Part 3
صلو على رسول الله ﷺ
قراءه ممتعه
رجعو رجال بعد صلاة وجابو معهم الشيخ بدا يعقد الشيخ
الشيخ : سامي ناصر ال*** قول زوجتك ابنتي رغد سامي ناصر ال***
ابو رغد : زوجتك ابنتي رغد سامي ناصر ال***
الشيخ : فهد خالد فهد ال*** قول قبلت زواج من ابنتك رغد سامي ناصر ال***
فهد : قبلت زواج من ابنتك رغد سامي ناصر ال***
الشيخ : بارك الله لكم و أعطاكم الصحه والعافيه ، ياولدي عطي البنت تبصم وانت يافهد ابصم
فهد وقع وبصم واخد عبدالله الجهاز ولحقه سامي
عبدالله: يامي يامي
غدير : هلا ياولدي
عبدالله : خذي لنا طريق عشان توقع رغد
راحت غدير : عن اذنكم يلا رغد ابوك ينتظرك
ريما و جوري : وقفو وقفو بنروح معكم جرو يلبسون العبايات ومعاهم غدير و ثنتين من خالات رغد ودخلت الجدة على طلب رغد و الباقي جلسو يشوفون من ورا الباب
دخلت رغد سامي اول ما شاف رغد : بسم الله لا إله الا الله ماشاءالله
عبدالله بمزح : يمه ذي رغد ولا جني
رغد بزعل : ليه شكلي مو حلو
ابو رغد ضرب راس عبدالله: معليك منه والله انك حلوه
عبدالله تقدم يضمها : والله امزح وربي انك جميله قمر قمر ماشاءالله عليك
ابو رغد دف عبدالله وبمزح : ابعد ابي بنتي يكفي انها بتروح من عندي
رغد بزعل واضح : اذا تبغاني اجلس الحين اكنسل كل شي
الجدة : افا يابنت سامي بعتي حفيدي لا مافيه بناخذك معانا
ابو رغد ضحك وهو يضمها : والله امزح يابنتي بشتاق لك لكن ذي سنة الحياة و ولا رح اتركك ابد ابو رغد بعد عن رغد ابتسم : مبروك ياقُرة عيني سمي بالله و وقعي
رغد : الله يبارك فيك بسم الله
عطاها عبدالله الايباد وهو يبارك لها
رغد وقعت وهي بكميه توتر و على صوت المباركات و عبدالله من الفرحة زغرط مع امه و البنات يصورون كل شي صار وقلب المكان ضحك الجدة باركت لرغد و ابو رغد سلم على الجدة و كلهم رجعو لمكانهم بقت رغد في الغرفه نزلت دمعه منكسره منها تذكرت امها بهاذي اللحظة كان جاي فهد
فهد ( رحت اشوف عبدالله وينه تاخر الشيخ مستعجل جيت بدخل بس شفت وحده جالسه ومغطيه وجهه لما رفعت راسها لفوق عرفت انها رغد من وجهه وحركتها الي دايم تسويها اذا بكت عشان لا تنزل دمعتها شفتها وقفت ومقبله عند الباب اخذت عقلي والله كبرت وكل ماتكبر تحلو اكثر اخر مره شفتها كان عمرها 14 سنه كانت تتغطى مني شفتها بدت توصل وحطيت رجلي ب اقرب مغسله )
رغد ( رفعت راسي عشان لا ابكي مسحت دمعتي و صليت على النبي نزلت راسي حسيت احد يراقبني قمت اشوف ومنها اروح لعند خالتي كل ما قربت يبان ظل احد لما جيت افتح الباب مالقيت احد تعوذت من الشيطان يمكن اتخيل او وحده من البنات شافتني ولا حبت تزعجني طلعت ورحت ل خالتي )
فهد ( صليت على النبي مدري ليه حسيت اني حيوان وانا اراقبها كذا بالخفوت بس تذكرت شكلها وابتسمت بس صحاني من تفكيري عبدالله وهو يناديني )
فهد : عبدالله انا هنا
عبدالله: بسم الله فيك شي يقول الشيخ رحت تناديني
ابتسمت بحب لعبدالله اعرفه واعرف كيف يعز رغد ويعتبرني اخوه ولا قدرت اكذب واني ابغى الحمام ( الله يكرمكم ) : جيت اشوف وينكم مالقيتكم وشفت احد طالع وتخبيت هنا
