زواج مدبر🍡مكتملة🍡

🍡الجزء 90🍡

📝قــــــــــــصة رمضــــــــــــانية📝
🌷زواج مدبر🌷
💍البارتي التسعين💍
🔥اول رمضان فدار راجلي🔥

🌅 صبح صباح جديد 🌅

غير صباحات ليوم لعيد وكاي دار مغربية نهار العيد الكل فايق بكري وريحة العود والبخور موزعة وصوت الغلا الغلا والحباب والعائلة ملمة

♤ فلــــــفية عنــــــد نــــادية ♤

والله يهديك اريناد فيقي اش جاك لي نعستي هاد نعسة
ريناد هممم سهرت امرت عمي سهرت غا خليني نعس تتكونو خرجين وفيقوني
نادية ورا خرجين ابنتي نوضي يلاه توجدي
ريناد واااخة غي سبقي
نادية وعنداك تعاودي تنعسي
ريناد نااء
ناضت غادية تارجعات بلور لفوق الكنابي هزات كويرة كحلة هحااي تي منين جاتك هاد تجاكيطة ..
يلاه بداات تغمض ناضت طاافجة هاا ديالي اراي اعميتو اراي
نادية كتشوفيها مصغرة عويناتها تاعك ومالي نازلة من جبل تي هادي را دراري
ريناد ولا كيف شتي هديك را ديال جاد نساها فشركة وقلت توكان يجي عندنا ونمدها ليه
نادية هااه اوا لتنسيهاش ابنتي
ريناد كوني هانية
...خرجات وتنفسات لانسة براحة كانت غتقشعها دازت لدوش فركات راسها وشخص لي صادفات لبارح باقي فبالها تغوبيشتو وطلقة لي طلقها بتاسماك كتقيس ضربة
..ههخخ ولد لحرام اول تيتيز يطيحني على ترمتي همم معرط اش سميتو واااااع بديت تنخرف لوات عليها فوطة وخرجات لدريسينغ تلبس حوايجها....

♧ فــــــــــــــــدار رهـــــــــــف ♧
فاقت طاافجة على يدين ربيعة لي بقفيطين جوهرة ...ودهب فيديها دايرة فولار مبين شويا من شعرها لكحل
رهف اعععععع بعدهاااا علياا وااااع غتلسعني هنننهننن
ربيعة اسمالله عليك ابنيتي انتي فعااار الله
ناضت كتلهت فيننها اربيعة فينها هاا
ربيعة هويلي شناااهيااا
رهف هاا هديك زعما لا صاف غي تنحلم

دخل عليهم الحاج بجبادور بيض مطررز بدهبي مع بليغة بيج وطريبيش بيض كيبان منور خخ تحلف عليه غي غادي يخطب
الحاج ( كيدوي على رهف ) غي مداروش لبوق هاد العام تكلفتي ليهم انتي
رهف واااع لكيطوون لوااه توما مالكم محلقين على الحالة يكما عاد غتزوجوو ههه لا متقولوش اتعاودو تولدونا انا وسحر
خرجو فيها عنيهم هادي منيتها
ربيعة الله على بنيتي تشيراات الله
الحاج اسكتي اشريفة سكتي بنتك بغات تزوج غانتي مكتفهميش ولا ابنيتي من محوووزك ولد المعطي عاد جا من سبليون كااع بنات عياد حاطين عليه العين وهما كل وحدة يوحدى وهو مسكين غا على قد الحاج ومغتجي معاه غا انتي اضلعة
ربيعة ياااك اشلاهبي وانت حاضي معااهم شحال فيهم كنتي تشد فيهم لعبار مع لخياط
لحاج لا ياتا كي شفتي ملي كنتي سفرتي جات بغات جلابتك الكرونة وملي مديتها ليها مقداتها وجبتها وااسعة
ربيعة طرطقاات فيه عينيها هاويلي على لغداااار اويلي انا مخيطة جلابة بشهوة وانت مديتيها لديك مو تروووم هاااه وملي قلبت تاشحفت وسولتك قلتي الله واعلم
لحاج زلة اللساان ولسان مفيه عضم اخر مرة نعتارف
ربيعة انتما اتقتلوني مفيهاش وانت غتختار من لعزايات
الحااج وااه وغلبس لكوستيم وتي نوضي انا شكون يولي يدير ليا بولفاف والكرعين والكسكسو
ربيعة بيتهم يوقفو لك فركابي
الحاج خلاتها بنتك يفوتو غا المعدة
رهف ميتة بضحك ودموعها دايزين تيساليو معاها بنكير ناضت لدوش طرفات وخرجات لبسات لقفيطين لي شدات ليها ربيعة هزات معاها قفطان تاع سحر باش مينساوه ودازت الكوزينة لقات ربيعة كتستف لحلوة لي غتدي لبنها فطبسيل عوناتها ...
الحاج فصالون كيبارك لحبابو لعيد ...

✨يتــــــــــــــــــــــبع✨
الحاج غيختار من العزايات😂