه دخلت عرض بس وش صار واءء وبنسبه لكبرياء اخوي لو كسرتيه بحطك بتاريخ
رغد ابتسمت : ليه
نوره وهي تحرك يدها بمعنى كبريائه عالي : ماشفتي حبيبتي وعلى قولتكم انه يحبك يعني فرصه كبيره عليك فيه وعاد 😉 جيبو بنت تشبهني
كلهم ضحكو الا رغد 🥹 : على تبن كلكم بروح عند خالتي
نوره مسكتها : والله امزح امزح بس حبيت اغير جوك
رغد : عكرتي جوي مو غيريته الحين كيف ارتاح بجلس افكر طول الوقت
ريما ضربت على صدرها : بنت خالتك موجوده يخسى من يعكر مزاجك
جوري صفقت راس ريما : اسكتي يالمسترجله انتي ما اقول الا الله يعين الي بياخدك
ريما بدلع : يوههه قصدك ياحظه بيكون عنده ريما
كلهم ضحكو وكل راح يكمل شغله