زواج مدبر🍡مكتملة🍡

🍡الجزء 83🍡

📝قــــــــــــصة رمضــــــــــــانية📝
🌷زواج مدبر🌷
💍البارتي لثالت والثمانين💍
🔥اول رمضان فدار راجلي🔥

°°°•••°°°•••°°°•••°°°•••°°°•••°°°•••
♤ عند رهف ♤
واقف بسكواد قريب لدريبة لي كانت عامرة نسبيا ولبركاكات كيطالو والبنات حالين فمهم فالحديدة هدشي باقي حتى مشافو شكون راكبها بحكم زاجها فيمي

جاد قبل متهبطي دي كلامي طانكة فودنيك دخليه ولا خرجيه سمعيه ولا لا ولكن الا متنفدش نهايتك على يدي طال زمان ولا قصار يتشدي لارض وتبتي وديري عقلك ولا غتشوفي الوجه لاخر والخايب منصحكش تجبديه ارهف حيت غتندمي
رهف هحااي لاه باقي شي وجه مشتوش من غير هادو
جاد نزلي قبل منفلعص مك
فمك مكيتصرطش
هزات كتافها باهمال دازت الكوفر هزات منو فليزتها
هنا لبنات زاد تشرع فمهم ولي تتعرف شي وحدة سرسبات ليها الكلام وتبارك الله رهف خبز ربي فطبكوو ...
رهف وهزي عينيك اختي نسيتيهم عندي
البنت على مزيناتك
رهف حسن من ترمتك المزغبة
لبنت تحقن دم فوجها وشي دراري فدريبة كيتفرشخو بضحك عارفينها هبيلة
جاد شد بين عينيه بنفاد صبر حل شرجم جرها من يدها تا تقابلات معاه ودردكي لداركم قبل منزل نخلطك ...
رهف اعع وغي طلق هاني غاديا تحنات عندو بحالا كتهضر فودنيه واش عرفتي هديك را خطرا تلاقيتها فلحمام والله تقول مكيناش الغازواغ وتا سليبها مشرك وتشوف تنفاخ والبخ تقول كتنعس على ريش نعام
جامع يديه حابس ضحكة لي غلباتو زعما هادي لي قدامو يموت ويعرف منين جابوها
رهف ههههه وغي ضحك تانت تقول كتخلص عليها ضريبة
رجع مخنزر تا جمعات وطوات شيرات ليه بيديها زعما باي باي ضربات تخنزيرات فلبنات لي تيحنززو فيها وقفات قدام لباب كتبرح
رهف وربيعة وتي حلي توووحشتك

لفوق جالسة كتنقي جلبانة تا سمعات صوت مالوف ليها لا وبل كيزعزعها من سهاتها توحشتها جدرة احااي الحاج سمعتي لي سمعت
الحاج تانا جاي نسولك ها جعواقة جات
ربيعة الله على بنيتي لله طلقاات تزغريتة من الاعماق فاديا فيها لوحش والفرحة
رهف هههه وغا حلي وجيبي تا دقايقية اربيعة حلي را متقلة
دخلي دخلي يبنت كرشي يالموصيبة خليتي بلاصتك
رهف ههههه عارفة عارفة توحشتوني غي ريلاكس بشويا عليا وخليو مسافة لامان تتفوت هاد لازمة
الحاج ههه اخليني تانا نعنق يااه
ربيعة وتعنق لفعة
لحاج وغي تكون شهببة وروسية ولي بغاعا الله مرحبا
ربيعة ياك اعدوو الله

رهف رخات من لفاليز وجلسات تمرمغ بضحك كيفشلوها بالمناكرة
لحاج ولا تنقصد بنتك را لفعة جيتي تاني تشعلي لعوافي على دخلة باقي تا مسخنتي بلاصتك
ربيعة تا بعد من لبنت انت لي شرفتي وهتترتي
دخلو لداخل وربيعة تبوس وتعنق ...

تبعها كينكر اجي كيفاش شرفت انا شرفت لا انا باقي ندك وندردك

✨يتــــــــــــــــــــــبع✨
هالحاج ورهف تلاقااو تاني😂😂