زواج مدبر🍡مكتملة🍡

🍡الجزء 159🍡

📝قــــــــــــصة رمضــــــــــــانية📝
🌷زواج مدبر🌷
💍 البارت 159 💍

وصل لفيلة دخل بخطوات تابتة ...
لقا تيريزا مدابزة مع الكراطة والما مزلع فلارض حداها عشق شعرها مشعكك كتلعب بلما ورغوة لي فلارض وضحك بحال دريا صغيرة ...

تيريزا حالتها تشفي العدو اولا من ناحية بنتها لي شبه تسطات وتانيا شقا لي عمر حطات فيه يديها

الكراطة كتهرب ليها شافت محمد وجمعات الوقفة مخلوعة مجات فين ترصا تاجات زالقة والكراطة طوعات ...

عشق كضرب بيديها ورجليها ميتة بضحك ودموعها كيسيلو هاهاهاهاها
محمد شفيهم باسى ودوى ...
واش قلت ليك سيقي ...
تيريزا كتبكي اهئ مفراسيش
شد راسو بدا يتعصب سكتي بنتك ضراتني فراسي
وقفات بزز غادية عندو اهئ عافاك شوف بنتي ماالها حمااقت
محمد بنتك انتما لي حمقتوها كون عرفتو كيف تربيوها متوصلش لهدشي ...

غدة عندكم طيارة لبلجيكا عمري نشوف وجهكم مفهووم كولشي غيوصلكم

شدات يديه كتبوس بفرحاا وهو كيبعد محمد رصاااي صااف

خرج من الفيلة ديركت الشركة هز تلفونو نفس رقم بريفي كيعيط ليه ....
مهتمش قطع رماه وقلع مكسيري ....

رجعو المغرب ...
العدول جاو لقاو استقبال ...وضيافة

دخلات نادية وربيعة فيدهم رهف بقفطان خضر ملكي مفصل عليها ...

هز راسو بعدما كان حانيه فتلفون ...
قلب نضرو لضيوف لي كانو تاهما كيشوفو فنفس لبلاصة ...
تقدم عندها عمران هاي هاي علعفريتة غتزوج
رهف سيتقود سير غتفرشني نصدق ضاحكة
عمران خرا عمرك تبدلي
رهف الله يخلينا فصبغتنا

هدن راسو قدر لامكان وقرب عندهم حنحن بصووتو ودوى ممكن ناخد مرتي
رهف شكووون
ربيعة انتي ابنت كرشي تبتي
رهف واااع بلعمى شد يديها وزير عليها
جاد لساانك ربطيه اووك
رهف اووك
تقدم بيها جيهت طبلة العدول وجلس هو وياها تبعو الحاج وربيعة
جيهة الخرا نادية وسحر
عاد فجهة الخرا جميلة( مت جاد)
وبااه ...
بدا العدول فاسئلتو ...
مسيو جاد العمراني واش قابل بلانسة رهف خطيبي زوجة ليك
جاد (فخاطرو قول صاحبي )
العدول نعام اولدي رفع صوتك
جر الميكرو ونطق ااه قابل
رهف ( كتحلف فيه غنتفااهمو على هدشي اوليدي )
العدول لمدام رهف خطيبي واش قابلة بالسيد جاد زوج ليك فسراء والضراء
رهف ( فلقلاوي والحنوشة ااه اما السراء ربي رحيم كريم ...)
عفط عليها تاكانت غتغوت
ااه اه قابلة اشريف
عطاهم كتاب يسنيو فيه ...بدا بجاد ودوز لرهف
من بعد لسحر وباقي الشهود ...
وقف العدول كيبارك ليهم ...
والحاج وبات جاد الكل كيبارك
ريناد مشات لبيفي كتاكل هادي تنفع هادي ضر تا شبعات ضارت لقات عمران كيشوفيها مصدووم ...

ريناد ويلي على شووهتي عمري نديرها زينة قدااموو...

ضربات الحضاش تليل تحط العشى والمجمع بدا يخواا بقاو العائلة ...

جاد جااه نعاس مشا الصالة وتكاا
العيالات بقاو مجمعين فصالة الخراا ...

ريناد ورهف وسحر خرجو الجردة يتبردو ...

الحاح وبات جاد كيتحتو على كاس القهوة ...

ريناد انتاا تانا غنتزوج
رهف طفرنااه حناا يخخخ كعما قشبت مع عمراان
ريناد هيييه ياك قلتي غتزوجي غتفوتيه
رهف شادة معايا الحساب هيوا باز

سحر جابو ليها الملال ...
شافت العساس جالس دخلات الفيلة هزات من دجاج والحلاوي وخرجات ليهم ...خودوو كولو

الكارد حاني راسو شكراا امدام
بتاسمات ليهم ومشات طالقة رجليها ...

ضارت على الفيلة تاوصلات لور وسمعات الحس قلبها تفزع وهي كتحس بخطوات حداها ومع ضلام مكيبان ليها والو ..

الخلعة خلاتها تبقى مصمرة تاتعيط لشي حد صوتها مشا بغات تزرب فخطويها تا حساات بكلينيكس شاد فمها حطات يديها تبعدو ساع كان قوا منها وتا يديها بداو يترخاو بسباب المادة لي كانت فيه دوخاتها تاترخات فيديه ...
هزها وكمل طريقو منين دخل ...
كانت لوطو كحلة ...ركبها وقلعو مكسيرين شاف فكارد تاعو ودوى واخيراا شديت راس لخيط بابتسامة شر ( غنجيبو تالبين يديااا )

ريناد فياا نعاس فين سحر ندخلوو
رهف معرط بانت ليا قلبية دخلات
ريناد اوا زيدي تاحنا ندخلو ...

كملو شغلو فشركة ومشاا القصر
...دخل ديركت لدوش يحيد العياا ...