♦♦♦♦♦♦♦♦♦♦♦
" ارواح مُقيـده "
بعَد بيّة حِزن
ينكِتب ما ينشَاف
حِزن مّحد شَافة
حِزن شفَاف
وتِعب مسِتوطن بروَحي
متلفِلف علّي الفَاف
حِزن مثَل الله ، ما ينشِاف
بقلمـي: جـنـَة الشمـري
♦♦♦♦♦♦♦♦♦♦♦
-انخطبت ايناس لشخص ثاني شخص مو ابراهيم خفنه يسمع ابراهيم لان اتعلق بيها صح ماحجه وياها ولا هيه حبته بس هو يحبها حُب من اول نظره عشگها وبعد ماكدر يعوفها انقهرت ؏ ابراهيم لو عرف خابرتني بليل اروى تعزمني
اروى:- ولج شگد حجيت عليها كتلها شنو هذا وموافقه عليه وهيه قافله اله اريده
فيـروز:- خاف جانت تحبه؟
اروى:- اييي يحضي اخو صديقتها وهاي صديقتها حيه من جوه ليجوه متريدها توافق ؏ اي شخص اله اخوها ونوب اخوها شخص مسربت وسگرچي وهيه اله اريده وشعليكم حياتي لو حياتكم لا تدخلون
فيـروز:- عوفيها حبيبتي هاي حياتها الله يسعدها
-ثاني يوم رحنه للخطوبه جانت طالعه تخبل گبرت وصارت احلى من قبل اتخرجت وهسه عمرها 23 سنه باركتلها والعريس يعني مو كُلش حلو وسايق تكسي ماعنده شهاده رجعنه للبيت واشوف ابراهيم كاعد بالهول يبجي رحت رگض يمهه احسه اخويه الجبير
فيـروز:- شبيك برهم؟
ابراهيم:- عافتني وراحت صارت لـ غيري المتخاف الله
فيـروز:- گافي خويه مو من نصيبك
ابراهيم:- لبسها الحلقه موو؟ باسها وحضنها صارت لـ حُضن غيري الأدبسزز
فيـروز:- شسوي قسمة ونصيب وهيه مو من نصيبك
ابراهيم:- اتنهـد، چنت أعتبره وطن بوكت
الغربة يلمني ،
وتالي أستوطن غيري
وخيب ظني
فيـروز:- برهـم باوع خل انصحك اعتبرني اختك الصغيره، القوه اول شي واهم شي ،
الفراك مرحله كل انسان يمر بيها كبدايه توجع وتكون صعبه وخلص وكفت الدنيا هناا وماكو بعد هواا راح الاحبه وهالخريط كله ،
تبدأ تتعود ع وجع الفراك شويه ، شويه
تتعود ع البجي ع الغصه ع الغيره التاكلك وهو مو يمك ،
اكو طريقين انتَ تختار طريق الضعف ، طريق القوه وتتقبل كلشي ،
اختار القوه وكلشي راح منك احمد ربك عليه كلما حمدت الله حيقويك اكثر وعوف كلشي حبا بالله ، وكل امورك بيد ربنا ابد ميقصر !!
الفراك لو جان بحب حقيقي وقوي مينسي بفتره سريعه ياخذ من عمرك سنه او ٢ وحتى٣ ،
وبعدها تتقوى شهر توكع شهر توكف بحيلك
كلشي بيدك انتَ القوه اختارها وخلي عندك اراده ميكسرك لا فراك ولا حب ،
