♦♦♦♦♦♦♦♦♦♦
" ارواح مُقيَّدة "
شيلمنة !
بعَد كِلمن مَشة بدربة .
واحد يضحك .
و واحد وكف گلبة .
بـقلمـي: جـنـَة الشمري
♦♦♦♦♦♦♦♦♦♦♦
-فزيـت من النـوم الغرفه دافيـَة وضلمه فتحت موبايلي الساعه بـ 10 بليل شهگت عزه بعيني شكد نايمه نمت بـ 3 الضهر وهسه يلا كعدت گمت غسلت وبعدني بالبرنص بدلت لبست دشداشه قصيره ورفعت شعري كعكايه وطلعت خصل فتحت باب غرفه شفتـة ماگو وين راح هـذا مااهتميتله سويتلي اكل كعدت اكل انفتح باب المطبخ وطـب لابس كُله اسود باوعلي وراح للغرفه شويه واجة مبدل صاح بصوت عالـي
الياس:- اريد چااااي
-يعني يعرفني اتعشه بس خبيث عفته ولا گمت وره دقيقه هم صاح ماجاوبته اجه للمطبخ شافني اكل ومامهتمه
الياس:- من اصيح اريد چاي ليش ماتكولين صار؟؟
فيـروز:- عفواً؟
الياس:- فيـروز گافييي
-باوعتله ودنكت اكل سمعت انكسر شي عرفته كسر شي كملت اكل وغسلتهن شفته كاعد ؏ تخم يدخن وبيده الموبايل استخطيته حميتله الچاي وانطيته اله اخذه وضل يراسل اريد اعرف منو يراسل؟؟ گعدت ؏ صفحه اراسل بـ نسرين تسولف ؏ رجلها متت ضحك
نسرين:- ولج موتني والعباس اگُله حبيبي صير رومانسي مثل بعض الزلم يكُلي انجبي حبيبي وينه وين هل سوالف والعباس يحسسني رجال وماعندي احساس اصلاً
فيـروز:- ههههههههههه خرب يومچ انتِ صيري بداله رومانسيه
نسرين:- احاول بس مگاعد اضبط هل شـي
-ضلينه نسولف ونضحك مااحس اله انسحب مني الموبايل رفعت راسي شفته الياس گلبت عيوني وحجيت بملل
فيـروز:- الياس انطيني موبايلي
الياس:- ويامن تحجين؟
فيـروز:- وانتَ شعليك؟؟
الياس:- رجلج انـا افتحي الرمز
فيـروز:- الياس شعليك؟
الياس:- شنييي شعلييه رجلج انـاااا
فيـروز:- وانييي هم مرتك ماگتلك شكو تراسل وتضحك؟؟
الياس:- انـا اسولف ويا اختج مو احد غريب
فيـروز:- بدموع، وتسولف ويا اختي وعايفني؟؟ ماگلفت نفسك تكُلي اسف صارلي 3 ايام زعلانه وانتَ عندك عادي اختي سبب المشكله وانتَ تحجيها وياها وعندك عادي
الياس:- ماسوت مشكله كلتلي واتشكرتها اصلاً
فيـروز:- بعصبيه، اشكرهاااا بس والعباس اذا سمعتها جايبه طاري مااعوفها سالمه وخل تحير برجلها قبل لا تطلك مو تسولف ويا رجال مزوج بنص الليل
