فصلية الشيخ فهد

البارت الأول

الشيخ فهد : بطل الرواية
غالية: بطلة الرواية

(الكوت)
الشيخ عابد: ابو الشيخ فهد

الشيخة فاطمة : ام الشيخ فهد

الشيخة صبحة : زوجة ابو الشيخ فهد

شيخة حور : اخت الشيخ الوحيدة

شيخة خولة : زوجة الشيخ الاولى 'بنت عمه'

ثريا: زوجة الشيخ الثانية '' فصلية''

مناهل: زوجة الشيخ الثالثة '' فصلية''

*العنود* : حبيبة الشيخ فهد وعشيقته

_______________

( بغداد)
ابو عقيل( محمد) : ابو غالية
ام عقيل(ساهرة) : ام غالية
عقيل : الاخ الأكبر
علي : الاخ الأصغر
أمنية: الأخت الكبرى
سمر : الاخت الوسط
اسماء : آخر العنقود

_______________________________________

- *الكوت* -

ليلة حمرة وشموع وصوت اغاني الهجع
وصوت الحجول
وبيدي جكارتي وكدامي ملاك لابس احمر
والجسم خيزرانة يتمايل وآنا الدنيا ما سايعتني من الفرح وأهيس رويحتي اسعد انسان بلدنيا هاي

العنود : ها يتاج راسي

الشيخ فهد : عنود شعملتي بحالي

العنود : شما اساويلك احسني مقصرة

الشيخ فهد : كعدي حذاي، مشتاك اشمن عطرج واترس ريتي ترس، خافن تجيني ساعة ما اشوفنج

العنود بعيون محتارة: شني هذا الحجي شيخ

الشيخ فهد : ما اعرف لجن كلبي يخاف يفكدج

العنود بابتسامة: آنا كلي الك وملكك، وشوكت ما تريد
تلكاني عدك وحذاك.

( كعدت بحضني واخذت الجكارة مني
واخذت منهة نفس واتحسرت)

العنود : شيخ

شيخ فهد: آمري يبعد بيتي

العنود: احسنك ضام علي شي

شيخ فهد : آنا أمي ما اسولفلهة البكلبي بكثرج.

العنود : لجن احس ضام علي شي

شيخ فهد : مثل شنهي؟!

العنود : احسنك راح تاخذ الرابعة وآنا مالي نصيب وياك يشيخي

شيخ فهد بحسرة : لون الشيخ عابد يرضى
لجن تعرفين وضعي

العنود : آنا عاذرتك لجن كلبي الما يهيد

( دفنت راسي بركبتهة وجريت نفس قوي)

شيخ فهد: ريتني اموتن بهاي الركبة

العنود : اسم الله عليك، ريت يومي كبل يومك

شيخ فهد بحسرة: تحبيني عنود

العنود : الا أعشكنك موش بس احبنك، وريتك تودني كثر ما أودنك

شيخ فهد: لا تزاوديني اعلة حبج، يعلم الله شكبر عشكج بدلالي