عبدالله ضحك : ايوا ترا عادي تقدر تشوف لان مافيه غير زوجتكك وقالها بسخريه
فهد 🫣 : اص اص بس امش نروح
ضحك عبدالله وجلس يطقطق عليه وعلم حتى ناصر وفيصل وكلهم يضحكون على فهد بس فهد كان مو معهم مع الي اخذت قلبه وعقله ولكن للان ينكر عقله وقلبه
وانتهى اليوم وكلن راضي بما كتب الله له ( حبايبي اي شي يصير لكم قولو الحمدلله لان ربي اعلم بما لا نعلمه احنا ناس نامت بحزن ناس نامت بفرح ناس نامت ببكي ناس نامت وهي تتصنع الفرح لحد يعلم بما يمر بالانسان الا خالقنا يعرف كل شي الله يسعدكم و يوفقكم )
ساعه 1 بعد البنات رتبو و راحو الكل معد باقي غير ابو رغد و ريما و جوري و رغد البنات خذو لهم مُفرحات للحش و ابو رغد راح غرفته ينام والبنات لغرفة رغد
ريما وهي داخله بصينية الحلى : والله ياعندي حش وبذات على لولوة المقروده ذي
جوري ضحكت: كان ودي اسكتكك لكن لولوة قاهرتني ودي اصفقها
رغد تذكرت لما كانت لحالها : بنات احد فيكم رجع للمجلس الي كنت فيه بعد ماطلعو
ريما و جوري : لا ليه
رغد بتضيع للموضوع: معليكم المهم كملو حش ب لولوة
ريما عرفت انها ماتبغي تقول : اي تخيلي كنت جالسه جنب عبير و العب مع بنتها الا اسمع لولوة تقول ل امها يمه واضح بيحبها شوفي كيف حلوه بس صفقتها امها وقالت لها في شي اسمع اربع
جوري : اي وسمعتوها لما تدلع وتجلس تمدح فهد
رغد حست بشعور الغيره بس نكرت : تاكل رْق لو يبغاها فهد كان اخذها محد ضربه على يده وقال تعال خذ رغد
ريما و جوري فطسو ضحك : ابو الغيره
رغد بنكران : اص وشدخل الغيره
ريما قربت منها وهي تقلدها بسخريه : لو يبغاها فهد كان اخذها
جلسو يضحكون ورغد ضحكت من ضحكهم وكملو حش لين نامو تقريبًا ساعه 3
صحت رغد ساعه 5 ونص راحت تصحي ابوها جت تبغى تدخل لقت ابوها في وجهها
ابتسم ابو رغد : هلا والله بالعروسه
رغد : هلا بك الحمدلله انك صاحي
ابو رغد : حطيت منبهه عشان اعرف انك بتسهرين وتنسيني
رغد ابتسمت ورفعت حاجبها : اي صح نسيتك ماجيتك
ابو رغد ابتسم : نمزح نمزح يلا بياذن روحي صلي
رغد : أبشر
طلع ابو رغد المسجد و رغد راحت تصحي البنات يصلون
رغد وهي تسحب البطانية: ريما ياحيوانه اصحيي صلاة
جوري صحت وهي تحس راسها مصدع : ريما اصحي صلاة ولا بس تحشين وتنامين
صحت ريما وهي تصيح : محد ينام عندكم خلاص قمت
كلهم توضو و صلو ورجعو ينامون نوم عميق لين العصر
صحيو وكلهم اجسامهم مكسرة ريما و جوري استأذنوا بيروحون البيت بكره دوامات ورغد قامت تجهز للجامعه و ابو رغد راح يكمل اجراءات النقل لديرة كل واحد خلص شغله ورجع لبيته ينام بعد تعب بكره يوم جديد وحياة جديده تصبحون على خير 😘
صلو على حبيب الله ﷺ
توقعكم مع سلامه لا تنسوني من دعاكم عندي اختبارات💔💔
أنت تقرأ
روايتي الثانيه انتِ ترياقِ
General Fictionلكل بطل حكايه و كل حكايه بتكون غير وش مصير فهد و رغد صلُ على النبي ﷺ وقراءه ممتعه ولا تنسون تدعموني و تقدرون تضيفوني انستا lxsa_81
