روايتي الثانيه انتِ ترياقِ

Part 4

Part4

Part4
صلو على رسول اللهﷺ
بسم الله قراءة ممتعه

ابها تحديدًا في بيت ابو رغد
صحى ابو رغد و استغرب رغد ما صحته راح غرفتها يشوفها دخل لقاها في سابع نومه ابتسم وهو يحاول يصيحها وهي رافضه
ابو رغد: اصحي يا بابا
رغد وهي تغطي نفسها بالبطانية: ابي انام تكفى يبه خليني انام
ابو رغد : و الجامعه ياست رغد عساس عندك محاظره مهمه ومن امس مزعجتني
رغد استوعبت و شلت البطانية عن وجهها بسرعه :نسيت تكفى يبه كم ساعه
ابو رغد عطاها مقفاه وهو طالع من الغرفه قال بكذب : من ساعه 6 اصحيك وصارت ساعه 8 قومي صلي بس
رغد بحزن : راحت علي راحت
رغد قامت تتوضأ و جت تبغى تشوف ساعه كم صارت انصدمت انه عاد ساعه 5:30 و سمعت صوت أقامه الصلاة ( بختصار أبوها دايما يسوي كذا عشان تصحى بدري وهي فاهيه تنسى وتصدق )
ابو رغد راح دوامه و كذالك رغد

ظهران الجنوب في بيت الجد فهد
الجد فهد : اقول فهد
فهد: سم طال عمرك
الجد فهد : سلمت الا ما حددت الزواج
فهد : لا
الجد بعصبيه : وليه لا
فهد : ياجد تو امس تملكنا عادنا قلنا بسم الله
الجد فهد: يا خالد ابعد ولدك عني ل امصعه بالعصا على منهو بارد ذا الولد
الفيصل بهمس لفهد : انت طالع عليه
فهد خزه : اسكت ل اعلمه ، لف على جده : ياجد ولا يصير خاطرك الا طيب بكلم عمي سامي اليوم
ابو فهد : ايه ابعدي ياولدي
الجد هز راسه وهو يحك لحيته ( يفكر بشي والله يستر وش يفكر)

بعد صلاة العصر
الفيصل: جسمي مكسر ياخي ودي انام
عوض الي جاء من بعيد: عشان جدك يحطك بخبر كان
الفيصل بفرح وهو يضمه : هلا والله بالي مطول الغياب
عوض ضحك: هاذاني جيت
فهد سلم عليه : ارحب تو مانور ظهران
عوض: بوجود اهلها ، الا ماتقول عندي اخ صديق اسئل عنه
فهد 🤨 : من المفروض يسئل و يبارك انا ولا انت
عوض باستغراب: على وش
الفيصل صفق وصفر : فهد بن خالد ودع العزوبية
عوض بصدمه ضم فهد : كذاب مبروكك مبروكك
فهد ابتسم: الله يبارك فيك
عوض: تكفى قول انك ماخذيت من ذوليك
فهد : فال الله ولا فالك ، لا طبعا خذيت بنت سامي
عوض : كذابب ياويلي وش موديك لعندهم
الفيصل: كلنا والله استغربنا راح هو معصب من سيرة زواج رجع يبغى يتزوج وبعد بنت سامي
فهد : اش في امكم واذا تزوجتها فيها شي لا سمح الله
عوض: لا والله مافيها شي بس من كثر ما سمعنا انك ل لولوة فكرتك بتخطبها
فهد بانزعاج: لا ابعدني عنها لو كانت اخر ناس ما خذيتها
الفيصل بخبث : الا عوض تدري
عوض بفهاوه : على وش
الفيصل 😏 : طال عمرك فيه واحد الله يستر عليه متزوج وحده اسمها ..
فهد استوعب وسكر ثم الفيصل بيده : فيصلل
عوض: اش فيك عليه خليه يكمل
فهد بعد عن الفيصل وهو يسوي حركة🤫 يعني اسكت
عوض: وشبكم
الفيصل ابتسم : كنت بعلمك باسم زوجته بس كان بيدعسني
عوض صفق الفيصل : بزران وربي بروح للجد فهد ابرك
الفيصل بزعل : ابركها من ساعه تقلع
عوض مشى كم خطوه بعدها رجع : والله مايهون علي زعلك امش نعنبو الي يزعلك
الفيصل ضحك بضحكه انتصار: والله اني اعرفك ما ترضى بزعلي
عوض بابتسامة: وكيف ارضى على زعل اخوي
مشو لعند الجد فهد وسلمو و الجد فهد جلس يعاتب عوض لنه قطع عنهم فتره ولا زارهم

