♦♦♦♦♦♦♦♦♦♦♦
" ارواح مُقيـده "
برمَش العِين اغطيَكُم ولفَكُم
واضَل برَدان وتتَراجّف اديَه .
بـ قلـمـي: جـنـَة الشـمـري
♦♦♦♦♦♦♦♦♦♦♦
-واكفه اغسل مواعين العشه ودخـَل اخويه يرگض يكول واحد راگض وراه سديت المـي ورحت وراه أشـوف شگو !
شفته طب للأستقبال طبيت وراه وأشوفه يحجي ويـا أبويـه
غيـث:- بويه الحـك فدووه
حارث:- شگو هم مصيبه مااخلص من مصايبك انتَ ؟
غيـث:- غلطت والعباس ماادري راح يسجنوني
حارث:- امشـي امشـي منعول الوالدين
-شكـو بـابـا؟
حارث:- مصايـب اخوج ماتعرفين
-راح هو وغيـث شوگت نخلص من مشاكل غيـث ماادري رحـت لـ غرفة امي شفتها نايمـه ؏ جربايه وبيدها كانوله سوده عليه ياامي گون هل مرض بيـه ولا بيـچ شافتنـي وأبتسمـت اشرتلي اجـي چريت الكرسي وكعدت كبالها همست بصوت ناصـي
هبـه:- شبـي أبوج صوته عالـي ؟
-اتنهـدت، غيـث مدري شبـي اجه يرگض وراح ورا
هبـه:- هذا اخوج المخبل شوكت نخلص من مشاكله صار عمره 25 سنه شوكت يعقل ماادري
-لا ضوجين نفسج رويحتـي ارتاحي انتِ يچي يوم ويعقل وتره من وره جماعته بابا شگد گله عوفهم موزينين بس ميفيد
هبـه:- اصدقاء السوء موتوني من ورا اتمرضت وهاي طيحتي بالفراش بس مااگدر اكله كُله من وراك خاف يضوج منـي
-عيوني انتِ لا تقلقين نامـي ابويه ميقبل يشوفج هيج تعبانه نامي يلا يروحـي
-ابتسمت وبستها وسديت باب الغرفه كعدت ؏ تخـم صافنه اعرفكـم ؏ نفسي
-اسمـي "فيـروز " بابا سماني هل اسم ؏ امه چان كُلش يحبها وتوفت قبل سنين وسماني عليها عـمـري 24 سنـه خريجـة قانون وماكو أي تعين فـ گعدت بالبيت وابويه قبل اشهر لگالي تعين وگال بعد اسبوعين تبدين وكُلش متحمسه من بغداد اوصفلكم شكـلي مراح اكللكم ملاك وماادري شنـو، عيونـي گبار كُلش واحلى شي احبهن ودائماً يصيحولي ام عيون الوسيعـَات ولونهم رصاصي وحواجبـي ثخان وبيهن رفعه وبيضه وخشمي صغير وشفايفـي صغار ومنفوخـات وعندي خدود وجهي مدور وشعـري قصير لحد چتافي ابد مااحب الطويل كلما يطول اگصه وناعم وثخين ولونه ذهبـي وعنـدي غمازتيـن وطولي 159 وزنـي 66 جسمي بارز ومخصـر اگثر شي مسببلي مشاكل لازم كُله عريض واتنرفز وعيون النـاس مُقرفه حيـل المُهم هسه اعرفكم ؏ عائلتـي
