روايتي الثانيه انتِ ترياقِ

Part 8

Part 8
صلُ على رسول اللهﷺ
قراءة ممتعه

( لولوة)
لولوه : امي
ام لولوة: خير
لولوة: ممكن اطلبك طلب
ام لولوه : لا
لولوة بصوت خافض: امي تكفين بس ابي اروح عند رسيل
ام لولوة بهمس: انا ادور واتعب عشان مستقبلك وانتي تبغين تروحين عند رسيل تحشين
لولوة بضيق : امي افهمي فهد يحب رغد خلاص
ام لولوة صوت بشبه عالي : انا وش اقول لا يعني لا
لولوة بوزت وجلست على جنب
الجدة شافتها و نادتها
لولوة: هلا
الجدة : وش فيك
لولوة ابتسمت بضيق : لا مافيني شي
الجدة: يابنتي اعرفك زين وش فيك
لولوة: ابي اروح عند صاحبتي وامي رافضه
الجدة عرفت ان فيه شي ثاني بس ابتسمت : بس كذا ابشري ولا تضيقين بتروحين لها
لولوة ابتسمت وباست راس جدتها : الله يخليك لنا ولا يحرمنا منك
الجدة سوت نفسها تكلم ام رسيل والكل التفت لها وهي تكلم
الجدة بتمثيل: هاذي ام رسيل تسلم عليكم و تقول ان رسيل عندها عزومه وان لولوة ماجت
ام لولوة باحراج : طبيعي ياعمتي انها ماتجي عزيمت عمها أولى
الجدة تنهدت : ايه لا خليها تروح وانا بكلم ابوها
ام لولوة : لا مافيه
الجدة : نعم
ام لولوة توهقت : قصدي ياعمتي عيب مايصلح معزومه عند عمها و تروح لصديقتها
الجدة : ام فهد عندك مانع لا سمح الله
ام فهد: لا ابد ياعمتي وبعدين البنت صغيره و اكيد بخاطرها مع صديقاتها
الجدة ابتسمت: لولوة
لولوة مسويه نفسها غبيه بحماس : لبيه
الجدة توسعت ابتسامتها من حماس لولوة: تجهزي
( الجدة ربت لولوة لن ام لولوة ما كانت قد المسؤولية وتعرف لولوة زين عاشت لولوة عند جدتها وجدها 6 سنين علمتها وكبرتها وربتها بعدها راحت لولوة عند امها ومن هنا بدا تغير لولوة الي لاحظ عليه الكل والجدة عارفه انه بسبب امها الي متزوجه ابو لولوة بس عشان فلوسه والحين طمعت بخير فهد وتبيه ل لولوة)
دقت الجدة على ابو لولوة وهو وافق وتجهزت لولوة وراحت مع ابوها لبيت صديقتها
.
.
( رغد )
رغد بصوت واطي : الحمدلله افتكيت منها
نوره ضحكت : ترا سمعتك
رغد بغيره : قهرتني بس تتكلم عن فهد
نوره : شوفي والله لؤلؤة ما كانت كذا بس مدري وش صار لها
رغد : واضح طيبه بس لا تدخل فيني
نوره : خلاص على خشمي مارح تدخل
رغد : عليه شحم
نوره: هههههههههههههههههههههههههه
دق جوال رغد
رغد : لبيه
فهد ابتسم: ابيك
رغد بفهاوه : هلا
فهد حمد ربه انه ما فهمت : قصدي ابوك جاء
رغد وقفت بحماس بصوت عالي : قول والله
فهد تشققت وجهه من الابتسامه: والله
قفلت رغد بوجهه فهد وراحت جري بس وقفتها الجدة
الجدة: شقومش ( وش فيك )
رغد فرحانه مرهه : ابوي جاء
الجدة ضحكت: فكرت فيك شي اجل يلا روحي
راحت رغد جري لعند باب الشارع بعدها استوعبت انها قفلت الخط بوجهه فهد ولا تدري وين ابوها جت تبغى تتدق على فهد ماحست الا احد مغطي عيونها وثمها ..