عند فهد الي خلصه اشغاله وراح يدق على ابو رغد جلس ينتظر يرد لين جاه صوت ابو رغد
ابو رغد: ارحب يا ولد خالد
فهد : البقى شخبارك يابوي
ابو رغد: الحمدلله وانت عساك طيب
فهد: الحمدلله بخير الا ابي اتكلم معك اذا فاضي
ابو رغد: اي ماعندك اشكالية تكلم
فهد: عشان موعد زواج وكذا
ابو رغد 😀: ماهو بدري توكم امس ملكتو
فهد انحرج : والله جدي طلب وعاد تعرف جدي
ابو رغد : قول من الاول ايه تمام ومتى تبونها
فهد : والله اني معرف بس اشوف بعد شهر زين
ابو رغد: بشوف رغد وارد لك خبر
فهد: تمام مع سلامه
ابو رغد: مع سلامه

ابها
رغد ( توني واصله البيت الا اسمع ابوي يكلم الا اسمع يقول بشوف رغد وارد لك خبر يوه ليه حظي كذا دايم لما اجي يكون يكلمه الحين يطقطق علي ابوي )
رغد: سلام عليكم
ابو رغد ابتسم: وعليكم السلام تعالي
رغد جلست جنب ابوها : لبيه
ابو رغد: لبوك عيالك تو يكملني فهد و يقول يبغى زواج بعد شهر
رغد ( خير ذا بعد حدد متى زواج ) : وليه بعد شهر مره قليل مقدر اجهز شي
ابو رغد: اني جيت اسئلك متى تبغين
رغد بتفكر منطقي : شهرين منها اخلص اختبارات و اجهز نفسي اما شهر صعب علي
ابو رغد: الله يكتب الي فيه الخير ابشري بقول له
رغد باست راس ابوها وطلعت غرفتها ترتاح
ابو رغد كلم فهد وقال له بعد شهرين و فهد ما عارض لن حتى هو مشغول

———————————————————————
بعد شهرين ، باقي يومين على زواج
في بيت الجد فهد
نوره : يوه ما اتخيلك متزوج
فهد : وليه ان شاءالله!
عبير : اي صدق مره احس غلط
ام فهد : وليه غلط وش فيه ولدي
نوره بتبرير : مو كذا يا امي بس احس كذا اشوفه متزوج بعدين يجيب عيال
فهد ضحك : وشدخلك اجيب عيال او لا
ابو فهد : سوالفكم البيض قومو اركبو سيارة بس نبغى نحرك
كلهم : ابشر
راحو ب اربع سيارات
الاولى فيها الجد و الجده و ابو الفيصل و عوض و ريم وفجر و رسيل
ثانيه فيها فهد و امه و عبير و ناصر و اثير و ابو خالد
ثالثه فيها ابو سعد و زوجته وبنته
رابعه فيها الفيصل و شنط العائله و ابوه و امه

......
نوره جت متأخر: هيه مافيه مكان وين اركب
فهد طالع ورا : روحي مع جدي الدنيا زحمه
نوره : افف طيب
نوره : يا جد عندكم مكان
الجد فهد : لا مافيه روحي مع واحد من عمامك
رسيل : احسن عشان مره ثانيه تجين بدري
فجر : روحي مع عمي عبدالرحمن
نوره بحلطمه : اص انتي ، ايوا تاخري و تاكلينه الحين انا مع من اروح يالليل والله ما اروح مع الحيه ذيك هي و امها
الفيصل شافها تتحلطم نادها بصوت عالي : نوره تعالي اركبي يلا
نوره  : طيب
ركبت ورا مقعد الفيصل
نوره : سلام عليكم
كلهم : وعليكم السلام
ابو الفيصل: تستاهلين بدال تروحين مع البنات جيتي هناك لحالك
نوره : افا ياعمي يعني ما تبغاني
ام الفيصل : معليك من عمك حياك الله
ضحك ابو الفيصل
و الفيصل عدل المرايه وشاف عيون نوره الي يحبها منهم صغار ( اي نعم ثنائي الجديد نوره و الفيصل عاد ذول حكايه ثانيه )

بارت قصير مره حتى انه ممل بعض الشي بس حبيت اعرفكم على باقي الافراد الي ما انذكرو وإن شاءالله بيكون لهم ادوار برواية بكره والي بعده بنزل لكم واحد طويل في احداث تضحك وتزعل و زواج ابطالي 💃🏻💃🏻
صلُ على رسول الله ﷺ 🤍

حاليًا جالسه اكتب البارت الخامس وسادس عاد بيكون حلو والي بعده حزين🥹