زواج مدبر🍡مكتملة🍡

🍡الجزء 32🍡

📝قــــــــــــصة رمضــــــــــــانية📝
🌷زواج مدبر🌷
💍البارتي لثاني والثلاتين 💍
🔥اول رمضان فدار راجلي🔥

صبح صباح منور بشميسة المتسللة لغرفة حلات عويناتها بتعب بقات تشوف فسقف مدة تا بداو دموعها داايزين ...ناضت مصطانعة لقوة دخلات لدوش طلقات الما فلجاكوزي وعقلها مرفوع ...قلبها كيحرقها على راسها ودل لي حطات فيه راسها ولات كارها راسها ولحمها لي كتشوفو مزووق ...تخشات وسطو مرخية ودموعها ديزين ...هزات زيزوار حدا لحافة بين يديها موركة عليه من لعصاب ويديها كيترعدو تا بدا يخرج دم ...نازل قطراات كيرسم اتارو فلماا ...
صبحاات ناعسة تاشبعات ناضت كتعكز يلاه غتحل لباب تفكرات لحااج هننهنن شغندير ...
لخارج ربيعة كتوجد لحاج حوايجو بطا عليها انتا يخرج بحاالو ..وهو حلف لاخرج داخل من بيت لبيت يرجع لكوزينة تفقصها ...
اوا لله يهديك لحاج را غتعطل..
لحاج شتك بحالا تتجري عليا
ربيعة لواه لحاج لواه انت هو عمارت الدار اوا لخدمة لابد منها ..
لحاج هااه اوا ديك لهضرة تاني انبقا واحل فدار
ربيعة ياسيدي ربي كيما درت وحلة ...نخلاتو ومشات لكوزينة ...خلاتو بلاكة شاف تاعيا هز قشابتو وخرج...
_فشــــــــركة_المــــــــهداوي_
جالس فلبيرو خدام على شي وراق كيف قاليه محمد ...
دخلات عندو سكرتيرة علماتو باجتماع ..وخرجاات ...
جمع وراقيه وناض لقاعة لمخصصة
دخل بهيبة كانو جميع الموضفين كيتسناو بدا لاجتماع كاشف على اهم مستجدات عالم لبورصة وتقنيات الاستيراد الواردة ...
سالا لاجتماع بتراضي لاعضاء ....
داخلة بلباقة لشركة ومشية انثوية مع ابتسامة بشوشة بشعرها شهيب وكسيوتها لموردة ...وقفات على سكرتيرة ..عافاك ممكن بيرو جاد
سكرتيرة( طلعاتها هبطاتها...) وي اطط نعلموو
دخلات علماتو امرها دخلها خرجات بعد دقائق دخلات عندو وقف تسالم معاها بلابيز ...

✨يتــــــــــــــــــــــبع✨