فهد بعد ما قفلت بوجهه رغد حلف مايعدي لها ذي المره كل ماتدق عليه تقفل بوجهه وطلع عند باب الشارع ينتظرها لن عارف مارح تقدر تجي الا هنا شافها تجري وتتلفت يمين ويسار تدوره راح من وراها بدون ماتحس وغطاء عيونها وثمها وسحبها لزاويه الحوش
رغد حاولت تشيل يده بس ماقدرت لنه اقوى منها
فهد جاب العيد لو تصيح الحين رغد بيروح فيها قال وهو يطمنها: اص هاذا انا
رغد عرفته من صوته سكتت وهدت
فهد وخر يده عن عيون رغد
فهد بضحك : خوافه
رغد وهي تحاول تتكلم لن فهد مغطي على ثمها : امم
فهد : مارح اوخر يدي لين تتأدبين
رغد وهي تأشر بيدها بمعنى ليه
فهد وخر يده عن ثمها وقرب منها ولا يفرق بينهم شي رغد توترت
فهد بهيمان : كيفي
رغد بلعثمه : وليــ ـه ان شاءالله
فهد قرب اكثر منها وبهدوء : هاذي رابع مره تقفلين بوجهي
رغد بتبرير : يعني والله ماقصدي
فهد بعد عنها بضحكه : بعديها لك مره ثانيه لك عقاب
رغد تضيع الموضوع: وين ابوي
فهد : لعد أشوفك تطلعين كذا لحالك وبذات اذا كان فيه رجال
رغد : طيب
فهد : تعالي وراي
مشت وراه ودخلها مجلس وراح ينادي ابو رغد
دخل ابو رغد و رغد راحت له جري تضمه
رغد : اشتقت لك مره
ابو رغد : وانا اكثر ياقُرة عيني
جلست رغد وجلس ابو رغد وجلسو يسولفون بعدين جت الجده و ابو رغد سلم عليها بعدها جاء عبدالله وفهد وجلسو شوي يسولفون وراح الكل بقي عبدالله ورغد
رغد : عبود
عبدالله: هلا
رغد بزعل : ليه ماقلت لي انكم بتجون
عبدالله ابتسم : اختي متضايقه سحبت أبوي وجيت عادي الوضع
رغد ضمته : ياخي احبك
عبدالله 😉: انا ولا فهودي
رغد بعدت عنه : سخيف
عبدالله: لا صدق صدق تحبينه
رغد بتفكير : مدري اذا شفت وحده تتكلم عنه ودي اصفقها ولما اكون معه مدري كيف
عبدالله بجديه: بداية حب وفهد رجال ونعم الرجال وانتم تزوجتو زواج تقليدي صح شفتيه وانتي صغيره لكن الحين غير كبرتي وهو كبر وكلكم تغيرتو وتغيرت افكاركم واذا بتحبيه شي طبيعي ياحبيبي لنه زوجك وتبين الحقيقة
رغد تنهدت : اي ؟
عبدالله: واضح فهد يحبك
رغد بطقطقه : اي مره
عبدالله ضحك : لا والله جد تراه ايام الملكه كان يسئلني عنك ويسئل هل للان تحبين الايسكريم وتحبين الفراولة
رغد ضيعت الموضوع: كم يوم تجلسون
عبدالله ضحك عرف انها تصرف الموضوع: بس اليوم
رغد : وجعع ليه
عبدالله: وجع توجعك كيفنا
رغد : لا تكفى ابي اطلع معكم
عبدالله: اطلعي مع فهودك ولا تبغينه يطلع مع لولوة
رغد صفقت عبدالله بغيره: عبود ياحيوان
عبدالله جلس يضحك: اخخ يابطني
رغد زعلت : مايضحك حيوان وبعدين لولوة بنت عمه مايصلح يطلع معها
عبدالله طلع وهو يضحك
رغد جلست وحطت رجل على رجل : هاذا الي ناقص بقص رجوله لو صار صدق كلام عبدالله
فهد دخل : وش فيه عبدالله ميت ضحك ومن تقصين رجله
رغد بعصبيه : انت وعبدالله حيوان بس يطقطق علي
فهد : انا !!
رغد 🤨: اي انت
فهد ضحك : خلاص معليك منه امشي لحد يجي من الرجال فجاة
رغد قامت وهي تتحلطم بصوت واطي وفهد ماهو فاهم وش هي تهرج راحت رغد عند الحريم و فهد عند الرجال
.
.
.
.
( لولوة)
لولوة تبكي و رسيل تهدي فيها
رسيل : لولوة ياقلبي خلاص
لولوة: تعبت تعبت انا مابي فهد مابيه لما تزوج جلست اصيح من الوناسه وللان امي تبيه لي
رسيل بهدوء: قولي ل ابوك
لولوة طالعت بصدمه : انتي من جدك!
رسيل: لا تطالعين فيني كذا والله اخر حل ترا كل شي تسوينه حرام حرام😑
لولوة وهي تمسح دموعها : وش اسوي رح تتطلق امي لو عرف ابوي
رسيل : يالله يالولوة في هاذا اليوم ان يفرج همك ويرزقك واحد يفكك من مشاكل امك
لولوة بتفكير : انا قررت قرار ولي فتره افكر ليه
رسيل: اذا القرار زين انا اكبر داعمين لك
لولوة تنهدت : بتنقب معد بصير اكشف على عيال عمي وبذات فهد والي يصير يصير
رسيل فرحت : الحمدلله اخيرا معليه تتصفقين ولا تعصين ربك
لولوة ابتسمت : صح
رسيل ضمت لولوة : يلا قومي نتابع الفلم و ناكل
لولوة: الله لا يحرمني منك
( لا تحكمون على الشخص بسبب تصرف وانتم مو اعلم بظروفه )

وهنا انتهينا صح قصير بس بعوضكم على القطعه و اعطي لولوة حقها في روايه
صلُ على رسول اللهﷺ
مع السلامه 🫶🏻

انستا : lxsa_81
تيك توك : lxsa__81